JEREMIA 2:13 - ASII LAKDAP Bible (BSI)

¹³ Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

Hawa Naga Bible 2001

¹³ Ngvy miqsaz htenc rueq rullungx yuix ngoz yaq, ngaz kuex tuip gay ruiux, yuix tuing muq vkhoz httax yaq yuix jumx juing htenc kuex htuz wuez yaq ningkhvnc nuex, ngarvyx mvrax phvnx nueyc yaq gay wuez yaq.

JEREMIA 2:13 Referencias Cruzadas

2 HOKHVMX 22:17

Tsangshiq raq ngi ka shubaiqto. Raüta tsangshiq raq nyamse honglu thun ka laihin phra thun miishe takuq wanto. Kriikha na tsangshiq raq klo wantaq kra lümaq itsankhiq shaü wanto. Jerusalem khuthaq na itsankhiq ka shaü wanto. Kriika tsaqki mak she.

Tvtsvmc 36:9

Ümniika wiita atra phan ma tsitsü khamrai, kiimaq ümrawüli si kha maq naishiq raq rawüli chhitiikai.

THARC TVLUINGC 1:14

Maiqse raq mangjong hiq na phan phan klo liiwantlaq thun ka, kunkun chhitai wan kang she. Phanrap kiimung wan tlaq kriika atu siisaq. Arka rahai jaijo ikhli. Atu siisaq.

THARC TVLUINGC 1:2

Rilung ka thiihü. Thiihü thaq nü nin miinan thiihü! Wiita tlotli ka thiihü siisaq.

THARC TVLUINGC 12:8

Atuli, atuli, phanrap ka atuli, nguta Phaqchi Shrawe raq ngutlo. Phanrap ka atuli.

THARC TVLUINGC 2:11

Kra latiishe, ngi raq ümtinkhan wa sham lam wan kang kiimaq ong wan kang thun ka, tiima liikangta atuli. Kra thun ka rahai jaijo ikhli riito. Rashe raq aham ra takiq na jam achu min ahü.

THARC TVLUINGC 2:21

Jamkhano ngukla, maiq ashi raq taksu tsii maq, phaqchi maq, kiimaq tsiimwe khiiqwe jaqsham wiita kuq raüta aklo wan kra, tachong hupsam tsiiqtum ka jai na juwa dong tlaq kriiwe raq, hunhiihü miishe miphaqsiq wan. Arka liiwan raüla atuli. Arka tri na ang mak!

THARC TVLUINGC 2:26

Shiikeawe riili, apaiq tiichochiti ma, taksu tsii, kiimaq anyan phaqchi, kiimaq khoqriiq shishiiq rilung shiiman kuqtlo. Shatmaq apaiq raq ngarai maiqse miika, jaqsham minshiiq na tiihun niitlo. Raüta tsiiq nai nyamtum riichom raüta tiitotlo. Raüta kra tsangshiq tsiiq tum ka apaiq tiichochiti ma kuqtlo. Arthun arka atuli. Rahai jaijoli.

THARC TVLUINGC 4:4

Kiimahali maiqse ka ongwan hajaq nguta pinthum minshiiq shiichaqtlo chhitiikang. Arka tsangshiq raq nanok chiiti kra lümha jaq nguta amakshu tsi ma shiichaqtlo. Shatmaq armin atuli, rahai jaijoli.

ISAIA 1:3

Jam nyamsekong riika atati asap. Kiimaq kumtoq kong riimin atijongwe raq tsangshiq dung changba ka asap. Tsangshiq riika isenginok Israilnok raq Ngi saptlaq kriithaq na achan tsangshiq riimti ka saptlo. Shatmaq Israilnok raq Ngi ka akhiismin sapmak dongdii.”

ISAIA 1:4

Ümniika miqlaü she. Ümniika ngarai kaq mung ashi. Ümniika ashe kiimaq abi pinthum! Ümngarai riilishe ümniika patbaiq wanto! Ümniiraq Tati, asii Israilnok Shiikeawe kriika no na tsuqbaiqlaü. Laüta ümniiraq apaiq ka jainong nümiishe shungbaiqlaü.

ISAIA 12:3

Khangriri kham nyang raüla letsiti ma peohea, ikha Shiikeawe raq asenginok chhiikuq raüjaq chochitlo.”

ISAIA 5:13

Akha ngarai klo lantea sitlan ningkhan namshiq ka munglu shumwikong miishe pongmung na mitsuq wan. Namwelabi thun ka ram raq haü raüta mitsaiphaq. Kiimaq nyungwe nosekong ka khamnyangtsi raq mitsai wan.

ISAIA 55:2

Wok phemak chang phan kiijaq kampho jaram sumwa? Nam ningchang kra shaphaq jai min ram tsishatli chang jiika kampho jaram sumwa? Ibom tai ronglaq, lanta Ngi raq achongha kra sham ronglaq, kra riihan jiila namshiq raq phaqsea ahea pinthum miphaqsiq han.

ISAIA 63:8

Tatiwe raq nguto, “Tsangshiq ka isenginok. Tsangshiq raq Ngi laomak she miraq.” Kiimaq apaiq raq tsangshiq ka chhiikuqto.

JEREMIA 1:16

Ngi raq isenginok ma mo mitiihoha. Jamkhano ngukla tsangshiq raq ngarai tangto. Tsangshiq raq Ngi ka miimbaiqto. Raüta laihin phra thun ma honglu takuqto. Kiimaq tsangshiq raq sumla phra pahea tiiqto. Raüta kriithun ka shomnoqto.

JEREMIA 14:3

Chiithe maiqse raq tsangjaq shisekong kham tiithiikai tiikito; tsangshiq ka khappong thun kiina khamthiikai kitlo, shatmaq kham ka ahü süpotpot; tsangshiq hamliitak shaqmii jang wantlo. Tsiim jüshushu kiimaq sunghü tsiihü ümkha ijasiq, tsangtok hiq na kuraqraq.

JEREMIA 15:6

Namshiqnok raq Ngi tiishaübaiq lan; namshiq raq Ngi ka jainong maq shungthülan. Kriikha na Ngi raq ijaq ka tliisaq lata namshiq ka tiinamtok bukbaiq kang. Jamkhano ngukla Ngi ka itsankhiq ninwan raq aniishe.

JEREMIA 17:13

Tatiwe ümniika Israilnok tsantsii ranchang khearapaq; ümwokhong wa donghotibi wiita jea mingaü. Tsangshiq ka maiq mang botkhulai na awaiq ikha amaq mirki, jamkhano ngukla tsangshiq raq ümniika miimbaiqto, ümniika maiqse ma khangriri hea khamserai.

JEREMIA 18:14

Riita Lebanon pum chohea long raq thun na, tsak-hiiq ahü maq sitlaq sha? Kiimaq kra pumkaiq maq adong jüraisetiim thun kra jangshi ra mirüki sha?

JEREMIA 19:4

Ngi raq ara hiqshong ara jamkhano tiithenbaiq tiikang ngukla, tsangshiq raq ngi ka no na miimbaiqto. Raüta ara hiqshong ara laihin phra kong ma honglu takuq raüta wiita tiishe shibaiqto. Tsangshiq raq nai tsangtitiim riimin sapmak kiimaq Juda mung wa hokhambi riimin sapmak phan phra kong kra shomnoq wanto. Kiimaq tsangshiq raq ara hiqshong na khühü lamhü na maiqsang sepii thun kra tsatbaiqto. Raüta maiqsang tiijai pahea raübaiqto.

JEREMIA 2:11

Maiq junok mungti riimin tsangshiq phra thun ka klaimak, tsangshiq phra thun ka riikhaqli phra riimakli jumin klaimak, Shatmaq isenginok raq Ngi ka klaibaiqto, tsangshiq ma shreng manto ketiwe ka, tsangshiq ma jamlai min shamkuq tsümak phra thun maq klaibaiqto.

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 2:26

Tatiwe raq ngutlo, “Ahukwe ka maiqraq lapho raüla jeasi khatamshi mingaü. Ikiikhiisii hali namshiq Israilnok riimin, jea mingaü han. Nam hokhambi raq, nam siihiipbi raq, nam ramwebi raq, kiimaq shammibi raq jea mingaü phaq han.

JEREMIA 4:22

Tatiwe raq ngutlo, “Isenginok ka maiqjiq angikong; tsangshiq raq ngi sap mak. Tsangshiq ka nosere maiqjiqse kong ikha; tsangshiq raq takmak. Tsangshiq ka abi kiimung lam na siimakong, shatmaq jaqsham ahea phan sham ka sapmak.”

JEREMIA 5:26

“Isenginok rai abi maiqse sidamtlo. Tsangshiq ka wushikong tiimin ma chiiqjong chan raüta khetlaq ikha khetlo. Shatmaq tsangshiq kra chiiq chantlaq kriika maiq tiimin miitu chantlo.

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

EJEKIEL 14:5

Kriithun sumla phra kong raq Israilnok ka iwokhong wa ahin niishe sheahoto. Shatmaq Ngi raq tsangshiq bomtre chongtiikang bomtsi kriimaq tsangshiq ka iwokhong na hali mitiijang sheawan lot ha sham nguta riichopi tiikang.

EJEKIEL 47:1

Maiqwe raq ngi ka Shomjam kilamchong kiina hali tiijang shea wan nongto. Kilamchong takiq kriimaq kham ka dong raitlo. Raüta kham rai kok ka Shomjam rinkea shedong nü na kihoto. Kra khamrai ka Shomjam maq shemai nü siim kriimaq kiho raüta berong-wacha maq shemai nü siim maq kham ka kihoto.

Mikha 2:8

Tatiwe raq ngutlo, “Namshiq raq isengi ka re raq akhat ikha khattlan. Maiqwere ka re maq ajang wan, jamkun na khusang maq siwa nguta saü wantlo. Shatmaq namshiq raq tsangshiq raq, samtong jong adü na asam kra, chhut lanta nyea tlan. Lanta tsangshiq ka kheahü rasong tiichamchao tlan.

Mikha 6:3

Tatiwe raq bom waitlo, “Isenginok lei, ngi raq namshiq ma jamlai wa riikang? Ngi raq namshiq ka jamkho süpsi wan kang? Chongrong liita!

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

John 4:11

Kiijiishe, Jechak nyung raq waito, “Shiilangwe, ümjaq na kham khechang balting min ahü. Kiimaq ara khappong arka atsaüwiq. Kra chong tlaü rilung tsitsü kham ka ümbawo milap haü?

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

John 7:37

Poi thum wan ranaiq ka poijong pinthum. Kra ranaiq Jesuq ka nokwe man na chap raüta, tiihong raüta kholam kholiiq akha trahokuqto, “Juwa kham nyangtsi, kriiti ka ngi phana warong ra. Lanta, i jaq wa kham ara nyang wa rongkiq.

TRI CHONGKE 31:16

Tatiwe raq Mosheq ma nguto, “Ümniika jaqloli she mitsai haü. Kiimaq ümnaq tsai jai na mungmaiqse ka iwokhong na simak she midongki. Raüta Ngi raq tsangshiq rai tongshong kang tri ka ajin mirbaiq. Tsangshiq raq Ngi ka amiim mirbaiq. Raüta tsangshiq raq jiiwantlaq mung kiiwa thatsang maiqse sumla phra thun kriishe mishomnoq wan.

2 Peter 2:17

Ara arot shrabi thun arka khamrai arü arki, jükhü sitlaq ikha süpotpot. Kiimahali tsangshiq ka phumlü da, ra na rahai raq pan tlaq ikha, khampü ahü phumda sitlaq ikha. Shiikeawe raq tsangshiq ka Phangthum Khapho Ranaiq, ranyaq tangtang mong kiina mitiidea baiq.

Revelation 21:6

Kiimaq apaiq raq treto, “Ümchaü phanrap jaqsham ka kunto she! Ngi ka aphati kiimaq atiisupti. Ngi ka apha wan chang kiimaq atiisup wan chang. Juwa khamnyang tsi, kriiti ma rilung khamphokrai se kiiwa phe maq nyang miitu ngi raq arang mikuq ha.

Revelation 22:1

Rase raq ngi ma atra rilung tsitsü khamrai kiimin tiichhikuqto. Kra khamrai ka longseng chhai rai tlaq ikha wüjangjang hea achhai anyii. Kiimaq kra khamrai dong chang kuk kriika, Shiikeawe nai Skuse hokham ngachang ngacho takiq na.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!

PHOWEBI 10:13

Ngi raq namshiq ka tiichhii kuq wan kang taü miimin, namshiq raq ngi ka miimbaiq thü nong lan. Lanta laihin phra thun kriishe shomnoqho nong lan. Kriikha na ngi raq ümchaü namshiq ka tiichhiikuq nong mangshe.

1 SAMUEL 12:10

Kriikha niishe tsangshiq ka Tatiwe man na hali khrum jaü hoqtrangto. Kiimaq akha nguto, ‘Naishiq raq ngarai tangkai. Jamkhano ngukla Tatiwe lei, naishiq ka ümwokhong wa juho laita, Baal phra sumla nai Astarte phra thun kra shomnoqkai. Naishiq ka rewe jaqkhon mong wa dokda kuq laq. Naishiq khupwong kuqlaq, raüla naishiq raq ümniishe mishom noqkai!’