JEREMIA 26:19 - ASII LAKDAP Bible (BSI)

¹⁹ Hokhamwe Hejekia raq nai Juda mungti mungmaiqse raq Mika ka tsat baiq mak dea riito. Kra rii na, Hejekia raq Tatiwe ka shrengto. Kiimaq apaiq tsan tiihea raüta khrum lap wan miitu khoti shiikut wanto. Kiimaq Tatiwe raq atsantsii ka klaito. Raüta apaiq raq tsangshiq khuthaq na chamchao sangrai mitiisaüha angu wiika tiisaü mak dea riito. Riita ümchaü nashiq ka nashiq maiqmii khuthaq na pinthum phiiptsi chang chamchao tiisaü wan dan tiikai ahata.”

Hawa Naga Bible 2001

¹⁹ Hokhvmx Hezekia nuiyc Yuda miqsaz htenc rueq shvmmax Mika kuex thvt gay muq rvtueq. Kvkhoc ruec tvraung, Hezekia rueq Yehowa muex tvtsanc nganc ruiux vpiq kox wawc kvmenc jenc thoz tueq. Yehowa rueq tsuingshiq htauk nuex thuimkux bac hvlc httuiuc tvkoc jungx tueq, yuq muinz vpiq thuinz layc gay tueq. Majuiuc naunghez rueq naunghez htauk nuex kvhiz juing thuimkux kuex tv-httuiuc dvnc vshix,” ngoz tueq jungx tueq.

JEREMIA 26:19 Referencias Cruzadas

2 SAMUEL 24:16

Tatiwe rase raq Jerusalem chelati ka ashthen baiq she angu wa, Tatiwe raq mungmaiqse tseabaiq wan tiima kra aklai riito, Kra ningkhan apaiq raq tsangshiq tseabaiqti rase kiima, “Tsaqlaq! Hongto she!” nguta chongto. Rase ka Jebusaiq phan maiqwe Arauna tsambuk chang ba niishe riito.

2 KAÜWA WERAÜ 32:20

Kiijiishe Hokhamwe Hejekia nai shammiwe Isaia, Amos se raq Shiikeawe jaq wa khrum jaü jaü achu jaüto.

2 KAÜWA WERAÜ 34:21

“Kirong laq. Lantea ngi miitu kiimaq Israil mung na nai Juda mung na ümchaü min siruqti mungmaiqse kra miitu Tatiwe ma bom waiki rongkiq. Lantea ara lakdap na shrinkuq tlaq kra ka rit ronglaq. Tatiwe ka nashiq ma atsankhiq sitlo. Jamkhano ngukla natitiim raq Tatiwe bomtsi ka lang mak riito. Kiimaq ara lakdap na jamlai wa alang wan raa dongdii nguta chongtlaq kra lang wan mak riito.”

DUNGWVNC 32:14

Krai mren Tatiwe raq apaiq tiima tsantsii ka klaito. Kiimaq apaiq raq asenginok khuthaq na phiiptsi chang mitiithen baiqha nguta tiiphiip bomtaq kriika tiisaü mak riito.

ISAIA 26:21

Tatiwe ka apaiq sichang ramungtan jam maq aki saühotlo she. Apaiq ka mangjong maiqse raq ngarai thun klo khana tsangshiq ma mo tiihokai kitlo. Mangjong hiq na ahukse maq maiq atsatbaiq thun ka wiita mitiichhikuq. Kiimaq maiq ümchu wa tsatbaiqtaq thun ka hiqraikhü riimin paülot mak she miraq.

ISAIA 37:1

Hokhamwe Hejekia raq tsangtsam raq achong tsütsa kra tairili, atsanbitsi ma adü na asam khea kra chaiham chaihea chaibaiqto. Raüta wunthaü riinaü khea sam raütiishe apaiq ka Tatiwe Shomjam na wawanto.

ISAIA 37:4

Asiria mungti hokham ajongwe raq asengi ajong pinthum siihiipwe ka atra Shiikeawe tiishummiikai tiikito. Riita Tatiwe üm Shiikeawe raq atinkhan shummiitlaq kra mitailaq. Raüta arthun bomtsi ngotibi ka apaiq raq mo mitiiholaq. Arningkhan Shiikeawe jaq wa achu jaülaq nashiqnok ümchuwa atra sitlaq thun kra miitu.”

JEREMIA 26:15

Shatmaq namshiq raq ara bomtsi arka tsan na riikhaqli thü ronglaq: Namshiq raq ngi tsatbaiq han jiila, namshiq ajong alabi nai mungmaiqse ara chelati ka maiqse ashi khahü na tseabaiq wan kha na ngarai khabu she mihohan. Jamkhano ngukla, Tatiwe raq ngi ka namshiq ma ara honlam bomtsi ara chongkekai tiikito.”

JEREMIA 26:3

Jursap mungmaiqse raq ibomtsi kriiwa taijiiq riila. Raüta tsangshiq raq abi jaqshamtlaq kriilo thaq baiqjiiq riila. Tsangshiq raq kra thaqbaiq raü ka, Ngi riimin, tsangshiq raq ngarai pahea klotlaq kha na, tsangshiq ka atiithen mirbaiqha nguta toqtan tiikang kriika, tiithenbaiq mang, ngi tiima ka aklai mirha.”

JEREMIA 44:7

“Riita, arningkhan na, Ngi, Tati Ningkun Ajongwe, Israilnok Shiikeawe raq, ümchaü namshiq ma ara bom waitiikang, namshiq maiqmii ma abi arthun jaqsham arka jamlai nguto shamtlan. Riita namshiq raq maiqse khuthaq na, maiqwere, kiimaq jechakre, kiimaq nosere khuthaq na kiimaq noshiisetiim khuthaq na, athen wan chang jaqsham ka jamlai nguto shamtlan? Ara klo tlan arkha na namshiqnok ka chongthum ma mija wan han riimak sha?

AMO LUIK DVP (AMOS) 7:3

Kiijiishe Tatiwe apaiq tiima aklai she riito. Raüta Tatiwe raq, “Ara thawa ka tiisaü wan mang,” nguta chongto.

HABAKUK 2:10

Ümniiraq maiqmung pahea tiithen baiq laü, Kra mra ümjamkun na misaü, Kriika ümtsantsii abi maq adong phaqchi toq laü, Kra miitu ümnaq jea ngaü.

JEKERIA 7:2

Kra akhing na Bethel chelati raq Sharejar nai Regemelekh ka tsangnai kongtibi rai achu shiiman lap ma nguta Tati Ningkun Ajong Pinthumwe Shomjam na achu tiijaükito. Kriika Tatiwe shiiman lap miitu tiikito.

WEAWEA 16:38

Kra wawinpin thun ka ümtiikiiwa Tatiwe berong wacha na kuqtaq kriikha maq asii she jakito. Kra ningkhan tsangshiq ngarai tang kha na tsaitaq wetiim wa winpin thun kra adam na riichomlaq. Laüta pisaisai diimsetiim ma tiiqlaq. Laüta kra diimsetiim maq berong-wacha kra joblaq, kriika Israilnok miitu tsii lam chang saqse misilaq.”

Matthew 23:35

Riita ara chong tiikang arai mren, maiqtu ngampü thun kiimaq asii chiisan maiqse thun tsatbaiq wan taq kra mat kha ka, namshiq khupo na misaü wan. Abel maq pha lanta Birekhia se Jekeria, apaiq ka namshiq raq Shomjam mong na aluchiim nai tsaüwe khamchong liipan na tsatbaiq lan. Arthun ngarai ka namshiq raq miho han.

Acts 5:39

Shatmaq, arka Shiikeawe jaqsham dea jiika, namshiq raq tsangshiq jaqsham ka tangta lot man mirhan. Kiimaq, namshiq maiqmii kriikhoti, Shiikeawe rai riilong liiq ma mojakai min miraq!” nguta Rung welabi ma tsii ka chongkuqto. Krai mren, Rung na ngati welabi raq bom ka Gamaliel raq tsii chongkuqtaq kiijiidea tiisupto.

Revelation 16:6

Tsangshiq raq Shiikeawe sengi nai Shiikeawe shammibi tiijai raü baiqto. Krai mren she, ümchaü ümniiraq tsangshiq ma, tiijai hali she tiinyang tlaü kra, tsangshiq raq jamlai wa lap tlaq, kriika tsangshiq raq kha tangtaq kra tham she hophaq wan tlo!”