JEREMIA 22:8 - ASII LAKDAP Bible (BSI)

⁸ “Kra jai niishe pongmungti maiq pahea arlam maq khumti lamleati raq tsangshiq liipan na bom ka jam nguto, Tatiwe raq ara chela ajong pinthum ara tiithen baiq tiinya nguta mirwai.

Hawa Naga Bible 2001

⁸ “Kvruex yimaq pungmungx miqsaz paunghvlc kuex kvruex maq lvy wvnc wuez vtueq, yvmx ngoz tueq lac ngaz, Yehowa rueq vruex yunghvlc ghaqyungx kuex vkhoc rvgay tvnx, ngoz tueq vshiz maq vshiz rvwiz wuez tuex.

JEREMIA 22:8 Referencias Cruzadas

JEREMIA 16:10

“Riita ümtiikiiwa ümniiraq tsangshiq ma arthun bomtsi ara michong kuqhaü, tsangshiq raq ümniima riita akha wiqwiq ka Ngi raq tsangshiq ka jam nguta tsat son rea wa nguta bom miwai. Tsangshiq raq tsangshiq Tatiwe Shiikeawe man na jamlai phan no shuttkai kiimaq jamlai ngarai wa tangkai nguta bom miwai.

JEREMIA 40:2

Phentu ajongwe raq ngi ka pongba na sheahoto raüta waito, “Tatiwe, üm Shiikeawe raq armung ara mitiithen baiqha nguta tiiphiipje dongdii riito.

JEREMIA 40:3

Riita ümchaü min apaiq raq jamlai wa mirha nguta chongtaq kriishe kloto. Arthun thenjen wantaq arka nammungti raq Tatiwe man na ngarai tang kha na kiimaq apaiq kiq khii wan kha maq saü wato.

AJONJÜ 4:12

Mungkanghiq hokhambi thun raq, Jerusalem chela ka re raq mikhat baiq nguta, akam min kammak riito. Shatmaq rewe kumlao raq, Jerusalem chela kilü, limham limhok raüta nyap wanto.

EJEKIEL 12:16

Ngi raq tsangshiq phong wa maiqse wiijam ka redong jaqsong, ramdong jaqsong, kiimaq thadong jaqsong mithüha. Kra akhing niishetiq tsangshiq raq ümtinkhan wa ashe ashi, maiqphai asi sumla thun noq wan raüta itsan tiikhiq wantaq kriishe misap wan. Kiimaq tsangshiq raq Ngi ardea Tatiwe ka nguta misap wan.”

EJEKIEL 14:23

Kiijiishetiq namshiq raq misap wan han, Ngi raq ümtinkhan kha phokuq wan kang kriika kha asi ningkhan dea tsasha wan kang nguta misap wan han.” Arka, Tati Rakaü Hiqwe raq toqtan tiikang.

EJEKIEL 39:23

Kiimaq maiq mung thun raq, Israilnok pong mung na munglu shumwi siwantaq kriika tsangshiq raq i man na ngarai pahea tang kha siwanto nguta misap wan. Ngi raq imaklii ka tsangshiq pha nü wa ahin nü niishe müwan kang. Lata tsangshiq ka tsangshiq jaqtinok ma tiishaü baiq kang. Lata tsangshiq ka re ma tiitang kang kiimaq tsangshiq ka re ma tiijiipbaiq kang.

EJEKIEL 5:15

“Ümtiikiiwa Ngi ka itsankhiq tsi hea walü wa ikha ningkhan ümniima mo tiihotiikang kra chhi raüta, ümtro na siti maiq mungti thun ka phiip raq mitsai. Tsangshiq raq ümniika chuphit nüphit raüta milii kiimaq ümniika mislailii.

DANIEL 9:7

Ümniika Tatiwe, ümniika phanrap tingting tri raükha tiipha shatti. Shatmaq naishiq riika maiqmii khu na, jeasi thoda hophaq wan laitli wranaiqshe siwankai. Arka tengto dea. Naishiq wiitarü raq hophaq tiikai. Juda mung na siti ngu i kiimaq Jerusalem na siti ngu i, kiimaq tlotli Israilnok mungmaiqse thun, ümniiraq pongmung na, aje na nai maiqmung thun luhea na, tiipin jobaiq laü. Jamkhano ngukla tsangshiq ka ümwokhong na simak riito.