JEREMIA 23:3 - ASII LAKDAP Bible (BSI)

³ Ngi raq isenginok aso atiichong ka, ngi raq tsangshiq ka pongmung thun na ajobaiqha kriiwa adam niishe mirchomha. Lata ngi raq tsangshiq ka tsangshiq hiqshong chü na mitiishong nga wan nongha. Tsangshiq ka saütam serü pahea she mipu chi wan.

Hawa Naga Bible 2001

³ Ngaz rueq tsuingshiq tvpanc gay tauk mungtan htenc nuex kvjungx yaq ngvy miqsaz htenc kuex tvjomx vtueq, ngaz rueq tsuingshiq kuex tsuingshiq ghaq vraungx nuex shvlx wvnc shaungx. Tsuingshiq suiuz vsaz paunghvlc pux paung wvnc tuex.

JEREMIA 23:3 Referencias Cruzadas

Tvtsvmc 106:47

Naishiq chhiilaq, O Tatiwe lei, naishiq Shiikeawe lei, laüta naishiq ka pongmung thun wa tiijang tsuq wan nonglaq, raüla naishiq raq pinthum kechu mitumkai laita ümnaq asii mangchong mitiitsamkai.

JEREMIA 16:15

Kra ngorii na, tsangshiq raq ngi mang chong raüta, ngi ka atra Shiikeawe tsangshiq Israilnok ka shekhu nü mung thun kiiwa riichom wan lata, kiimaq maiq mung thun ahin pahea na tsangshiq ka atiipin baiq wan ha kiiwa riichom wantiwe nguta mingu. Ngi raq tsangshiq ka tsangmung na tsangti tum ma akuq wan ha mung kiina hali mitsuq wan nongha. Arka Ngi, Tatiwe raq ngutiikang.”

JEREMIA 29:14

Kriidea, Ngi raq ngutiikang, namshiq raq Ngi ka mihum han. Kiimaq Ngi raq namshiq ma nam mung ka mijang kuq nongha. Ngi raq namshiq ka maiq mung aweatek wa kiimaq maiqhiq aweatek na, Ngi raq namshiq ka pongmung na, ümchu mung niiwa munglu shumwi kong ma nyinbaiq kang, kra mungthun tlotli wa tsuq wan nong lata, nammung na hali mitiishong wan kang. Arka Ngi, Tatiwe raq toqtan tiikang.’

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

JEREMIA 30:3

Jamkhano ngukla jai maq akhing saüwan raüla Ngi raq isenginok, Israil mungti nai Juda mungti ka tsangshiq hiqchü rachü kiina mitiishongnga wan nongha. Ngi raq tsangshiq ka tsangtitiim ma akuq wanha hiqshong rahai chü mung kiijaq mitsuq wan nongha. Krai mren tsangmung ka tsangshiq raq hali milap wan nong. Arka Ngi, Tatiwe raq ngutiikang.”

JEREMIA 31:7

Tatiwe raq ngutlo, “Israilnok miitu chojong chise shinge ronglaq, maiq mung ajong pinthumti thun raq. Namshiq raq tiitsam shi ka shi ronglaq, ‘Tatiwe raq atiichong arkiti thun chhiiwanto she; jaina ümchuwa tiichong kitaq thun wiita chhiikuq wanto she.’

JEREMIA 31:8

Ngi raq tsangshiq ka sheqkhu nü mung wa mitsuq wanha, kiimaq tsangshiq ka ratho hiqrai rarai wa mitsuq wanha. Makchukti thun kiimaq akü ashii kong thun tsangshiq rai miwadam, wiise nyung kong kiimaq ase chiiho nam namti thun min miwadam. Tsangshiq ka mung jonghea pinthum she mijang wan.

JEREMIA 32:37

Ngi raq itsankhiq tsi ma nai itsankhiq walüwa hengtsi ma pongmung thun pahea na barapse na nyinshin baiq kang Israilnok ka adam na arjaq hali mitriichom wan nongha. Lata Ngi raq tsangshiq ka arhiq na mishea wan nongha. Lata tsangshiq ka hansang rakhang miishe mitiishong nga wanha.

JEREMIA 46:27

“Isenginok lei, naqhai rongkiq, Israilnok lei, naq phiipjiip rongkiq. Ngi raq namshiq ka kra maiq mung luhea wa mitiichhii wanha, namshiq shumwi kharü mong na sitlan kiiwa mitiichhii wanha, Namshiq ka maiqmii mung na mijang wan nong han, lanta hansang miishe mishong wan han; Namshiq ka mungtsing miishe misi han, kiimaq namshiq ka jurmin tiihaisong mak she miraq.

JEREMIA 50:19

Ngi raq Israilnok ka tsang mung na hali mitiishong nga wan nongha. Tsangshiq raq Karmel Pum na wak asham tsam mantlaq kra miphaq siq. Kiimaq Bashan tan wa tsam kra mijut siq. Kiimaq tsangshiq raq Ephraim wang nai Gilead wang na tü atsam ümchuwa dongmantlaq kra tsangwok phetak tak maq miphaq siq wan.

JEREMIA 8:3

Kiimaq ara abi mungti phongwa, juwa luntaqti thun ka, Ngi raq pongmung na shumwikong ma nyinbaiqkang hiq thun na siti raq ka, atra si nam ma atsai riiki haijaq ahea riichang nguta mitiima. Arka Ngi, Ajong Pinthum Tatiwe raq ngutiikang.”

EJEKIEL 11:17

“Arningkhan, Ngi, Tati Rakaü Hiqwe raq chongtiikang ara tsangshiq ma chongkuqlaq. Ngi raq hali tsangshiq ka pongmung thun na nyinbaiq kang kriiwa adam na mirchom wan nongha. Lata Israil mung hiq ka tsangshiq ma hali mijangkuq nongha.

EJEKIEL 36:11

Ngi raq maiq nai jam nyamse kong ka pahea mitiipuchi kuqha. Namshiq ka man na lea wantaq pat wa kriithaq na pahea she mitiipu kuq wan ha. Kiimaq namsetiim ka pahea mipu wan. Ngi raq namshiq ka, man na jamkho siwan lan kiikha mitiishong wanha. Kiimaq namshiq ka pattup miitu pinthum chiithe lüwanok ma mitiija wan ha. Kiijiishetiq namshiq raq, Ngi ardea Tatiwe nguta misap han.

EJEKIEL 36:24

Ngi raq namshiq ka maiq mungtek wa kiimaq maiqhiq tek wa mitsuq wanha. Lata nam mung na hali mitiijang shea wan nongha.

EJEKIEL 36:37

Tati Rakaü Hiqwe raq ngutlo, “Ngi raq Israilnok ma jangshiri hali, i jaq wa khrum mitiijaü nongha. Kiimaq Ngi raq tsangshiq ka skusekong puchi wan tlaq ikha pahea mitiipu kuqha.

LEWI 26:9

Ngi raq namshiq mishman kuqha. Kiimaq namsetiim ka pahea mitii puchikuq kang. Ngi raq namshiq rai tongshong raütu kha wan kang kra Ngi raq ümchu shamchang wa kra misham kuqha.

Mikha 2:12

Shatmaq Tatiwe raq ngutlo, “O Israilnok lei, Rejaq song ka ngi raq mirchomha. Namshiq wiita rü adam na mitriitamha. Skusekong akheti raq shea wantlaq ikha, Sku rümchang nyiimlung rüram na; Skukong atsamphaq haisiq tlaq ikha, Israil mung ka pahea ra ma hiq ma hali, mitiipu wan nong ha,” nguta Tatiwe raq ngutlo.

Mikha 7:12

Ümsenginok ka barap binrii wa, ümpha niishe mijang wan. Shedong mung nü na siti, Asiria mung wa, shemai mung nü na siti, Ejip mung wa, Euphretis mung nü wa, Khamjong wiiq mung wa, kiimaq kunyung kinwe liiq binjü wa, wiita mijang wan.