JEREMIA 21:5 - ASII LAKDAP Bible (BSI)

⁵ Ngi raq iningkun wiita shoq lata, itsankhiq kriimaq, kiimaq itsankhiq moktlaq kriimaq, kiimaq itsankhiq sru waniitu nyaitlaq kriimaq ümniika mikhat-ha.

Hawa Naga Bible 2001

⁵ Ngaz rueq mnoz kuex ngvy hungc lotlaz, ngvy thuinkhvy, ngvy kvbuit nuiyc ngvy thuinz phez vtueq khvt gay shaungx.

JEREMIA 21:5 Referencias Cruzadas

DUNGWVNC 6:6

Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.

DUNGWVNC 9:15

Kiimaq Ngi raq ijaq ka ra na dolata ümnaq nai ümsengi mungmaiqse ka tha tiidong lata tiijiimha jiika, namshiq ka chongthum mija han wa.

ISAIA 10:4

Namshiq ka re na mitsaihan. Riimakla namshiq ka pongmung na munglu shumwi ma mihit wan. Kiitinkhan taü miimin Tati tsankhiq ka shimakli riishat shat miraq. Apaiq jaq ka ra na doshat namshiq ma motiiho miitu kheshat miraq.

ISAIA 5:25

Tati ka asenginok ma atsankhiq. Kra ningkhan tsangshiq ma mo tiiho miitu ajaq ka ra na doshat she. Pum thun ka mitiikhai. Kiimaq maiq tsaitlaq maiqmaa phong ka chiihea wea lam thun kiijaq sinchiitsap ikha küramliira mirphong. Kiitinkhan taü miimin, Tati tsankhiq ka shimakli misi. Apaiq jaq ka ra na tiipiishat maq tsangshiq ka mitsat wan.

ISAIA 63:10

Shatmaq tsangshiq raq apaiq kiq khii raüta awokhong wa donghoto. Raüta apaiq asii wenyi tsan ka tiikhiqto. Kra ningkhan she Tatiwe ka tsangshiq ma wesang ralii she jato. Kra ningkhan tsangshiq ka khatto.

ISAIA 9:12

Siria mungti raq shedong nü maq kiimaq Philistain mungti raq shenyap nü maq Israilnok phaq wan miitu tsangnü tiikiraq khetlo. Kiitinkhan taü maq dongdii min, Tati tsankhiq ka mishi shaqli. Apaiq jaq ka tsangshiq khuthaq na tiinyishatli, tsangshiq ma mo tiihoke miitu.

ISAIA 9:17

Arningkhan na, Tati raq jerobi thun ka weshi ra dongdii min tiijulap mak miraq. Kiimaq apaiq raq manti-nyungre miimin kiimaq jechisetiim miimin, atiihang mangchan ka tiitsi mak miraq. Jamkhano ngukla maiqse angu kunli ka ra weahü kong siisaq kiimaq abi kiimaq tsangshiq nübok maq ümchu wa bomtlaq ka ashut siisaqli bomtlo. Atinkhan mo tiiho wanlot jai min, Tati tsankhiq ka shimakli riishat shat miraq. Apaiq jaq ka ra na doshat maq tsangshiq ma mo tiiho miitu khekhamli miraq.

ISAIA 9:21

Manase phan nai Ephraim phan liipan na wesang ralii riikhattlo. Kiimaq tsangshiq noknai ri ka adam na pong raüta Juda mungti ka khattlo. Atinkhan arjai miimin, Tatiwe tsankhiq ka shimakli riishatshat. Apaiq jaq ka tsangshiq ma mo tiihoke miitu tsangshiq phanü na tiinyishatli sitlo.

JEREMIA 32:17

“Tati Rakaü Hiqwe, ümniiraq ra nai hiq ka ümningkun jonghea kriimaq phansang laü. Kiimaq ningkun henghea maq tiiq laü. Ümniiraq lot maü chang ka jamlai phan min ahü.

JEREMIA 32:37

Ngi raq itsankhiq tsi ma nai itsankhiq walüwa hengtsi ma pongmung thun pahea na barapse na nyinshin baiq kang Israilnok ka adam na arjaq hali mitriichom wan nongha. Lata Ngi raq tsangshiq ka arhiq na mishea wan nongha. Lata tsangshiq ka hansang rakhang miishe mitiishong nga wanha.

JEREMIA 36:7

Jursap tsangshiq raq Tatiwe jaq wa achulo jaü jiiq riila. Raüta tsangshiq ka abi kiimung lam phantlaq kriiwa aklai lo riiwan jiiq riila. Jamkhano ngukla Tatiwe raq arnok ka mishthenbaiqha she nguta atsankhiq henghea amok dungdung miishe tiiphiiptlo.”

JEREMIA 37:10

Bom shiiton ngu i, namshiq raq Bebilon mungti ka khat lanta tanghan jiimin, lanta tsangshiq ka asho ami atsi siisaq kli tsangshiq piitiip thun na bum raq raq kriili tiichong raü min, tsangshiq ka tiido nong raüta ara chela ka khat raüta wa maq hihut michaqbaiq. Raüta bot khulai rai mishotbaiq.”

JEREMIA 6:12

Tsangshiq jam awak thun ka maiq ahinti miishe mili kuq baiq wan. Krai mren tsangshiq wak ajam thun nai tsangnyungtiim kiimin wiita mikuq baiq wan. Ngi raq armungti ka ninta she mitsat ha.

AJONJÜ 2:3

Atsankhiq tsi ma Israilnok ningkun wiita, tiibun baiqto. Re raq naishiq khatwan kiita, Apaiq raq ajaq tiitam wanto. Atsankhiq wa naishiq thaq na, wakchaq walü wa ikha chaqto.

EJEKIEL 39:3

Kra latiishe Ngi raq aliq ka ajaq jaqpha nü kiiwa mingoq baiqha. Kiimaq aliqsin chü jaqtsi nü na shamtlaq kra mingoq baiqha.

EJEKIEL 5:8

Kra ningkhan, Ngi, Tati Rakaü Hiqwe raq ümniima chongtiikang, Ngi ka ümniima wesang she. Ngi raq ümkha ka miphoha. Lata mo mitiihoha. Kra mo hotlaü ka maiq mung pahea raq michhi.

TRI CHONGKE 4:23

Namtsan na pharang rang tiitsang ronglaq Tatiwe namshiq Shiikeawe raq namshiq rai tongshong wantaq kra laqbaiq raamak. Apaiq raq namshiq rii jamlai phan sumla min haihun maimak nguta aming kuqtaq kra lang ronglaq.

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.