JEREMIA 27:3 - ASII LAKDAP Bible (BSI)

³ Raütiishe Tatiwe raq ngi nangnga, tsütsa ka Mob mung hokhamwe, Ammon mung hokhamwe, Tajar mung hokhamwe, kiimaq Sidon mung hokhamwe ma, tsangshiq kiimwebi Jerusalem na Hokhamwe Jedekia phana awa kriiti ma tiichongholaq nguta chongto.

Hawa Naga Bible 2001

³ Kvruex yimaq Yehowa rueq Edom, Moba, Ammon, Tire nuiyc Sidon hokhvmx bix kox nuex Hokhvmx Zedekia rulc rvhumc tvkoc Yerusalem nuex httuiuc kaz tueq tsuingshiq kamx waz hez maq raz tueq vruex bomjungc kuex tvgurc kuy tvkoc ngaz muex jungx phuex.

JEREMIA 27:3 Referencias Cruzadas

2 KAÜWA WERAÜ 36:13

Jedekia raq Hokhamwe Nebukadnejar puk wa dongho mat tanto. Apaiq ka Hokhamwe Nebukadnejar raq Shiikeawe mang na apaiq wokhong na wanse ma jalata tsapkapkap misiha nguta shiitep raüta atiitum atiisi riito. Apaiq ka wanshak shak mra tiidii mak riito. Kiimaq Tatiwe Israilnok Shiikeawe puk na nyap wan mak ngiimto.

ISAIA 23:4

Sidon chela lei. Ümniiraq jea ngaü laü she! Khamjong chum nai sammok tra chum tsaü jonghea raq ümniika tiishaü baiqto she. Raüta akha ngutlo, “Ngi ka saühü sehü nyung dongdii. Ngi raq ise maiqwesetiim lo jechaksetiim ka tiichhanchhi wan mang dongdii.”

JEREMIA 27:12

Ngi raq Juda mung Hokhamwe Jedekia miimin ara bomtsi kriisiili chongkuq kang. “Bebilon hokhamwe puk na nyap laq. Laüta apaiq wokhong na silaq. Kiimaq asengi amungti kra shiililaq. Kra nguraüla ümniika hansang misi haü.

JEREMIA 27:4

Tati Ningkun Ajongwe, Israilnok Shiikeawe raq, tsangshiq ma aming kuq laüta, tsangshiq hokhambi ma Tatiwe raq akha tiichonghoto nguta chonglaq nguta chongto:

JEREMIA 28:1

Kra rawii wa jipi lübiingi na, kiimaq Jedekia ka hokham jawanli maq wiiblai she angu na, Ajjur se Hanania, apaiq ka shammiwe Gibeon chelati raq ngi rai Shomjam maq riibomto. Ramwebi nai mungmaiqse man na apaiq raq ngi ma chongto,

EJEKIEL 29:18

“Maiqse lei, Bebilon mung Hokhamwe Nebukadnejar raq Tajar chela ka khatto. Raüta apaiq raq aphenlabi ma hupsam ka pinthum laihea tiihowanto. Kra ningkhan tsangkhu po ka hopaq raq latsiq raüta kealoklok riito. Kiimaq tsangphaq lam thun ka chicho raq lat rat raüta ami atsi tamli she riito. Shatmaq kra hunniisiqtaq kra miitu hokhamwe nai asenginok raq jamlai liip min lapmak dea riito.

AMO LUIK DVP (AMOS) 1:9

Tatiwe raq ngutlo, “Tajar chela raq atang wan ngarai ma, hiq ma ra ma she tang wanto. Arningkhan ngi raq tsangshiq kha, tiijoq mang mipho ha. Jamkhano ngukla tsangshiq raq, siphu sino tongshong tri raütu wiita jin wanto. Raüta maiq hiqshong ashi wiita, Edomnok di ma shaphaqto.