JEREMIA 22:10 - ASII LAKDAP Bible (BSI)

¹⁰ Juda mungti lei, Hokhamwe Josia miitu naqhoq rongkiq. Apaiq maajo ka naqhoq rongkiq. Shatmaq ase Joahaj miitu makphai khüshang hoqsiq ronglaq; Tsangshiq raq apaiq ka tsangmung na shea wantlo. Kriika ümtiikiimin jangki mak she. Apaiq arawü chhichang hiqshong kra thongshi ka chhinong mak she miraq.

Hawa Naga Bible 2001

¹⁰ Yuda miqsaz lex, Hokhvmx Josia tvkoc nauk khoar kaz; piq thueyc kaz shex ningkhvnc nuex nauk yonzyex kaz. Yuq muinz vsaz Joahaza tvkoc rawx nuex thuiuz laz khoar kuinz; tsuingshiq rueq piq kuex shvlx wvnc vshuex shex ningkhvnc nuex, mkaq muinz yek muq shex, piq jawx juing ghaq kuex mkaq muinz khiz yek shuex rvmuq shex.

JEREMIA 22:10 Referencias Cruzadas

2 HOKHVMX 22:20

Krai mren, Ngi raq Jerusalem ma imo tiiho chang sitlaq kriika ümnaq tsaijai shetiq mitiisaüha. Ngi raq ümniika hansang maq tiisi latli mitiitsai kang.” Kiimaq kra maiqwetiim ka Hokhamwe Josia phana ara tsütsa ara soho raüta she janghoto.

2 HOKHVMX 23:29

Josia ka Hokham jatlaq akhing na, Ejip Mung hokhamwe Neko raq asengi phenlabi pahea sheawan raüta Asiria mung ajong hokhamwe kra khrum wa nguta Euphretis rai tan kiina rekhat wa wato. Hokhamwe Josia raq Ejip mungti phenlabi ka Megiddo chela maq shangbaiqla nguta danto. Kra riikhattaq kiijaq Josia ka tsaito.

2 KAÜWA WERAÜ 36:4

Raüta Neko raq Joahaj ma aphu Eliakim ka Juda mung hokham ma shongto. Kiimaq apaiq mang ka Jehoiakim ngutiishe laito. Joahaj ka Neko raq Ejip mung na hit hoto.

THARC TVLUINGC 4:2

Kra chhilata maiq atsai kaikun shetibi krii khoti kiim jonghea nguta tiimakang. Tsangshiq riiwe ka atrati thaq na sainaisam ahea lin.

ISAIA 57:1

Maiqshaqti ka tsaitlo. Shatmaq jurmin tak mak. Kiimaq jurmin broriimak. Shatmaq ümtiikiiwa tsangshiq she tsaitlaq, jamlai chamchao sangrai riimin tsangshiq ka tiichamchao lot mak she.

JEREMIA 16:7

Maiqmii jamti tsaiki raü min, apaiq rai adam na ngaraüta tsaido jido mangchan tiichhiketi abom damti maiq ka jumin ahü she miraq. Anyung lo riimakla awe lo tsaikaiti miimin tsaiji tiijong ma riibom damwati maiq ahüshe miraq.

JEREMIA 22:11

Tatiwe raq Josia se Joahaj awe changsong hokham ma shongtlaq kra miitu bom akha chongtlo, “Apaiq ka arwa pongmung na wawanto. Apaiq ka ana thongshi jangki nong mak she miraq.

JEREMIA 22:18

Arningkhan Tatiwe raq Juda mung hokhamwe Josia se Jehoiakim miitu akha ngutlo, “Apaiq maajoti jumin ahü miraq, riimakla jurmin, ‘Phunowe lei, phiiptsi chang, phunowe lei phiiptsi chang!’ nguta jurmin ngumak miraq. Apaiq maajoti jurmin, ‘Itatiwe lei! ihokhamwe lei!’ nguta hoq mak miraq.

JEREMIA 22:27

Ümtsan mong na armung ara chhinong raüjaq nguta mitiima haü. Shatmaq ümniika ümtiikiimin jangki lumaü she mirhaü.”

JEREMIA 25:27

Kiijiishe Tatiwe raq ngi ma chongto, “Mungmaiqse ma chongkuqlaq, Ngi Tati, Ningkun Ajongwe, Israilnok Shiikeawe raq, tsangshiq ma che ka phetaktak, chok wantlii baknyang ronglaq, che raq pherai raüta, tsangshiq ka hiq na küram liira, aphai agoqtrang liishe, atiido min lot mak baknyang ronglaq nguta tsangshiq ma aming kuq tiikang. Jamkhano ngukla Ngi raq tsangshiq khuthaq na re dong jonghea tiisaüho tiikang.

JEREMIA 28:4

Kiimaq Ngi raq Juda mung hokhamwe Jehoiakim se Jehoiachin nai mungmaiqse munglu shumwi ma Bebilon mung na atsuq wan kra, wiita ana Juda mung na hali mitsuqho nongha. Tengteng, Ngi raq Bebilon mung hokhamwe ningkun ka wiita she mitiibun baiqha. Arka Ngi, Tatiwe raq toqtan tiikang.”

JEREMIA 42:18

“Tati, Israilnok Shiikeawe raq ngutlo, ‘Ngi raq itsankhiq walüwa ikha hengtlaq kra Jerusalem na siti khuthaq na jamkho tlü chaq kang, namshiq ka Ejip mung na laüho han jiila, ngi raq namshiq khuthaq niimin kra mitlü chaqha. Namshiq ka maklii jai na tiijang phat phiiptsi jiiptsi mithen wan han. Maiqse raq namshiq thenjen wan kra chhi raüta slaislii thophi riiqphi mishummii wan. Kiimaq namshiq mang ka chong raüta maiqse raq manson shiiton ma mitiija wan. Namshiq ara hiqshong arka thongshi chhinong man she mirhan.’”

JEREMIA 44:14

Juda mungti Juda mung baiqthü raüta Ejip mung na maiq ümchuwa, laühotaq thun ka kunkun, weshi min lun mak kiimaq weshi min tiichong mak mitsai. Tsangshiq raq Juda mung na siwa nong ro tsin-ngin tlaqti thun ka, tsangshiq phong wa maiq weshi ra dongdii min Juda mung na jang wan lumak she miraq. Maiq ashi ra min jang wan lumak miraq. Phanshi rase, wanshawe anai atsam lamlam se kli mijang wan lot.”

AJONJÜ 4:9

Redong akhing na tsaiwanti thun ka, jai na atinkhan chamchao raüta tsaiti, thaq na kiim ahea lin. Jamkhano ngukla, jai na tsaiti ka ram raq ajam riiwan raüta, tsai wanto.

EJEKIEL 24:16

“Maiqse lei, ümniiraq pinthum lungwiitlaü nyung ka Ngi raq jangshi buk latli milam wanha. Ümniika naq tiibottaqkiq, riimakla naqhoqkiq, riimakla makphai naqtrokkiq.

Luke 23:28

Jesuq raq tsangshiq pha nü na tro lii raüta, tsangshiq ma chongto, “Jerusalem nyungre le! Namshiq ka ngi miitu, naq hoq rongkiq. Shatmaq, namshiq maiqmii miitu nai namsetiim miitu hoq ronglaq.