JEREMIA 22:3 - ASII LAKDAP Bible (BSI)

³ “Ngi Tatiwe raq namshiq ma jamlai wa tingting kiimaq riikhaqli kra sham ronglaq nguta aming tat tiikang. Wepuq weseti maiq raq laoliitlaq kriiwa, apaiq laotiwe jaq khon mong kiiwa tiichhii kuq ronglaq. Maiqse ka jimaq nishishi haihü maimak. Kiimaq pongmungti wanshawe kiimaq jechi nomisetiim kra, riimakla manti nyungre kra, nanshan shan haihü raamak. Kiimaq ara asii hiqshong arjaq maiqsang jamshut phit makti ka tsea baiq raamak.

Hawa Naga Bible 2001

³ “Ngaz, Yehowa rueq vlvmx nuiyc tsuingrux kuex shuimc tvkoc mnoz muex nvr vphaungx. Piq laulawc yaq waz kox wawc vlauc vlawc rvhumc muq tvkoc kvruex waz kuex tvkhup wungx shuiuz. Wuinz waz hez, nojix saz hez nuiyc mvntix nyuiuz hez muex tvrac muq nuiyc vtuing vhtuing kuex nauk ruez kaz, vruex vsawc baung vyuq mvrax vguez miq nauk thvt kaz.

JEREMIA 22:3 Referencias Cruzadas

2 SAMUEL 23:3

Israilnok Shiikeawe raq chongto; Israilnok tiikhup wongketiwe raq, ngi ma akha chongto: “Tri kappe tingting shamti hokhamwe ka, Shiikeawe aming phanphan, mung peng wantiwe ka,

2 HOKHVMX 24:4

Kiimaq akhek pinthum ka apaiq raq mungmaiqse setu sepii pahea tsat baiq wantaq kriikha na riito. Tatiwe raq Manase mra ka diikuq lot mak she riito.

YOBA 22:9

Ümniiraq manti nyungre ka khrum maüdea riilaü, kra lamlam li min riimak, ümniiraq jechisetiim hupsam kra tek wan laü kiimaq tsangshiq ka ji maq nishishi haihii laü ihata.

YOBA 24:9

Abi ati maiqse raq jechisetiim nonosere kong ka disetiim ma tiijatlo kiimaq awe miitsan kaq setiim ka awe thiitham kha na sheaho tlo.

Tvtsvmc 68:5

Shiikeawe, apaiq asii Shomjam na sitiwe raq, jechisere rümtlo kiimaq manti nyungre tiiwongkuqtlo.

Tvtsvmc 82:4

Tsangshiq ka abi maiqse jaqkhon wa tiichhiikuq ronglaq.

Tvtsvmc 94:21

tsangshiq raq sepiiti thun tiidea ma thiikho thutlo raüta maiqsangtibi ma kha tiiho raüta tsangshiq ka phaqsi na tiikibaiqtlo.

Tvtsvmc 94:6

Tsangshiq raq manti nyungre nai jechisetiim ka tsatbaiqtlo, kiimaq wanshawetiim naimung na siti tsatbaiqtlo.

DUNGWVNC 22:21

“Pong mungti wanshawe ka naq haihiikiq. Riimakla ji maq nishishi naq raq riikiq. Tsan na tiitsanglaq, ümniika ka Ejip mung na wanshawe jalaü.

DUNGWVNC 22:22

Manti nyung lo riimakla jechi se ka naq haihiikiq.

TAKSU LAK 23:10

Richüpat na ashongthü, trai longkaü ka naq tiisotkiq. Kiimaq jechisetiim hiq ka naqnitkiq.

TAKSU LAK 6:17

Shiikong maklii, arot tili, kiimaq maiqsang tiitsea baiqti matwe,

ISAIA 1:23

Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

ISAIA 58:6

“Ngi raq lungwiitiikang amang maq achujaü ka akha rotiikang: Maiq ji maq nishishi haihiitlan kharü ka chumbaiq ronglaq. Kiimaq di ama ikha maiq tiichamchaotlan kra atiiwa she riibaiq ronglaq.

ISAIA 58:7

Namshiq dungthop ka amang aleiti ma kuq ronglaq. Kiimaq namshiq jam hiqkhu ka jamhü wakhüti tiisi ma kilü dije thüronglaq. Juwa khuhü kheahü kriiti ma khea kuqsam ronglaq. Kiimaq namphu namno khrumke miitu naqdam rongkiq.

JEREMIA 19:4

Ngi raq ara hiqshong ara jamkhano tiithenbaiq tiikang ngukla, tsangshiq raq ngi ka no na miimbaiqto. Raüta ara hiqshong ara laihin phra kong ma honglu takuq raüta wiita tiishe shibaiqto. Tsangshiq raq nai tsangtitiim riimin sapmak kiimaq Juda mung wa hokhambi riimin sapmak phan phra kong kra shomnoq wanto. Kiimaq tsangshiq raq ara hiqshong na khühü lamhü na maiqsang sepii thun kra tsatbaiqto. Raüta maiqsang tiijai pahea raübaiqto.

JEREMIA 22:17

Shatmaq ümniiriika ümwokpo tiima kli saptlaü; ümniiraq maiq sepii pahea tsatbaiqlaü; kiimaq ümsengi mungmaiqse ka chongwai maq hot hot buk laü. Arka Tatiwe raq ngutlo.

JEREMIA 26:16

Kiijiishe welabi nai mungmaiqse raq ramwebi nai shammibi miishe nguto, “Arwe raq nashiq ma Tatiwe nashiq Shiikeawe mang na chongkuqto. Apaiq ka tseabaiq raa mak.”

JEREMIA 5:28

Tsangshiq ka jaro apütamli kiimaq wok phetaktak. Tsangshiq raq abi kiimungtlaq thun awealot chang riimak. Tsangshiq raq manti sekong ma tsangshiq raq lapphaq sea chang ka kuqmak riimakla ji maq nishishi haithütlaq kriiti ka kha ka riikhaqli phokuq mak.

JEREMIA 7:23

Shatmaq ngi raq tsangshiq ma ibom tai raüta iwokhong na siraa nguta aming kuqkang. Krai mren ngi ka tsangshiq Shiikeawe miraq. Kiimaq tsangshiq ka isengi miraq. Kiimaq tsangshiq ka ngi raq jamkho aming kuq tiikang kraphan phan siwan ronglaq. Raüla tsangshiq ma rilung na phanrap ka aheawiq miraq nguta chongkuq kang.

JEREMIA 9:24

Shatmaq maiq ashi ra raq tiitsakisea rotlaq jiila, apaiq raq ngi ka asap kiimaq ngi ka juwa kra asap she nguta kra miituli mitiitsakilaq, jamkhano ngukla ngi lungwiitsii ka tiipit mang phan, kiimaq ngi riika tingting kappe maq tri ka shin tiikang. Arthun arkata ngi tiichochi chang jaqsham. Arka, Ngi, Tatiwe raq ngutiikang.”

AJONJÜ 3:36

Kiimaq ümtiikiiwa khü akha ka, rung maq ajiq pho tlaq kriimin, apaiq raq sapshat.

EJEKIEL 18:12

Apaiq raq miitsan maiqse kra laoliiho. Kiimaq thiimeaq ma jasha, kiimaq apaiq jaq wa kampho namwati raq kongphiq kha hupsam kuqtlaq kra jaüthütlo. Kiimaq apaiq ka thatsang maiqse raq shomnoq tlaq phra thun shomjam na kiraüta maiqphai asi sumla thun kra shomnoq kitlo ngu i.

EJEKIEL 18:7

Apaiq raq maiq ka lao mak. Kiimaq maiq jumin thümki mak. Apaiq riika apaiq jaq wa hupsam maiq raq nam tlaq akhing na kongphiq khakuqtlaq kra jaüthümak, anamtiwe ma ajang riikuqtlo. Kiimaq apaiq raq maiq amang aleti kiima tü adung kuq phaqsiq tlo. Kiimaq thüm waq manti khuhü kheahüti ma khu akhea kuq samtlo.

EJEKIEL 22:7

Chela na siti jurmin anyungwe ka shreng mak. Namshiq raq pong mungtibi ka laotlan. Kiimaq manti nyungre nai jechisetiim ka nanshan shan haihiitlan.

EJEKIEL 45:9

Tati Rakaü Hiqwe raq nguto, “Israil mung pengti mungtubi lei, namshiq raq ngarai pahea tang wan lan! Namshiq mungmaiqse tsatta tlan kra kiimaq mungmaiqse ka ji maq nishishi haihü tlan kriika tsaq rongliishe. Jamlai wa tri na riikhaqli kiimaq tingting kra klo ronglaq. Namshiq raq isengi Israilnok ka maiqmii hiqshong rahai na kriiwa ahin na jojiibaiq maimak she. Arka, Ngi, Tati Rakaü Hiqwe raq chong tiikang.

Yoel 3:19

“Kra akhing na Ejip mung ka athenshe mirki. Raüta kumtsaiphii miishe mijaki. Kiimaq Edom mung ka wiita athen mirki. Raüta hiqmiq changkhü miishe mijaki. Jamkhano ngukla tsangshiq raq, Shiikeawe sengi Juda mungti khatto. Raüta tsangshiq maiqsang mungmaiqse, pahea jiipbaiqto.

LEWI 19:15

“Namshiq raq ümtiikiiwa khü akha phokuq tlan, tingting kiimaq teng teng maq pho ronglaq. Miitsan maiqse rai lop dam min maimak kiimaq chiithe maiqse miimin haisong raamak.

AMO LUIK DVP (AMOS) 5:15

Ashut lamphan shummii laq, Tingting lamphan lungwii laq. Rung maq tingting kha pho laq. Jursap, Tati raq, Joseph saüse aso atiichong ma, tiihang mangchan lo tiichhi jiiq.

AMO LUIK DVP (AMOS) 5:24

Shatmaq tri raü sham ka, khangriiriihea jurai ikha mirlaq, kiimaq kechu jaqsham ka, jüserai khamkai ikha mikilaq.

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Mikha 6:8

Riimak, kiikhiika. Tatiwe raq nashiq ma, tingting tri lamphan kra chongkuq wanto. Tri kappe ka tingting maq shamlaita sichang. Nanok ka mangchan laita sichang. Shiikeawe wokhong na tsannin woknin maq siwan chang.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Matthew 23:23

“Namshiq ma phiiptsi chang jonghea asi, Thungtri shrinketibi nai Phorisinok le! Mongnam nok le! Namshiq raq Shiikeawe ma aroq khu wa alu atan kewan tsapkapkap maq, jurai liirai akhing na süse, tapan, pinchi cham tlaq kra thun ka wiita honglu na kuq tlan. Shatmaq Thungtri na chong tlaq akhek pinthum bomtsi, tingting tri raü sham, maiqse ma mangchan tsantsii thü wan kiimaq tsapkapkap maq jaqsham chang nguta chongtlaq kriika ashi ashe riiwan tlan. Namshiq raq ara chong tiikai akhek tri raü thun arka kai shiithuk shiitsom lanta lang lili riihan chang wa. Arthaq niitiq abi thun namshiq raq lang tlan kra sham wan han chang wa.

TRI CHONGKE 10:18

Apaiq raq jechi nomisetiim nai thümwaq manti-nyungre ka tiishaüji mak maq khrum kuqtlo. Apaiq raq pong mungti nashiqnok rai shongti kra lungwiitlo. Raüta tsangshiq ma phaq nai sea kiimaq khu akhea kra kuqtlo.

TRI CHONGKE 24:17

“Pong mungti nai jechi setiim ka tsangshiq raq jamlai lap chang wa kra naq ningtangkiq. Kiimaq manti-nyung raq phanshi ra ümjaq wa anam raüla, kra rii thiitham kongphiq kha thü na apaiq khu akhea kra naq lam thükiq.

TRI CHONGKE 24:7

“Jurwa maiqmiinok Israilnok phan wa arewe ka rehuk maq lapho raüta, adise ma tiijatlaq riimakla, apaiq ka maiqdi ma shaphaq baiqtlaq, kriila ngu raüla, kriiwe ka tiitsailaq atsea baiq chang. Akha klo laüta akhnok abi kiimungti ka alam riibaiqlaq.

TRI CHONGKE 25:1

Mosheq raq Israilnok ma nguto, “Bom shiiton Israilnok maiq wenai ka tsangnai kha tiiphokai rung na michap. Raüta phowebi raq tsang nai liipan wa, weshi ka alamwe kiimaq weshi ka ajiqwe nguta kha ka mipho kuq.

TRI CHONGKE 27:19

“‘Jurwa pong mungti wan shawetiim, jechisetiim, kiimaq manti-nyungre raq alap chang wa kuq mak haihiitlaq, kriiti ma Shiikeawe manson minilaq.’ “Kiimaq mung maiqse kunli raq mitre ‘Amen!’

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.