JEREMIA 22:21 - ASII LAKDAP Bible (BSI)

²¹ Namshiq arong awin silanji na Tatiwe raq namshiq ma chongkuqto, shatmaq namshiq raq taiman tlea lan. Namrilung wiili kriili klowan lan ihata; namshiq raq Tatiwe bom taiman tlea lan.

Hawa Naga Bible 2001

²¹ Mnoz rungwanx wvnc toq nuex Yehowa rueq mnoz muex jungx tueq, yuq muinz mnoz rueq tay muq rvtoq. Kvruex kuex mrullungx wvlex mnoz rueq shuimx wvnc toq lvmz rvtueq; mnoz rueq Yehowa kvjaz kuex mkaq muinz phvnx muq rvtoq.

JEREMIA 22:21 Referencias Cruzadas

2 KAÜWA WERAÜ 33:10

Tatiwe raq Manase nai asenginok ma honkam wan tsü ka chongkuqto. Shatmaq tsangshiq ka lan laqlaq li sito.

Tvtsvmc 129:1

Israil lei, naishiq ma chonglaq ümjaqtinok raq jamkho tiichamchaota ümnaq jeroji miiphü.

TAKSU LAK 30:9

Ngi ka rongboqhea riihala, ümniika moshipoq mirha sham, kiimaq ngi ka miitsan hea riihala, i ramtsi ma ahuk mojakai miraq, lata Shiikeawe mang motibi miraq.

ISAIA 48:8

Ngi raq asap-ha, namshiq ka maiq kamsea chang riimak, namshiq ka maiq wokhong na siti riiman. Kra ningkhan tiina namshiq raq ara bomtho lapwan man dongdii riilan kra, namshiq ni na ara bomtho saümak dongdii riitiika arningkhan kata.

JEREMIA 13:10

Ara abinok raq ibom taimak ngiimtlo. Tsangshiq ka pinthum wanshakshak. Kiimaq abi thaq niimin abi klo wanti. Krai mren tsangshiq raq laihin phra thun shomnoq wanto. Kiimaq shiikumpanto. Kra ningkhan, tsangshiq ka ara patulong thun riimkitaq akhiisiisaq miriimki. Jamkam min taimak she.

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 2:25

Israil lei, ümhok atu na naq tiisungkiq, riimakla ümrotpo ka naq tiishinbaiqkiq, laihin phra kong jai josea nguta. Shatmaq ümniiraq ngutlaü, ‘Riimak! Ngi ka jai na janglot mang she. Ngi raq pongmungti phra kong lungwiitiikang, krai mren ngi raq tsangshiq jai phanruqli miphan ha.’”

JEREMIA 2:31

Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?

JEREMIA 25:3

“Amon se Josia ka Juda mung na hokham jawan li maq wiiroqshi ri wiitsam she angu na kriimaq phawan lata, ümchaü ranaiq niitaq saüli, wiiroq nai ri wiitsam she, Tatiwe raq ngi ma apaiq bomtsi chongkuq wanto kriika, ngi raq poshi min tlea mang maq, namshiq ma tsapkapkap chongkuq wan kang. Shatmaq namshiq raq tsantsii kuq man riilan.

JEREMIA 25:4

Tatiwe riika apaiq jaqshisetiim shammibi tiikiruq raüta namshiq ma apaiq bomtsi tiichong kuq wanto. Shatmaq namshiq raq apaiq bomchong ka taiman riiwan lan kiimaq tsan na shaq wan man riilan.

JEREMIA 25:7

Shatmaq Tatiwe apaiq raq ngutlo, namshiq raq apaiq bomchong ka atlea riiwan lan. Apaiq bomchong ka taiwan rii na, namshiq raq sumla phra thun shomnoq wan, lanta apaiq tsan ka tiikhiq wan lan. Krai mren, namshiq maiqmii khum na apaiq mo kra howan lan.

JEREMIA 25:8

“Arningkhan she, namshiq raq apaiq bom taiwan man kha na, Tati Ningkun Ajongwe raq akha ngutlo,

JEREMIA 3:24

Shatmaq Baal phra shomnoq wankai, maiqse ma jea tiingaüti phra kaü, shomnoq wankai. Kriikha na, nashiq nyamse thun thumto. Minsaü chhechhi kong wiita sumkai. Nase maiqwe setiim thun nai jechak setiim thun wiita sumkai. Man na richü pat maq phaho raüta, natitiim raq ümtinkhan wa hunnii wantaq raüta lapkap wantaq thun ka thum thum she sumphaq kai.

JEREMIA 3:25

Nashiq ka hiq na bum laita jeasitsi ma, na jea ngaü tiikai homa kriimaq tiipang laitli she sichang. Nashiq pat wa nai natitiim pat wa maiq thun raq nashiq Tatiwe, nashiq Shiikeawe man na rilung wiilü ngarai tangphaq laitli siwankai. Nashiq raq apaiq aming thun ka lang wan maidea riikai.”

JEREMIA 32:30

Man na tsang mung ka dongpha wanji niiphü, Israilnok mungti nai Juda mungtinok raq itsan ka tiibi wanto. Raüta tsangshiq jaqsham ashut aphit klo wantaq kra lümaq itsan ka tiikhiq wanto.

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 48:11

Tatiwe raq nguto, “Mob ka pattup khusang maq sito. Kiimaq jangshi ra min pongmung na munglu shumwi ma tsuq wan mak. Mob mung ka che pükhaü na ato ikha. Jurmin tiimeshi mak dongdii. Piikhaü ashi wa ashi na jangshi min tiidong mak dongdii. Kriikha na asum ka ümtiikiimin tiibi mak dea. Anyang ma sumhea.

JEREMIA 6:16

Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”

EJEKIEL 20:13

Shatmaq tsangshiq riika kra kumtsaiphii rumnyangkhi mung miimin lanlaqlaq ikiq khü wanto. Tsangshiq raq ithungtri raütu thun kra jin wanto. Kiimaq Ngi raq akuqha iming raütu jurwa langtlaq kriiti ma rilung tsitsü keti thun kra wiita shishe baiq wanto. Tsangshiq raq Asii Niitiitsak Ranaiq tri ka tiisiirai tiisheshi baiq wanto. Ngi raq tsangshiq ma itsankhiq walü heng kra kumtsaiphii mung kiijaq tiichhi kuqla lata tsangshiq ka tiisiirai tiijiimbaiqla nguta tiima kang.

EJEKIEL 20:21

“Shatmaq kriipatti mungmaiqse riimin lanlaqlaq ikiq ka khii wanto. Tsangshiq raq itri raütu ka jin wanto. Kiimaq Ngi raq akuqha aming raütu, thun, jurwa langtlaq kriiti ma rilung tsitsü keti aming thun ka lang mak shishe baiqto. Tsangshiq raq Asii Niitiitsak Ranaiq ka atiishe shi riiwanto. Ngi ka itsankhiq walü nyaitlaq kra tsangshiq khuthaq na kumtsaiphii mung maq chaqbaiq laq nguta tiima wan kang. Lata tsangshiq ka jiipbaiqlaq nguta tiima kang.

EJEKIEL 20:28

Ngi raq tsangshiq ma mungtan ashi mikuqha nguta kiqkham kuqkang kra mung niishe shea wan kang. Ümtiikiiwa tsangshiq raq kiijaq ku akin thun ka diiluluwiq siisaq kiimaq pero pahea ajaq thun waichat chat hea kra chhito. Kra chhi raüta pechong tong thun tiikham raüta tsangshiq raq honglu thun takuq wanto. Tsangshiq kra honglu thun kra takuq raüta wa na chaqto kiimaq tsangshiq raq che honglu thun kuqto. Raüta itsan tiikhiq wanto.

EJEKIEL 20:8

Shatmaq tsangshiq raq lanlaqlaq ikiq khiito. Raüta ibom taimak tleato. Tsangshiq raq tsangshiq maiqphai asi sumla phra thun ka thaqbaiq mak riito. Kiimaq Ejip mungti phra thun kriimin baiq mak riito. Ngi raq itsankhiq walü heng nyaitlaq ningkun kra tsangshiq ma Ejip mung maq tiichhikuqla nguta khekham maq khe kang.

JEPHANIA 3:2

Chelati raq Tatiwe bom, taimak tleato. Kiimaq apaiq tsii chong sintsang min, taimak riito. Apaiq raq Tatiwe ma kammak riito, kiimaq apaiq khrum min jaümak riito.

JEKERIA 7:7

Ara bomtsi arka Tatiwe raq apaiq shammibi lümaq, man na Jerusalem ka chiithe, kiimaq mungmaiqse raq ama siwantlaq, kiimaq kra chela tro na chela thun niimin, kiimaq shemai nü wang nai shenyap nü wang na mungmaiqse ka pahea siwantaq choji na achong.

TRI CHONGKE 31:27

Ngi raq asapha tsangshiq ka nilan wanshak shak kiimaq Tatiwe kiq khii srutinok. Tsangshiq ka iri lung na Tatiwe kiq khii wanti. Kiimaq ngi ahü jijai niika tsangshiq raq Tatiwe kiq khii ka sruhea she miheng wan.

TRI CHONGKE 9:24

Ngi raq namshiq rai mang riisap wan li maq, namshiq raq Tatiwe kiq khü sru wan kra chhi wan kang.

TRI CHONGKE 9:7

“Namshiq raq Tatiwe namshiq Shiikeawe tsan ka kumtsaiphii bintang jüngi mung maq tiikhiq wan lan ira ümtiikiimin naq laq rongkiq. Namshiq raq Ejip mung wa laü wan ranaiq maq pha lanta, namshiq ka arjaq saü wan lan ranaiq na saüli, namshiq raq apaiq kiq khii wan lan.