JEREMIA 22:5 - ASII LAKDAP Bible (BSI)

⁵ Shatmaq namshiq raq ngi aming thun ara lang man riihan jiila, ngi raq atiitum lata namshiq ma chongtiikang, ara hokham jam kaü arka wiita athen she mirwan. Arka Ngi, Tatiwe raq toqtan tiikang.

Hawa Naga Bible 2001

⁵ Yuq muinz mnoz kuex ngaz rueq nvr phaungx tay muq ngoz ruiux yuq, vruex hoc kuex bac wvnc tuex ngoz tueq ngaz rueq mnoz muex tuemc kuq vphaungx. Ngaz, Yehowa rueq jungx vshaungx.

JEREMIA 22:5 Referencias Cruzadas

RAPHA HIQWA LAK 22:16

“Ngi raq imang chong lata sinkham tiikang, Ngi Tatiwe raq tantan ngutiikang, Ngi raq ümniika pinthum mishmanha. Jamkhano ngukla ümniiraq ara klo laü. Kiimaq ümse sekhuq laq laq se kriimin Ngi ma khunnü maü maq kuq laü.

2 KAÜWA WERAÜ 7:19

Shatmaq ümniiraq nai ümsenginok raq ümkhii miiwa ngi raq akuqha thungtri thun nai aming thun ka jin lantea, kiimaq laihin sumla phra thun kra shomnoq wan han jiila,

2 KAÜWA WERAÜ 7:21

“Ara Shomjam kaü arka ümchaü maiqse raq pinthum shrengtlo. Shatmaq kra akhing na maiq loweatek arlam lea wanti ka kai awang mirwan. Raüta bom ka akha miwai, ‘Riita Tatiwe raq atin khan lang langtiq armung arka jam nguto tiithen baiqta? Kiimaq ara Shomjam armin jam nguto tiithen baiqta?’

2 KAÜWA WERAÜ 7:22

Kiijiishe maiq raq akhiishe mitre, ‘Arka tsangshiq raq tsangshiq Tatiwe Shiikeawe tsangtitiim ka Ejip mung wa tsuq wantiwe kra miimbaiq kha chaphaqto. Tsangshiq ka laihin sumla phra thun puk niishe nyap wanto. Raüta sumla phra thun kiishe shomnoq wanto. Kriikha na tiina Tatiwe raq tsangshiq ma atin khan phiiptsi chang chamchao tiisaütaq ara.’”

Tvtsvmc 95:11

Ngi ka itsan khiqhea kriikha na atiitum lata akha kiqkham kang: ‘Namshiq ka Ngi raq nii mitiitsak kuqha ngukang mung kriijaq ümkha riita jiimin saülu man mirhan.’”

ISAIA 1:20

Shatmaq ümniiraq ikiq khiiruq la khiihaüla, ümniima atsai lam kli she misi. Arka Ngi Tati raq ngutiikang.”

JEREMIA 12:7

Tatiwe raq ngutlo, “Ngi raq Israilnok ka miimbaiq kang she; ngi raq atsea wanhanok mung ka tiishaübaiq kang she. Ngi raq lungwiitiikangnok ka rewe jaq khon mong na kiinong kuqbaiq kang she.

JEREMIA 17:27

Shatmaq tsangshiq raq Ngi aming ka lang raa dongdii. Raüta Asii Niitiitsak Ranaiq ka asii ranaiq tri maq lang raa dongdii. Tsangshiq raq kra ranaiq na Jerusalem chela kilamchong thun lam maq hupsam ho raüta khum raamak. Tsangshiq raq kra bom ka tlea raüla, Ngi raq Jerusalem chela kilamchong thun ka wa maq michaq baiqha. Wa raq Jerusalem chela mong wa hokham jam thun ka mikhiimbaiq. Kra wa nyai wantlaq kriika juwe riimin tiimatbaiq lot mak she miraq.”

JEREMIA 26:4

Tatiwe raq ngi ma mungmaiqse ma chongkuqlaq nguta thaüto, “Ngi Tatiwe raq namshiq ma Ngi raq jamlai wa shrinkuq kang kra lang lanta iwokhong na sironglaq nguta chongkuq kang.

JEREMIA 39:8

Kiimaq anü na Bebilon mungti phenlabi raq hokham jamkaü kra kiimaq mungmaiqse jam thun kra wa maq bunlak chaq baiqto. Raüta Jerusalem chela ruk thun kra wiita tiibun baiqto.

JEREMIA 44:26

Shatmiitiina, ümchaü namshiq raq, Ngi Tatiwe raq, namshiq Ejip mung na sitibi khuthaq na imang chong ningkun aheng pinthum chong lata sinkham bom chong tiikang ara tiitsang tai rong laq: Namshiq ma imang ara tiichong lata sinkham raüpot ka tiipaq wan mang she. Namshiq raq, ‘Ngi raq atra Tati Rakaü Hiqwe mang na tiitum tiikang!’ nguta imang tiichong mang she mirha.

AMO LUIK DVP (AMOS) 6:8

Ajong Thaq Na Ajong Pinthum Tatiwe raq atiitum raüta chongtlo, “Ngi raq Israilnok shiikong tsii ka, pinthum saisi tiikang. Ngi raq tsangshiq kiitelong jam thun ka, liiromang. Ngi raq tsang nyungchong chela ka, kiimaq kra mong na siti tlotli, chiqse rewe miishe mikiinong kuqbaiqha.”

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

Matthew 23:38

Riita arkha na, ümchaü sanha ümchela ka Shiikeawe raq amiim she mirbaiq. Kiimaq üm Shomjam ka shaqmii she miraq.

Hebrews 3:18

Riita, Shiikeawe raq atsan khiqtsi ma, “Tsangshiq arka ngi raq tsangshiq miitu mungtan ashi tiije tiikang kiijaq nütiitsak siwa lumak miraq,” nguta tiibottaq kriika, ümriiti miitu wa tiibotta? Kriika apaiq kiq khü srutibi miitu chong tlo.

Hebrews 6:13

Shiikeawe raq ümra akhing niiwa, Abraham ma phanshi ra mikuq kang nguta kongphiq khakuqtaq, kra akhing na, Shiikeawe raq sinkham raüta kiqkham kuqto. Shiikeawe apaiq thaq niiri ajong ala nguta jumin ahü she kha maq, Shiikeawe raq, apaiq maiqmii mang kra chong raütli, Abraham ma sin kham kuqto.

Hebrews 6:17

Shiikeawe riika jumo, apaiq raq phanshi ra mikuq ha nguta bomkham tlaq, kriika poimak phan she, nguta chongke rii na, kriiti tsantsii tiisangke miitu, apaiq kiqkham kongphiq thop ka, apaiq raq sinkham bomtsi maq hali tiipat raüta tiipha khakuqto.