JEREMIA 14:8 - ASII LAKDAP Bible (BSI)

⁸ Ümniili she Israil mung tsantsii riiwiiq chang ka; ümnaq kli naishiq ajiim wan wa tiichhiiketi. Ümniika naimung na wanwe ikha jam nguto jaki laü? wanwe lamlea wanti ra wa shi se lamjap wanti ikha jam nguto jaki laü?

Hawa Naga Bible 2001

⁸ Mnoz vshiz dvyx Israel rueq tvluimc juing rvtoq; mnoz kuex nuiyshiq vkuilc vdaz wawc palc wvnc jix waz rvtoq. Mnoz kuex nuiyshiq mungtan mungx nuex wuinz waz ikhoc, wvrx shiz dvyx nyuip shec ruiux lvy wvnc jix ikhoc yvmx ngoz tueq lac yaungx vtuiux?

JEREMIA 14:8 Referencias Cruzadas

Tvtsvmc 10:1

O Tatiwe lei, ümniika luhea na jam nguto chapki laü? Naishiq ma chamchao akhing na ümbano tiipaü rai tlaü?

Tvtsvmc 138:7

Ngi ka litkot chamchao mong na sikang na, ümniiraq ngi khupwong kuqlaü. Ümniiraq ijaqtinok khiqriq ka tokuqlaü laüta ümningkun maq ngi tiichhiikuqlaü.

Tvtsvmc 46:1

Shiikeawe ka nashiq tiiwongti kiimaq nashiq ningkun, chamchao akhing na khrumke miitu wranaiqshe khekham sitlo.

Tvtsvmc 46:2

Arningkhan nashiq ka haimai, hiq ka tiibai wan raü min kiimaq pum thun ka sammoktra chum mong na tham wan raü min;

Tvtsvmc 50:15

Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”

Tvtsvmc 71:5

Tati Rakaü Hiqwe lei, ngi ka ümniimiili rantiikang; ngi raq noseji niiphü ümniima kamlatli siwankang.

Tvtsvmc 9:9

Tatiwe ka disaü mase tiiwong chang tiip, chamchao ranaiq khupwong changtiip.

Tvtsvmc 91:15

Ümtiikiiwa tsangshiq raq ngi heajiiq, Ngi raq tsangshiq bom mitreha; ümtiikiiwa tsangshiq chamchao riihumjiiq, ngi ka tsangshiq rai nongnong misi damha. Lata ngi raq tsangshiq ka mitiichhiiha lata tsangshiq ka mishrengha.

ISAIA 33:2

Tatiwe lei, naishiq tiihang kuqlaq. Naishiq raq rantsantsii ka ümniima thütiikai. Naishiq ka ranaiqtek tiichhii kuqlaq. Kiimaq litkot chamchao ranaiq khupwongkuq shat riilaq.

ISAIA 43:11

“Shiikeawe ka, Ngi lamlam li dongdii, ümnaq tiichhiikelotti ka Ngi arli.

ISAIA 43:3

Ngi ka Tatiwe üm Shiikeawe, asii Israilnok Shiikeawe, ümnaq chhiitiwe. Ngi raq Ejip mung ka ümkhum dokda miitu mikuqbaiqha; Ngi raq Sudan mung nai Seba mung mikuqbaiqha.

ISAIA 45:15

Israilnok Shiikeawe, asenginok chhiiti, apaiq ka atiipaü raüta siti Shiikeawe.

ISAIA 45:21

Warong ra, lantea namshiq kha ka rung na shok wa rongkiq; kha phoketi liipan na bom mirwaisolaq. Rathup niiphü akha mihong wan nguta juro tiithaita? Kriika Ngi, Tatiwe, asenginok chhiitiwe raq tiithaito riimak shea? Arjaq tisho ahin ka ahü.

ISAIA 63:8

Tatiwe raq nguto, “Tsangshiq ka isenginok. Tsangshiq raq Ngi laomak she miraq.” Kiimaq apaiq raq tsangshiq ka chhiikuqto.

JEREMIA 16:19

Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

JEREMIA 17:13

Tatiwe ümniika Israilnok tsantsii ranchang khearapaq; ümwokhong wa donghotibi wiita jea mingaü. Tsangshiq ka maiq mang botkhulai na awaiq ikha amaq mirki, jamkhano ngukla tsangshiq raq ümniika miimbaiqto, ümniika maiqse ma khangriri hea khamserai.

JEREMIA 30:7

Phiiptsi jonghea ranaiq saü wantlo; kra chamchao ranaiq ka ranaiq ahin rai triingea chang ahü, kriika isenginok ma pit-lang pit-thea chamchao akhing, shatmaq tsangshiq ka alun mirwan.”

JEREMIA 50:7

Tsangshiq ka juro humtlaq kriiti raq kaq phaqhotlo. Tsang jaqtinok raq ngutlo, ‘Tsangshiq raq Tatiwe man na ngarai tangto. Kriikha na nashiq raq tsangshiq ma jamlai wa klotiika kra jam jiqmak. Tsangtitiim raq Tatiwe ma kamto. Krai mren, tsangshiq maiqmii ka apaiq wokhong na tsapkapkap maq sichang wa.’

Yoel 3:16

Tatiwe raq Jajon hiqlam maq chap raüta hok tlo, Apaiq bomtsi ramoktrang ikha, Jerusalem chela maq mok tlo. Ra ahiq atiikhai banban. Shatmaq Tatiwe apaiq ka asengi tiiwongchang ba, Israilnok miitu peruk weshaü.

JEKERIA 9:12

Munglu shumwikong lei, ümchaü san, namshiq ma akamsea chang asi she, jangwa rongkiq. Nam tiiwong chang niishe jang wa rongkiq, Ngi raq namshiq ma shiiman kechu, thep tliip lata mipai kuq kang. Namshiq ümtinkhan wa chamchao wan lan, Kra tiijang thamke miitu,

Acts 28:20

Riita, arthun mra pintaq arkha maq, ngi raq namshiq rai riihum ma nguta namshiq ka tiihea wan kang. Riita ngi raq ara kharü hotiikang arka, Israilnok raq ju miiwa tsangshiq tsantsii ran wan tlaq, kriiwe mang na hotiikang,” nguta tsangshiq ma bom ka chongkuqto.

1 Timothy 1:1

Ngi, Paul, Khristo Jesuq kiimwe ma nashiq Chhiiti Shiikeawe aming maq kiimaq nashiq ran tiikai Khristo Jesuq raq ashong we raq--

PHOWEBI 19:17

Kra tikiiwe raq chela kilamchong tho na ngongthun chang ba na ngarai tlaq wanwe thun ka chhito. Kiimaq apaiq raq waito, “Namshiq ka ümriibati wa? Ümnü na wati wa?”