JEREMIA 23:21 - ASII LAKDAP Bible (BSI)

²¹ Tatiwe raq nguto, “Ngi raq ara shammibi thun arka bom tiichongkai tiiki mang dea. Shatmaq tsangshiq ka kihoto. Ngi raq tsangshiq ma jamlai tsütsa min kuq mangdea. Shatmaq tsangshiq raq imang shaphaq raüta traho kuq wanto.

Hawa Naga Bible 2001

²¹ Yehowa rueq, “Vruex shvmmax bix kuex ngaz rueq tvkaz mauk doc, yuq muinz tsuinghez kaz wvnc tueq. Ngaz rueq tsuinghez muex yvmx bomjungc muinz jungx mauk doc, yuq muinz tsuinghez ngvy muingc maq jungphvnx ruq dvyx.

JEREMIA 23:21 Referencias Cruzadas

ISAIA 6:8

Kiijiishe ngi raq Tati raq akha nguto taikang, “Ngi raq juwa mitiikiha? Nashiq kiimwe ma juwa mija?” Kiijiishe ngi raq trekang, “Ngi mikikang! Ngi tiikiliina!”

JEREMIA 14:14

Shatmaq Tatiwe raq treto, “Shammibi raq imang shaphaq raüta arot chongtlo. Ngi raq tsangshiq ka thaü mangdea. Kiimaq ngi raq tsangshiq ma aming min kuqmang dea. Kiimaq tsangshiq ma bom tsishi min chongkuq mang dea. Tsangshiq raq riisham makchhi chongtlaq thun ka ngi raq atiichhikuqha riimak. Tsangshiq raq tiithaitlaq riisham bom ka tsangshiq maiqmii khutsai maq adong bomtsi chongtlo.

JEREMIA 23:32

Tairong laq, Ngi Tatiwe raq chongtiikang ara! Ngi ka shammibi ümriiti riiwa tsangshiq rawama, arot akiq thun kra chongketi kra pinthum ngeng tiikang. Tsangshiq raq ara rawa ma thun kra chongkuqtlo, kiimaq tsangshiq arot bomtsi chongkuqtlaq kiimaq tsangshiq shiikong tlaq kra lümaq isenginok ka lamjiq na sheahotlo. Ngi raq tsangshiq ka tiiki mangdea. Kiimaq tsangshiq ka kironglaq nguta aming min kuq mang dea. Kiimaq tsangshiq ka mungmaiqse ma jamlai achu min ahü. Arka Ngi, Tatiwe raq ngutiikang.”

JEREMIA 27:14

Ümriiti shammibi riiwa namshiq ma apaiq puk na naq nyap rongkiq nguta chongtlaq, kriiti bom ka naqtai rongkiq. Tsangshiq riika namshiq laoliitlo.

JEREMIA 27:15

Tatiwe raq chongtlo, apaiq raq tsangshiq ka tiikimak dea. Shatmaq tsangshiq raq apaiq mang shaphaq raüta namshiq ma arot chongkuqtlo. Kra ningkhan na apaiq raq namshiq ka ajo mirbaiq. Raüta namshiq ka re raq mijiipbaiq. Namshiq rai namshiq ma arot bom chongketi shammibi thun kra wiita mitsai.”

JEREMIA 28:15

Kiijiishe ngi raq Hanania ma akhiishe tiitsuqsaq ngukang, “Hanania lei, tailaq! Tatiwe raq ümniika tiiki mak dea. Kiimaq ümniiraq ara mungmaiqse ka arot bomtsi kriima tiikamsiq tlaü.

JEREMIA 29:31

Bebilon mung na siti munglu shumwi kong tarü ma, Shemaia miitu ara tsütsa ara tiiwan laq nguta chongto: “Ngi, Tatiwe raq, Shemaia nai apaiq saü ase alai ala thun wiita ma mo mitiihoha. Jamkhano ngukla Ngi raq apaiq ka tiiki mang dea. Shatmaq apaiq raq shammiwe khü sam raüta namshiq ma riisham bom chongkuqto. Krai mren, apaiq raq namshiq ka arot bomtsi kiima tlamto. Apaiq ka chongthum miishe mija wan. Namshiq rai siti apaiq lai ala ka ahü she miraq. Ngi raq isenginok miitu ahea awa jaqsham kuq wan tiikang kriika apaiq raq chhithü mak she miraq. Jamkhano ngukla apaiq raq isenginok ka iwokhong wa dongho ronglaq nguta lule kloto. Arka Ngi, Tatiwe raq toqtan tiikang.”

JEREMIA 29:8

Ngi, Tatiwe, Israilnok Shiikeawe raq, namshiq ma honlam tsii chongkuq tiikang, namshiq ka namshiq phong na shammibi sitlaq kriiraq, kiimaq maiq ahinti namshiq rai sidamtlaq kriiti raq, rawiichii na jamlai wa saü wan tlaq kra asaphai nguta, riisham bomtsi chongkuq tiikai nguta tiitsakitlaq kriiti ma naq tlao rongkiq. Kiimaq maiq wiijamti raq rawiichii na jamlai wa misaü wan kra asaphai nguta tiitsakitlaq kriiti ma tlao raamak. Tsangshiq raq rawa ma thun chongtlaq kra akhiismin naqtai rong kiq.

JEREMIA 29:9

Tsangshiq raq imang shaphaq raüta arot akiq bomtsi chong kuqtlo. Ngi raq tsangshiq ka namshiq phana tiiki mang dea. Arka Ngi, Tati Ningkun Ajongwe raq chong tiikang.’

John 20:21

Jesuq raq tsangshiq ma thongshi ri hali tsangshiq tsaiji doke, “Namshiq ka hansang maq sirong laq. I We raq ngi ka jamkho mangjong hiq na tiikitaq, kiikhiisii hali, ngi riimin namshiq ka mangjong hiq tiiki nong tiikang,” nguta tsangshiq rai bomdamto.

Acts 13:4

Asii Wenyi raq tsangnai ka traho jaqsham wa tiiwato. Krai mren, Barnabas nai Saul ka Antiok maq riita, Silisia na wato. Kra miishe, khamjong mong na sitlaq Saipras mung kiiniishe laijong maq wawanto.

Romans 10:15

Kiimaq, Shiikeawe raq apaiq tsütsa ahea kra, chiiriim raüta chongke wan miitu, bin na tsütsa chongke wantibi tiikai hü miika, juro michong kuq wan? Arka, Asii bomtsi na, “Tsütsa ahea chongke wantibi saü wan tlaq kriika, pinthum ahea riito!” nguta chong tlo.