JEREMIA 28:4 - ASII LAKDAP Bible (BSI)

⁴ Kiimaq Ngi raq Juda mung hokhamwe Jehoiakim se Jehoiachin nai mungmaiqse munglu shumwi ma Bebilon mung na atsuq wan kra, wiita ana Juda mung na hali mitsuqho nongha. Tengteng, Ngi raq Bebilon mung hokhamwe ningkun ka wiita she mitiibun baiqha. Arka Ngi, Tatiwe raq toqtan tiikang.”

Hawa Naga Bible 2001

⁴ Ngaz rueq Babelon nuex lvp thuq wvnc tueq Yuda miqsaz lotlaz rulc vdvmz Jehoiakim saz Yuda hokhvmx Jehoiachin muinz tvyez shvlx wvnc yek shaungx. Rvtueq, ngaz rueq Babelon hokhvmx waz luimc vkawc kuex tv-ngawk kuq gay shaungx. Ngaz, Yehowa rueq jungx vshaungx.”

JEREMIA 28:4 Referencias Cruzadas

RAPHA HIQWA LAK 27:40

Ümnep ja kra sham laütli ümniika misi haü, Shatmaq ümno dise ma mija haü. Li jiimin ümtiikiiwa ümniika pong wela mijaho haü, Apaiq wokhong wa ümniika midongho haü.”

2 HOKHVMX 24:14

Kiimaq Nebukadnejar raq Jerusalemti mungmaiqse thun, hokhamwe jamti hokhamsetiim maiqwere thun, kiimaq mungtubi thun, tsangshiq tlotli ka maiq hing roqshi ka munglu shumwikong ma tsuq wanto. Kiimaq apaiq raq maiq jaqsham smabi thun, tiiqwebi thun kiimin romshaq na, wiita Bebilon mung na tiiwabaiqto. Raüta Juda mung niika mungmaiqse phong wa miitsan pinthumtibi kriili she tiichong baiqthüto.

ISAIA 9:4

Jamkhano ngukla ümniiraq tsangshiq dangkong wa homai laihea chicho kra ngoqbaiqlaü, tsangshiq phaqlam na tsatchang sintsang kra ngoqbaiq laü. Ümsenginok ka ji maq nishishi haihii wantinok mung ka ümniiraq tanglaü she. Arka ümniiraq richü pat na Midian mung phenlabi khat laüta tanglaü ikha tanglaü.

JEREMIA 13:19

Juda mung wa shemai nü wang na siti chela thun ka re raq trotam maq akom phaq wan kun she. Jumin chela mong na nyap wa lot mak she. Juda mungti tlotli ka re raq munglu shumwikong ma pong mung na atsuq wan kun she.”

JEREMIA 2:20

Ajong Pinthum Tatiwe raq ngutlo, “Israil lei, rathup niiphü ümniiraq ngi arang ka no na tsuqbaiqlaü; ümniiraq ibom taimaü riilaü, Ngi shomnoq maü riilaü. Kin diilu aweatek na kiimaq pejaq nüm chong aweatek chongji na ümniiraq ase keti phra thun noq laü.

JEREMIA 22:10

Juda mungti lei, Hokhamwe Josia miitu naqhoq rongkiq. Apaiq maajo ka naqhoq rongkiq. Shatmaq ase Joahaj miitu makphai khüshang hoqsiq ronglaq; Tsangshiq raq apaiq ka tsangmung na shea wantlo. Kriika ümtiikiimin jangki mak she. Apaiq arawü chhichang hiqshong kra thongshi ka chhinong mak she miraq.

JEREMIA 22:24

Tatiwe raq Juda mung Hokhamwe Jehoiakim se Hokhamwe Jehoiachin ma nguto, “Ngi ka tengteng atra Shiikeawe kha maq, ümniika arangho ijaqtop jaqtsi nü na apaha li nguraü min, ngi raq ümniika ijaqshi wa achhut mirbaiqha.

JEREMIA 24:1

Tatiwe raq ngi ma tamlii anai na phupmuptsi ka Shomjam rinkea na tiito raü tiichhikuqto. (Ara tiichhikuqtaq arka Bebilon mung Hokhamwe Nebukadnejar raq Jehoiakim se Juda mung Hokhamwe Jehoiachin ka Jerusalem wa munglu shumwi ma Bebilon na, Juda mungti welabi nai tsiimwebi kiimaq jaqsham smabi rai tsuq wan jaishe riito.)

JEREMIA 24:5

“Ngi, Tatiwe, Israilnok Shiikeawe raq maiqse ümchuwa Bebilon mung na tsuq wantaqti thun kriika ara phupmuptsi tsiheati thun akha maiqshaq shaqti kong tsuq wanto. Krai mren Ngi raq tsangshiq ka mangchan lata miliiha.

JEREMIA 27:8

“Shatmaq maiq mung ashira raq kiimaq hokham weshi ra raq, apaiq puk na nyap mak raüla, Ngi raq kra mung ka re ma mitiikhat ha, lata sintsang maq mitsat ha, ram tiidong lata, ram ma mitiitsaiha; kiimaq tha tiidong lata mitiijiimbaiqha. Lata kra mung ka Nebukadnejar ma tiikhat lata botkhulai rai mishot baiqha.

JEREMIA 28:10

Kiijiishe Hanania raq idangkong wa thai kaü ngi raq i dang na hoshat kra dopot she lamto. Raüta thai ka bunlak tiibun baiqto.

JEREMIA 28:2

Tati Ningkun Ajongwe, Israilnok Shiikeawe raq akha nguto: “Ngi raq Bebilon hokhamwe ningkun ka tiibunbaiq kang she.

JEREMIA 29:1

Ngi raq ramwebi, shammibi, mung welabi, kiimaq mungmaiqse ahinti ümchuwa Nebukadnejar raq Jerusalem wa munglu shumwikong Bebilon mung na tsuq wantaqti thun ma lak ashi waiqkang.

JEREMIA 29:2

Ngi raq ara lak waiq kang arka Hokhamwe Jehoiachin, anyung, hokham jam na siti ajong alabi thun, Juda mung wa welabi thun kiimaq Jerusalemti thun, tsiimwe smabi, kiimaq jaqsham smabi thun ka munglu shumwi ma tsuq wan jai she waiq kang.

JEREMIA 30:8

Tati Ningkun Ajongwe raq ngutlo: “Ümtiikiiwa kra akhing ranaiq she saüjiiq, Ngi raq tsangshiq dangkong na kharü thaikii akhakuq kra atiibun mirbaiqha. Lata tsangshiq khachang jinraü kharü tu kra adii mirbaiqha. Krai mren, tsangshiq ka pongmungti disekong ka riimak she miraq.

LEWI 26:13

Ngi, Tatiwe, namshiq Shiikeawe raq namshiq ka Ejip mung wa shun shea wan kang. Kriika namshiq ka ümtiikiimin dikong ma jaki man chang miitu tsuq wan kang. Ngi raq namshiq khachang kharü ka chumbaiq wan kang. Lata Ngi raq namshiq ka wase miishe tiija wan kang. Krai mren namshiq ka namtok ra na dolan tiishe khumtlan.”

NAHUM 1:13

Ngi raq ümchaü, Asirianok shumraü kharü, namshiq khachang kriishe, michumbaiq ha,” nguta Tatiwe raq chongtlo.