JEREMIA 21:2 - ASII LAKDAP Bible (BSI)

² “Mangchan laüta naishiq miitu Tatiwe rai riibomlaq. Jamkhano ngukla Bebilon mung Hokhamwe Nebukadnejar raq apaiq phenlabi shea raüta Jerusalem chela ka komtam maq kombaiqto. Jursap Tatiwe raq nashiq miitu phanshi ra awang chang jaqsham raüta Nebukadnejar ka nashiq ka khat mak tsaqki raüta mitiiwa baiqlaq.”

Hawa Naga Bible 2001

² “Babelon hokhvmx Nebukhadnezar nuiyc piq nolaungx bix rueq ghaqyungx kuex komc gay tueq ningkhvnc nuex, naungshiq tvkoc Yehowa kox wawc kejux maq jungx kuq koq. Yehowa rueq naungshiq tvkoc vpiq vwangc juing phvnx shishiz tvyaungc vtueq Nebukhadnezar kuex mtvyek gay shueq.”

JEREMIA 21:2 Referencias Cruzadas

RAPHA HIQWA LAK 10:10

Apha na apaiq mungtan thun ka Bebilon, Erekh, kiimaq Akkad mung thun kra riito. Ara maiq mung thun ka Bebilon mung na siisaq riito.

2 HOKHVMX 1:3

Shatmaq Tatiwe rase ashi raq Tishbe hiqti shammiwe Elija ma Hokhamwe Ahajia tsasoqtibi rai riihumkikiq nguta aming kuqto. Raüta tsangshiq ma akha wailaq, “Namshiq ka Ekron chela riimti phrakaü Baaljebub phana langtliikai ka jam nguto kitlan? Namshiq raq Israil mung na shiikea ka ahü ngutiisha tiima tlan?

2 HOKHVMX 17:24

Asiria mung ajong hokhamwe raq mungmaiqse ka Bebilon chela, Kuth chela, Iwa chela, Hamath chela, kiimaq Shepharwaim chela thun wa tsuqho raüta Israil mungti munglu shumwi ma tsuq wantaq kriiti sichang Samaria wang na chela thun kiijiishe tiishong wanto. Tsangshiq raq arthun chela ara jiiwan raütiishe shong wanto.

2 KAÜWA WERAÜ 32:21

Krai mren, Tatiwe raq rase ashi tiikito. Raüta Asiria mungti phentu nai phentubi thun ka jiip baiqto. Krai mren she Asiria mung pengti ajong hokhamwe ka jeasi kongtam shi ho raü tiishe tsang mung na jang wanto. Raüta ranaiqshi apaiq ka aphra kaü shomjam na riito. Kriiwa asetiim wiijamti raq apaiq ka nepjasai maq sebaiqto.

DUNGWVNC 9:28

Tatiwe jaq wa achu jaü kuqlaq! Naishiq khuthaq na ara rathaiqtaq kiimaq tsak-hiiq roktaq arka hongto she! Ngi raq kiqkham kuq tiikang. Namshiq ka mitiiwa kang she. Namshiq ka arjaq alu shong nga rai ngomin raamak she.”

ISAIA 48:2

Kra taümaq miimin, namshiq ka asii chelati nguta shiikongkhiq tiitsakitlan, kiimaq namshiq ka Israilnok Shiikeawe ma kamti, apaiq mang ka Ajong Pinthum Tatiwe nguta srasiqtlan.

JEREMIA 15:11

Tatiwe lei, ngohea dea ngi raq ümniika aheawiq maq riikhaqli maq shomnoq wan mang dea jiila, tsangshiq manson ka minilaq. Ijaqtinok ka chamchao sangrai riihum raitaq akhing na, ngi raq tsangshiq miitu ümjaq wa achu jaükuq mang dea la jiila, manson ka ngi ma minilaq.

JEREMIA 21:3

Kiijiishe Tatiwe raq ngi ma chongto. Kiimaq ngi riimin ngi phana tiiwataqtibi kiima

JEREMIA 32:17

“Tati Rakaü Hiqwe, ümniiraq ra nai hiq ka ümningkun jonghea kriimaq phansang laü. Kiimaq ningkun henghea maq tiiq laü. Ümniiraq lot maü chang ka jamlai phan min ahü.

JEREMIA 32:24

“Bebilon mungti raq chela kra khat raüta jiiwan miitu chela trotam na hiqphong raüta hiqkhu thun she haito. Redong raq, ram raq haü wan raüta, kiimaq thadong raq jiim wan raüta chela mong na siti maiqse ka tsangshiq jaqkhon niishe mitsai. Ümniiraq jamlai wa chonglaü ümchaü sanha ümmakki niishe hongtha wanto.

JEREMIA 34:1

Bebilon mungti Hokhamwe Nebukadnejar raq apaiq phenlabi shea raüta, kiimaq awokhong na siti maiq thun ümchuwa sitlaq kriiwa phenlabi thun kra apaiq rai shea raüta, Jerusalem nai kra tho na siti chela thun kra longtlaq akhing na, Tatiwe raq ngi ma chongto.

JEREMIA 37:17

Kra jai miishe Hokhamwe Jedekia raq ngi ka tiisheakito. Raüta apaiq raq ahokham jam maq ahukse maq ngi ma akha waito, “Riita Tatiwe nü wa tsütsa asi sha?” “Asi” nguta ngi raq abom ka trekang. “Ümniika Bebilon mung hokhamwe jaq na mikiinong kuqbaiq.”

JEREMIA 37:3

Hokhamwe Jedekia raq Shelemia se Jehukal nai Maaseia se ramwe Jephania ka ngi phana tiiwato. Raüta ngi raq nangnga Tatiwe, nashiq Shiikeawe jaq wa namung miitu achu jaükuqlaq nguta bom tiichong wato.

JEREMIA 37:7

Jedekia ma chongkuqlaq nguta thaüto. “Ejip mungti phenlabi ka ümnaq khrum wa lam niishe watlo. Shatmaq tsangshiq ka tsangmung na mijangho.

EJEKIEL 7:26

Phanshi then jai phanshi mithen wan. Bihea mra pin raq tong wan wanli she miraq. Namshiq raq shammibi ma riisham makchhi bom miitu mitiipaiq nea han. Ramwebi raq mung maiqse ma jamlai tsütsa shrinke chang min ahü miraq. Kiimaq shiilangbi riimin namshiq ma hon atsii chongke chang jam min ahü she miraq.

PHOWEBI 20:27

Kra akhing bala Shiikeawe Tongshong Tek ka Bethel chela na riito. Kiimaq ramwe jaqshamti ka Eleajar se Phinehas, Aron ma asaü asi riito. Mungmaiqse raq Tatiwe ma waito, “Naiphu naino Benjaminnok khatkai mikinong hai shea? Shea, khatki maishe wa mithaq baiq hai?” Tatiwe raq treto, “Khatki rongkiq. Anap ranaiq ngi raq tsangshiq ka namshiq ma mitiitang kuqkang.”

1 SAMUEL 10:22

Kiijiishe tsangshiq raq Tatiwe ma waito, “Riita maiq ahin min asi shea?” Kiijiishe Tatiwe raq treto, “Saul ka iniikiijaq, hupsam phong mong na tiipaütlo.”

1 SAMUEL 28:15

Samuel raq Saul ma nguto, “Ümniiraq ngi ka jaram wa shakshaq tlaü? Ümniiraq ngi ka wulum mung wa jaram sheakai wa?” nguta bom ka waito. Kiijiishe Saul raq treto, “Ngi ka ümchaü pinthum chamchao mong na sitiikang! Philistainnok ka ngi rai riikhat wanto. Kiimaq Shiikeawe riimin ngi ka tiishaü baiqto. Apaiq raq ngi achu jaü ka tre mak she. Shammibi lümiimin, kiimaq rawama miimin, ngi ma hon atsii ka chongkuq mak she. Kra ningkhan ngi raq ümniika wulum mung wa, ngi raq jamlai she wa mirha kra michongkuq laq nguta tiisheaki kang.”

1 SAMUEL 28:6

Kra ningkhan apaiq raq jamkho mija i nya nguta Tatiwe ma waito. Shatmaq Tatiwe raq apaiq ma, rawa ma miimin tiichhikuq mak, kiimaq Urim nai Thummin maq lang liikiimin, langkuq makshe riito.