JEREMIA 26:4 - ASII LAKDAP Bible (BSI)

⁴ Tatiwe raq ngi ma mungmaiqse ma chongkuqlaq nguta thaüto, “Ngi Tatiwe raq namshiq ma Ngi raq jamlai wa shrinkuq kang kra lang lanta iwokhong na sironglaq nguta chongkuq kang.

Hawa Naga Bible 2001

⁴ Yehowa rueq ngaz maq raz tueq miq htenc muex tvjungc phuex, “Ngaz Yehowa rueq mnoz muex tvluing kuq phaungx lvmx kuex phvnx vtueq ngvy kvjaz kuex phvnx shuiuz,

JEREMIA 26:4 Referencias Cruzadas

1 HOKHVMX 9:6

Shatmaq ümniiraq riimakla ümsaütiim raq ijai phan wan mak she miimbaiq raüla, kiimaq ümniiraq ngi raq akuqha itri raütu thun nai aming thun kra langmaü she jinwan haü jiila, laüta laihin sumla phra thun kriishe shomnoq wan haü jiila,

ISAIA 1:20

Shatmaq ümniiraq ikiq khiiruq la khiihaüla, ümniima atsai lam kli she misi. Arka Ngi Tati raq ngutiikang.”

JEREMIA 17:27

Shatmaq tsangshiq raq Ngi aming ka lang raa dongdii. Raüta Asii Niitiitsak Ranaiq ka asii ranaiq tri maq lang raa dongdii. Tsangshiq raq kra ranaiq na Jerusalem chela kilamchong thun lam maq hupsam ho raüta khum raamak. Tsangshiq raq kra bom ka tlea raüla, Ngi raq Jerusalem chela kilamchong thun ka wa maq michaq baiqha. Wa raq Jerusalem chela mong wa hokham jam thun ka mikhiimbaiq. Kra wa nyai wantlaq kriika juwe riimin tiimatbaiq lot mak she miraq.”

JEREMIA 22:5

Shatmaq namshiq raq ngi aming thun ara lang man riihan jiila, ngi raq atiitum lata namshiq ma chongtiikang, ara hokham jam kaü arka wiita athen she mirwan. Arka Ngi, Tatiwe raq toqtan tiikang.

JEREMIA 32:23

Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.

JEREMIA 44:10

Shatmaq ümchaü ranaiq niitaq saüli, namshiq tsantsii ka klai wan man dea. Namshiq raq Ngi ka shreng wan man dea, kiimaq Ngi raq namshiq ma nai namtitiim ma kuq wan kang tri raütu kra lang lanta siwan man riitlan.

JEREMIA 44:23

Ara ümchaü namshiq khuthaq na akha athen ajen wan akhing saüwataq arka namshiq raq laihin phra thun ma honglu kuq wan lanta Tatiwe makki na ngarai tang wan lanta apaiq aming thun kra tlea wan lan kriikha na then lan.”

JEREMIA 7:14

Arningkhan she, ngi raq Shilo chela ka jamkho tiijabaiq kang, kiikhiisii hali, namshiq kamsiqtlan i Shomjam kaü ara ngi raq atiithen she mirbaiqha. Ara Shomjam arka ngi raq namtitiim ma akuq wanha kiimaq namshiq miimin kuq wankang. Ngi raq jamkho Shilo chela wa tiithen baiq kang kiikhiisii hali armin mitiithen baiqha.

TRI CHONGKE 11:32

tsan na tiitsangshat maq, ümchaü ranaiq ngi raq namshiq ma kuq tiikang thungtri raütu thun ara atsi dada maq lang ronglaq.

TRI CHONGKE 31:20

Ngi raq tsangshiq ka ara hiqpo hiqwin mung na mishea wanha, Ngi raq tsangtitiim ma kiqkham kuqkang kra phan phan. Kiijaq tsangshiq ka phaq asea chamtraq wok phetaktak misi. Kiimaq tsangshiq ka polokhiq chamtraq mishong wan. Shatmaq tsangshiq ka iwokhong wa midongho, raüta laihin sumla phra kong kriishe mishomnoq wan. Tsangshiq raq Ngi ka ashu she mirbaiq wan. Raüta Ngi raq akuqha itongshong raütu kriishe mijin wan.

TRI CHONGKE 4:44

Mosheq raq Shiikeawe Tri raütu thun nai tri tsii chongke thun ka Israilnok ma kuqto.

TRI CHONGKE 4:8

Ümchaü ranaiq ngi raq namshiq ma shrinkuq kang tingting thung tri raütu akhiika, nanok maiq mung ahinti ümtinkhan li jong rai raü min, akha tri raütu ka tsangshiq nok jaq na ahü.

Hebrews 6:18

Riita, arjaq chongtlaq, bomtsi ka anai. Shiikeawe raq mikuq ha nguta kiqkhamtaq kra nai apaiq raq sinkhamtaq bomtsi anai kra riito. Shiikeawe bomkham ngutlaq kriika, ümtiikiimin poiki mak phan. Krai mren, nashiq apaiq wokhong tiiwong na sitiikaitibi miika, tsailam jilam she sitiikai. Kiimaq nashiq raq alap chang sitlaq kriika, milap rong i dongdii nguta, ran tiikai. Laita kamto maq khe tiikai.