JEREMIA 26:13 - ASII LAKDAP Bible (BSI)

¹³ Namshiq chap nai nga kra klai raa dongdii. Kiimaq namshiq raq jamlai wa ashut klotlan kriika klai raa dongdii. Lanta namshiq Tatiwe namshiq Shiikeawe aming ka lang ratlo. Namshiq raq kra riihanla, apaiq raq atsan na namshiq ka mitiithenbaiqha nguta tiimatlaq kra aklai mirbaiq.

Hawa Naga Bible 2001

¹³ Nuimshiq httaz vngaungc nuiyc nuimshiq shuimc vkay lvmx kuex kvlayc wvnc vtueq, Yehowa nuimshiq Tishox kvjaz kuex phvnx wuez shuinz. Kvkhoc nuimshiq rueq shuimx ruiux yuq, vpiq rueq nuimshiq kuex tvbac gay shaungx ngoz tueq jungx tueq yuq muinz vpiq thuinz layc gay shuex.

JEREMIA 26:13 Referencias Cruzadas

DUNGWVNC 32:14

Krai mren Tatiwe raq apaiq tiima tsantsii ka klaito. Kiimaq apaiq raq asenginok khuthaq na phiiptsi chang mitiithen baiqha nguta tiiphiip bomtaq kriika tiisaü mak riito.

ISAIA 1:19

Ümniiraq Ngi ibom tai laüta iwokhong na sihaüla, armung na hiqraikhü na ahea awa phan ümchu wa dongman wantlaq thun kra wok phetaktak she miphaqsiq wan haü.

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

JEREMIA 11:4

Ara tongshong tri raütu arka man na ngi raq tsangtitiim pat na tsangshiq ka watum mong na khiimtlaq ikha Ejip mung na khumraitlaq kiiwa Ngi raq tsuq wan kang akhing na ashongkuq wanha. Ngi raq tsangshiq ma ibom taironglaq lanta Ngi raq aming kuqkang tri raütu kra lang lanta shong nga wan ronglaq nguta chongkang. Ngi raq tsangshiq ma chongkang tsangshiq Ngi aming wokhong na si raüla, tsangshiq ka isengi ma mija wan kiimaq Ngi ka tsangshiq Shiikeawe miaq.

JEREMIA 18:11

Riita ümchaü man, Juda mungti nai Jerusalemti ma chongkuqlaq, Ngi raq tsangshiq ka tiithenbaiq miitu khatan raütu sürii wan tiikang. Tsangshiq ma imo mitiihoha. Tsangshiq ma ngarai rilung lamphan ka thaqbaiq ronglaq nguta chongkuqlaq. Tsangshiq raq ashut lamphan kra klai ronglaq kiimaq tsangshiq raq jamlai wa kiimungtlaq kra thaqbaiq ronglaq nguta chonglaq.

JEREMIA 18:8

shatmaq kra mungti ka tsangshiq raq abi klotlaq kra thaqbaiq raüla, Ngi raq tsangmung ka mitiithenbaiqha anguha kriiwa, tiithenbaiq mang she mirha.

JEREMIA 26:19

Hokhamwe Hejekia raq nai Juda mungti mungmaiqse raq Mika ka tsat baiq mak dea riito. Kra rii na, Hejekia raq Tatiwe ka shrengto. Kiimaq apaiq tsan tiihea raüta khrum lap wan miitu khoti shiikut wanto. Kiimaq Tatiwe raq atsantsii ka klaito. Raüta apaiq raq tsangshiq khuthaq na chamchao sangrai mitiisaüha angu wiika tiisaü mak dea riito. Riita ümchaü nashiq ka nashiq maiqmii khuthaq na pinthum phiiptsi chang chamchao tiisaü wan dan tiikai ahata.”

JEREMIA 26:3

Jursap mungmaiqse raq ibomtsi kriiwa taijiiq riila. Raüta tsangshiq raq abi jaqshamtlaq kriilo thaq baiqjiiq riila. Tsangshiq raq kra thaqbaiq raü ka, Ngi riimin, tsangshiq raq ngarai pahea klotlaq kha na, tsangshiq ka atiithen mirbaiqha nguta toqtan tiikang kriika, tiithenbaiq mang, ngi tiima ka aklai mirha.”

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 36:3

Jursap Juda mungti raq, Ngi raq tsangmung tiithenbaiq wan chongtiikang kra tsangshiq raq tai raüla, tsangshiq tsan nai tsii abi thütlaq kriilo klai raü. Kra nguraü ka Ngi raq tsangshiq ajiq ümchuwa klotlaq kiimaq tsangshiq ngarai thun kra adii mirbaiqha.”

JEREMIA 38:20

Kiijiishe ngi raq ngukang, “Ümniika tsangshiq jaqkhon mong na kiinong kuqbaiq mak miraq. Ngi raq ümniima Tatiwe bomtsi kra tai laq nguta tiipaiqnea tiikang. Kra nguraü ka phanrap ümniima ahea miraq. Kiimaq ümmiisaq ka atiiwong mirkuq.

JEREMIA 42:10

‘Namshiq ka lungwii tsantsii maq armung niili la sihan jiila, ngi raq namshiq ka mitiijonglu wanha kiimaq ngi raq namshiq ka runbaiq mang. Ngi raq namshiq ka michhi jang wanha. Kiimaq namshiq ka phaibaiq mang. Ngi raq namshiq khuthaq na tiithen jen baiq wan kang kra miitu itsan ka kai bitlo.

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

Yoel 2:14

Jursap namshiq Tati Shiikeawe raq, apaiq tsantsii kiiwa klai wan jiiq riila, Raüta namshiq ka rongboq jawan miitu, ramram jaqsham misham kuq wan. Kriishe nguraü ka namshiq raq apaiq ma, tü atsam honglu mikuq wan han.

Jona 3:9

Kiikha nashiq raq ngarai tiidii wan hai jiika, jursap, Shiikeawe raq apaiq tsantsii miklai wan min aja sham. Kiimaq apaiq tsankhiq nashiq khuthaq na sitlaq kriimin mishi wan sham. Raüta nashiq ka atsai chang wa, atiichhun mirkuq wan sham!”

Jona 4:2

Krai mren, apaiq raq akha achu jaüto, “Tatiwe ngi raq naimung maq mitiido wan shaq na, ümniiriika akha mangchan mitiichhi kuq haü nguta chongkang ihata? Kra ningkhan tiina, ngi ka Spen mung na juwan la nguta dankang ira! Ngi raq ümniika kaphap wanti Shiikeawe, kiimaq lungwii tsantsii jonghea rümtiwe, mokhiq min khiq maü phan, kiimaq mangchan tsantsii rangchong kiimaq atsa asha chang wiimin tsa sha maü maq senaino tiikhup wongke wanti.

TRI CHONGKE 32:36

Tatiwe raq asenginok mitiichhikuq, ümtiikiiwa tsangshiq ningkun thum ka apaiq raq chhijiiq. Apaiq shomnoqti ka apaiq raq mitiihangkuq, ümtiikiiwa apaiq raq tsangshiq ka tsaija chhunja chhijiiq.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

PHOWEBI 2:18

Ümtiikiiwa Tatiwe raq Israilnok ma wela ashi shongkuq tlaq, Tatiwe raq apaiq kra khrumkuq tlo. Raüta apaiq atra sishat wiiwii mungmaiqse ka chiqse rewe jaqkhon mong wa tiiwong kuqtlo. Tatiwe raq chiqse rewe jaqkhon mong na tsangshiq chamchao kaidi hansii trang nai aho trang kra tairaüta, tsangshiq ma tiihang wan mangchan kuqtlo.