JEREMIA 20:16 - ASII LAKDAP Bible (BSI)

¹⁶ Apaiq ka Tatiwe raq tiihang mangchan tiichhikuq mak maq tiithen baiqtaq chela thun kiikha mithenlaq. Apaiq raq ranap niika maiq atsiti hotrang ka mitailaq; kiimaq ranaiq shethung niika redong boli tsü trang mitailaq.

Hawa Naga Bible 2001

¹⁶ Yehowa kuex menjenc thuinz vguez maq kvruex ghaqyungx htenc kuex tvbac gay tueq ikhoc piq m-yaungx kueq. Raungnvp nuex gvnz phenz muq ngoz tueq huinc sez yaq nuiyc shalhtungx nuex ralx lungc tvkoc ramc yaq kuex piq rueq mtay shueq,

JEREMIA 20:16 Referencias Cruzadas

JEREMIA 18:22

Maiqkong pahea tiihanghiiq miili tiiki laüta tsangshiq jam thun ka trun baiqlaq. Tsangshiq ka aho asii trang lishe phiipjiip raüta tiitsailaq. Tsangshiq raq ngi tiideabaiq miitu thiikho thuto. Kiimaq ngi tiimin miitu bi thun tsanto.

JEREMIA 18:8

shatmaq kra mungti ka tsangshiq raq abi klotlaq kra thaqbaiq raüla, Ngi raq tsangmung ka mitiithenbaiqha anguha kriiwa, tiithenbaiq mang she mirha.

JEREMIA 23:14

Shatmaq arthaq niimin bihea Jerusalem na siti shammibi raq sham wantlo; tsangshiq ka maiqchak rai sra tlo kiimaq arot chongtlo; tsangshiq raq nokmaiqse ma ashut jaqsham khrumtlo, kra ningkhan abi kiimung ka jurmin tsaq mak phan kiimungtlo. Ngi maklii niika tsangshiq tarü Sodom nai Gommorati ikha ngarai kaü siisaq.

JEREMIA 26:13

Namshiq chap nai nga kra klai raa dongdii. Kiimaq namshiq raq jamlai wa ashut klotlan kriika klai raa dongdii. Lanta namshiq Tatiwe namshiq Shiikeawe aming ka lang ratlo. Namshiq raq kra riihanla, apaiq raq atsan na namshiq ka mitiithenbaiqha nguta tiimatlaq kra aklai mirbaiq.

JEREMIA 4:19

Atsi! Ngi raq atsi ka ninlot mang she! Imongjii le! Imongjii wiita bun wanto! Ngi ka kaiqshak ngalot mang; Ngi raq nüchhong lerong thun tsü trang kiimaq reriikhat rüriiq trang taikang.

AJONJÜ 4:6

Shiikeawe raq iphan imaq ka, Sodom chelati tiihanghiiq maq, tiithenbaiqtaq kriithaq na, tri atsin lin maq tsasha wanto. Raüta tiichamchaoto.

EJEKIEL 21:22

Riita ümchaü! Ajaqtsi nü niika liqsin kii, ‘Jerusalem’ nguta twaiq raü kra shamraü miraq. Kra liichum ka apaiq ka Jerusalem na kaichang ngutlo. Raüta chela ruk mong na nyap wan chang hiq phong raüta lam thun ka tiicho mihai, raüta rekhatho ma boli mitsü, kiimaq chela kilam chong thun kiijaq kilü jin wan chang hiqkhu thun kra mipa wan. Raüta hiq phong raüta hiqkhu lam thun kra mihai, kiimaq kiituk thun kra mithu.

Hosea 10:14

Kriikha na chiqdong redong misaü wan. Kiitelong maq aruk namchela thun mikhat wan. Botkhulai rai mishot wan. Hokham Shalman raq Beth-arbel chela khattaq kiikha, anyungre nai noshiisetiim hihut re raq mijiip wan.

Hosea 11:8

“Ngi raq jamkho mimiimbaiq ha, O Ephraim lei? Ngi raq ümniika re jaq na jamkho mithaq baiq ha, O, Israilnok lei? Adma chela shiithen baiq kang ikha, namshiq jamkho mishthen ha? Jeboiim chela shiithen baiq kang ikha, namshiq ka jamkho mishthen baiq ha? Itsan mong na tsihea namshiq miitu! Namshiq ma ngi mangchan tsihea!

Hosea 13:14

Tsangshiq ka wulum kho wa mikhot ha sha? khotki mang she! Atsai kharü mong wa mitiichhiikuq ha sha? Tiichhiikuq mang she! O, tsailam watu lei tsangshiq ka khiim phaq laq! Tsailam hiqbi kho lei, wulum mung kiina sheaholaq! Ngi raq tsangshiq ka mangchan mang she.

AMO LUIK DVP (AMOS) 1:14

Arningkhan ngi raq Rabba chela, rekhat wa maq bunlak michaq ha, kiitelong peruk weshaü wiita, wa maq bunlak michaq ha. Reriikhat wan agi asii ramok rachhai, rahai haijong ikha miraq.

AMO LUIK DVP (AMOS) 2:2

Arningkhan ngi raq Mob mung ka rekhat wa maq michaqha. Lata Kerioth chela trotam maq aruk, kiitelong peruk weshaü wiita wa maq michaqha. Krai mren Mob mung na reriikhat watrang, rewe rüriiq watrang, lerong tsüwa trang liishe, mirjiip wan.

AMO LUIK DVP (AMOS) 4:11

“Ngi raq Sodom nai Gommora chela shiithen baiq kang ikha, namshiq phong wa maiq wiijam shiithen baiq kang. Kriiwa aso wathiq chongpot ikha, tiisambaiq wan kang. Shatmaq namtsii chhi wan man dea. Kiimaq ngi phana jang wan man dea,” nguta Tatiwe raq ngutlo.

Jona 3:4

Riita Jona ka chela mong na ranaiq shi tingkhit wato. Raütiishe apaiq raq kra chela na siti mungmaiqse ma, “Raroqblai sijai maq Ninewi chela arka tiisii rai mishthen baiq!” nguta tra hokuqto.

Jona 4:2

Krai mren, apaiq raq akha achu jaüto, “Tatiwe ngi raq naimung maq mitiido wan shaq na, ümniiriika akha mangchan mitiichhi kuq haü nguta chongkang ihata? Kra ningkhan tiina, ngi ka Spen mung na juwan la nguta dankang ira! Ngi raq ümniika kaphap wanti Shiikeawe, kiimaq lungwii tsantsii jonghea rümtiwe, mokhiq min khiq maü phan, kiimaq mangchan tsantsii rangchong kiimaq atsa asha chang wiimin tsa sha maü maq senaino tiikhup wongke wanti.

JEPHANIA 1:16

Kra ranaiq ka chiqchap rechap ranaiq, lerong tsü wan trang li she miraq. Rechap wan ma rewe giwa trang, re raq chela peruk thun run baiq ranaiq, rekhe kongmong chong thun, daqbaiq ranaiq miraq.

JEPHANIA 2:9

Ngi ka tengteng atra Tati Israilnok Shiikeawe raq, tumkhamkok tolata ngutiikang, Mob nai Ammon mung ka, Sodom nai Gommora ikha mitiithenbaiq. Raüta shumkho bok thunli she mijawan. Kiimaq hiqmiq changkhü ma mijaki. Sangphii riili she milam wan; Isenginok jaqsong tiichongtlaqti raq, kra hiq thun kra jiiwan raüta, misiq wan.”

Luke 17:29

Lot raq Sodom hiq wa achiim jin wan ri li she, Shiikeawe raq rawang win wa walü nai nyiimwin wa ka tiisat raüta, mungmaiqse ka wiita tiimiqchup tiijiim baiq wanto.

TRI CHONGKE 29:22

“Rawii shiqwii namsaü namsetiim pat na tsangshiq raq, kiimaq pong mungti luhea wa awati thun raq, phiiptsi chang mat wa tsawa chamchao thun nam mung na Tatiwe raq tiisaütaq thun kra michhi.

TRI CHONGKE 29:23

Wak ram thun ka shaqmii shin ram shinriiq miraq. Hiq ka kan phong raq nai shum phong riili she amaa miraq. Jamlai chhijang kai min maimak miraq. Kiimaq sangphii dongdii min cham mak miraq. Nam mung wa hiq thun ka Sodom nai Gommora hiq kiikha miraq kiimaq Adma chela kiimaq Jeboiim chela thun Tatiwe raq atsankhiq henghea kha tiithen baiqtaq kiikha miraq.

2 Peter 2:6

Nashiq raq asap i, Shiikeawe raq Sodom nai Gommora chelati kha ka phokuqto. Raüta tsangshiq chela anaiti ka wa maq tiibunlak chaq baiqto. Shiikeawe raq ara chongtiikai manphan armaq nashiq ma tsii chhi wan lam tiichhi chongkuqtlo, rawiichii niimin Shiikeawe lamphan sap mak maq ngarai lam phanti ka akhiisii Shiikeawe raq mishthen baiq.

Jude 1:7

Kiimahali, namshiq raq tsan na tiitsang shat rong laq, Sodom nai Gommora chelati nai kra chela nai tho na siti maiqse ahinti thun riimin la, rasetiim raq tangtaq kiikha sethoq ngarai nai hi-awaq ikha riinyat shat ngarai kra tang raüta siwanto. Kriikha na, tsangshiq ka pattup thum mak phan wa maq, tiikhiim chaq baiqto. Kriika maiqse angu tarü ma, hon chongke miitu shiithen baiqto.