JEREMIA 2:11 - ASII LAKDAP Bible (BSI)

¹¹ Maiq junok mungti riimin tsangshiq phra thun ka klaimak, tsangshiq phra thun ka riikhaqli phra riimakli jumin klaimak, Shatmaq isenginok raq Ngi ka klaibaiqto, tsangshiq ma shreng manto ketiwe ka, tsangshiq ma jamlai min shamkuq tsümak phra thun maq klaibaiqto.

Hawa Naga Bible 2001

¹¹ Tsuingshiq tishox htenc kuex tishox rvkhauk laz rvmuq ngoz ruiux muinz, vganc miqphvnx rueq tishox htenc kuex layc gay tueq rvmuq. Yuq muinz ngvy miqsaz htenc rueq tsuingshiq muex tvtsanc nganc kuy jix Tishox kuex tsuingshiq muex yvmx muinz shuimx kuq lot muq tishox htenc maq layc gay wuez tueq.

JEREMIA 2:11 Referencias Cruzadas

1 HOKHVMX 11:33

Ngi raq akha klo wantiikang arka, Solomon raq Ngi ka shishe baiq wanto. Raüta pongmungti phrakong kra shomnoq wanto kriikha arthun ara klo wantiikang. Apaiq raq Sidon mungwa jechak phrakaü Astarte; Mob mung wa phrakaü Kemosh; Ammon mung wa phrakaü Molekh thun kra shomnoqto. Kiimaq Solomon raq ikiq khü wanto. Raüta ashut klo wanto. Raüta awe Dawit raq ngi tri raütu thun nai aming thun jamkho lang wantaq kiikha apaiq raq lang wan mak riito.

2 HOKHVMX 1:3

Shatmaq Tatiwe rase ashi raq Tishbe hiqti shammiwe Elija ma Hokhamwe Ahajia tsasoqtibi rai riihumkikiq nguta aming kuqto. Raüta tsangshiq ma akha wailaq, “Namshiq ka Ekron chela riimti phrakaü Baaljebub phana langtliikai ka jam nguto kitlan? Namshiq raq Israil mung na shiikea ka ahü ngutiisha tiima tlan?

2 KAÜWA WERAÜ 13:9

Namshiq raq Aron saüse phan Tatiwe ramwebi kiimin jobaiq lan she. Kiimaq namshiq Lewinok kiimin jobaiq lan she. Tsangshiq lai miitu namshiq raq pong mungti thun raq jamkho shongtlaq kiikha ramwebi she shonglan. Juwa namshiq phana minsaü pongwe heraüta lo riimak la sku kaümiishi heraüta namshiq phana ramwe ma tiishong wa watlo. Raüla ju li saüwa raü min namshiq raq apaiq ka namshiq phra kaütiim ngutlan kra ramwe ma shongtlan.

Tvtsvmc 106:20

tsangshiq raq Shiikeawe khushü jonglu ka sangphii phaqti sumla maq klaito.

Tvtsvmc 115:4

Tsangshiqnok tisho thun ka kampho nai chaq maq atiiq, maiqse jaq maq atiiq.

Tvtsvmc 3:3

Shatmaq, O Tatiwe lei, ümniika haisi ranaiq ngi tiikhup wongketi; ümniiraq ngi ma rekhat tiitang kuq tlaü laüta ngi ma srea ningkun shoqkuq tlaü.

ISAIA 37:19

Raüta tsangshiqnok phra kong thun ka wa maq chaqbaiqto. Kriika ngohea dea tisho kong ka riimak. Kriithun ka maiqse raq jaq maq pe wa ahai kiimaq long maq ahai sumla phongli dongdii.

JEREMIA 16:20

Riita maiq weshi raq apaiq phra ka mitiiqlot shea? Lot mak. Apaiq raq klo raüka, kriika riikhaqli phra kong ka riimak.”

JEREMIA 18:13

Tatiwe raq ngutlo, “Maiq mung aweatek ma wairong liina, tsangshiq riimin akha klo wan tiisha, Israilnok raq pinthum ashut klo wantaq akha!

JEREMIA 2:5

Tatiwe raq akha ngutlo: “Namtitiim raq ngi tiishutphit chang mra jamlai wa humta? Tsangshiq ka iwokhong wa jam nguto juhota? Tsangshiq raq thiihü sumla phra thun noqto; raüta tsangshiq kiimin thiihü ma jakito.

JEREMIA 2:8

Ramwebi raq, ‘Tatiwe ha ümbano?’ nguta waimak, Iramwebi raq ngi sapmak. Mungtubi raq ikiq khü wanto; shammibi raq Baal phra mang na tra howanto, kiimaq thiihü sumla thun shomnoq wanto.

JEREMIA 5:7

Tatiwe raq waito, “Ngi raq isenginok ngarai ka jam nguto midiikuqha? Tsangshiq raq ngi miimbaiqto. Raüta phra thun, riikhaqli tisho riimak kra shomnoq wanto. Ngi raq isenginok ka wok phetaktak dunghiq wan kang. Shatmaq tsangshiq raq sethoq ngarai tangto. Raüta tsangshiq akhing ka mephe nyungre rai siwanto.

EJEKIEL 14:5

Kriithun sumla phra kong raq Israilnok ka iwokhong wa ahin niishe sheahoto. Shatmaq Ngi raq tsangshiq bomtre chongtiikang bomtsi kriimaq tsangshiq ka iwokhong na hali mitiijang sheawan lot ha sham nguta riichopi tiikang.

EJEKIEL 5:7

Riita ümchaü min tiitsang tailaq, Jerusalem lei, Ngi, Tati Rakaü Hiqwe raq jamlai wa chongtiikang ara. Ümniiraq itri raütu thun lang maü riilaüta, riimakla, ngi aming thun ka lang laüta siwan maü kha na, ümnaq tro na siti maiq mung thun thaq na ümniiraq pahea mintsa tiipa wan laü. Ümniiraq mung ahinti thun thung nai lai kra lang wan laüta siwan laü.

Mikha 4:5

Maiq phan aphantek raq, maiqmiimii phra mang chong raüta miphan wan. Shatmaq nashiq riika, nashiq Tati Shiikeawe mang chong laita, pattup pat-sa misi wan rong i.

Romans 1:23

Thummak miq mak atra Shiikeawe ka shomnoq rii na, tsangshiq riika maiqse raq, jaq maq ahai hun, athumkai chang phan maiq sumla, wushi sumla, ngamsaü ngiqse sumla thun, kra khoti shomnoq tlo.

1 Corinthians 8:4

Riita ara chongtiikai arai mren, thatsang maiqse raq sumla phra thun kra noq ma nguta ataa kuq thatsang ngam ka Phungmaiqse raq phaqsea mimai sha, maimak wa nguta bom tiiwai lan irshe chongkuq pha: Nashiq raq asap i, sumla phra nguta maiqse raq shomnoq tlaq kriika, riikhaqli miika kiikha phra ka ahü. Nashiq raq asap i, Shiikeawe ka ashi li.

Galatians 4:8

Man na lea wan lan akhing na, namshiq raq Shiikeawe ka sap man maq silan. Kriikha maq, namshiq ka thawe disetiim ma ja lanta silan.

TRI CHONGKE 32:16

Tsangshiq raq sumla phra noqto, Raüta Tatiwe mak tiishuto, tsangshiq raq abi klotaq kriiraq apaiq tsan tiikhiqto.

TRI CHONGKE 32:21

Tsangshiq sumla phra kong maq itsan tiikhiqto, tsangshiq shiikea kong ma imak tiishuto, phra kong ka riikhaqli shiikea kong riimak. Kriikha na Ngi raq maiq mung ashi kriima tsangshiq tsan ka mitiikhiqha; Ngi raq tsangshiq ka maiq mung ashi anginok ma tsangshiq mak mitiishuha.

TRI CHONGKE 33:29

Israil lei, ümniika kopan jonghea! ümnaq akha maiq jumin ahü, Tatiwe raq atiichhii wan mung ashi. Tatiwe apaiq kli ümliiq kiimaq üm nepja, ümnaq tiiwongketi kiimaq ümniima rekhat tiitangketi. Ümjaqtinok ka tiihang kuqlaq nguta ümman na mitiipaiqnea, kiimaq ümniiraq tsangshiq ka hok maq nishishi mirhaü.

1 Peter 1:18

Jamkhano ngukla, namshiq raq asap han, namrilung ka namtitiim raq akuq thü thiihü rilung kra daa wan miitu athii kuq wantaq kra asap han. Kriika atiithen baiq chang phan kampho riimakla chaq ikha hupsam ka riimak.

1 SAMUEL 4:21

Apaiq raq no ka, Ikabod nguta mangto. Kra liichum ka “Shiikeawe khushü ka Israilnok mung wa lam wanto she.” Kriika Tatiwe Tongshong Tek re raq lap wantaq kra, kiimaq ahuchhiwe tsaitaq kra, kiimaq awese tsaitaq kra ngo riito.