JEREMIA 14:21 - ASII LAKDAP Bible (BSI)

²¹ Ümkiqkham bomtsi thun ka tiitsanglaq, laüta naishiq ka naqsaisikiq; Jerusalem ma jea naq tiingaükiq, ümhokham achhai anyii ngacho thüchang hiq, Ümniiraq naishiq rai tongshong laü kra naq jinkiq.

Hawa Naga Bible 2001

²¹ Mbomkhvmc htenc kuex rvwvl shuiuz, nuiyshiq kuex nauk suirsac vkueq; Yerusalem kuex nauk tvyvlc sac kaz, mnoz ngauz vngax kuex hoc daungraungc nuex httax yaq. Mnoz rueq nuiyshiq rulc vtvhungx bomkhvrc kuex nauk tvbac kaz.

JEREMIA 14:21 Referencias Cruzadas

Tvtsvmc 106:40

Kriikha na Tati asenginok ma tsankhiq riito; apaiq ka tsangshiq ma shukhiqshe riito.

Tvtsvmc 106:45

Tsangshiq tiiwong ma atongshong bomtsi tiimato, kiimaq alungwii tsii jonghea kha maq atsankhiq atiishi riiwanto.

Tvtsvmc 145:11

Tsangshiq raq üm hokham khushü chhainyii kra mitsaki wan, kiimaq üm ningkun jonglu kra mitsaki wan.

Tvtsvmc 25:11

O Tatiwe lei, ümkiqkham ka thülaq, laüta ingarai thun ka diibaiq laq, jamkhano ngukla ingarai ka pahea,

Tvtsvmc 51:11

Ngi ka ümwokhong wa naqjo baiqkiq; ümnaq asii wenyi ka ikhum wa naq lambaiqkiq.

DUNGWVNC 32:13

Ümjaq shisetiim Abraham, Isak, kiimaq Jakob ka tsan na tiitsanglaq. Kiimaq ümniiraq tsangshiq ma tsangsaü tsangsetiim ka ra na raiqsaiq diimtlaq kiikha mitiipaha nguta ramram kongphiq kiqkham kuqlaü kra tiimalaq. Kiimaq tsangshiq saüsetiim ma mung ashi ka wiita pattup pat-sa miitu tsangshiq tachong hupsam ma mikuqha nguta kiqkham kuq laü kra tsan na tiitsanglaq.”

ISAIA 62:6

Ümchela tro ruk thun na, Jerusalem lei, Ngi raq kintsongti thun tsong kang she; Tsangshiq ka ranaiq rawa kaiqshak si raa mak she. Tsangshiq raq Tatiwe ma akiqkham thun kra bliiq chong ratlo. Kiimaq ümtiikiimin apaiq ma kriithun ka tlaqbaiq raamak.

JEREMIA 14:19

Tatiwe, riita ümniiraq Juda mung ka tiishaübaiqtlii dea shea tiishaübaiqlaü? Ümniiraq Jajon chelati ka shukhiq dea shea shuho laü? Ümniiraq naishiq ka tiinamtok langlang jam nguto tiiqbaiq laü? naishiq motsi ka ahea min healot mak she? Naishiq raq hansang singa miitu rit tiikai, shatmaq jamlai min ahea saümak; naishiq raq mung atsing mirwan ahiq nguta ran tiikai, shatmaq phiiptsi chang rahai kli saü wan ruqruq.

JEREMIA 14:7

Isenginok raq ngi ma hoq trangtlo, ‘Naishiq ngarai raq naishiq shra raü min, naishiq khrumlaq, Tatiwe lei, ümniiraq ümkiq khamkuq laü kra phan phan. Naishiq ümwokhong wa jang pahea donghokai; naishiq raq ümmakki na ngarai tangkai.

JEREMIA 17:12

Nashiq Shomjam ka achhai anyii hokham ngacho ikha, man na aphaji miiphü hiqlam dii luhea thaq na tiichapshat riito.

JEREMIA 3:17

Ümtiikiiwa kra akhing she saüwajiiq, Jerusalem ka, ‘Tatiwe Ngachang Hokham Chaoki’ ngutiishe mingu. Kiimaq maiq phan thun wiita Jerusalem na riitam raüta, ngi mishomnoq. Tsangshiq tiima tsantsii wanshakshak nilan sitlaq kra kiimaq tsangshiq tsan mong na abi ati tiima sitlaq thun kriiraq tsangshiq ma jamlai bom wa thaütlaq kriika klomak she miraq.

AJONJÜ 1:10

Ajaqtinok raq atsiiq tum thun wiita tsuq wanto; Apaiq raq tsangshiq ka asii Shomjam mong na nyap wan chhito, Kiijaq Tatiwe raq pongmunti tiiwamak riito.

AJONJÜ 2:20

O, liilaq, Tatiwe lei, ümniiraq tiichamchao tlaü maiqse thun ka liilaq! Anyungre raq maiqmii chhü maq adea, asetiim maa kriishe paqtlo. Ramwebi nai shammibi thun ka, Shomjam mong maq jiipbaiq wantlo!

EJEKIEL 20:22

Shatmaq Ngi raq tsangshiq ka jiipbaiq wan mangdea. Jamkhano ngukla kra nguraü ka Ngi raq Israilnok ka Ejip mung wa tsuq wankang akhing na maiq pongmungti thun raq tsangshiq tsuq wan kang kra achhi. Kra ningkhan imang khoti mibiki. Kra ningkhan tsangshiq ka jiipbaiq wan mang riikang.

EJEKIEL 24:21

Namshiq Israilnok ma ara tsütsa ara chonglaq nguta thaüto: Namshiq raq Jerusalem Shomjam ka nganghea nguta shiikongsiqtlan. Namshiq raq kra liisea lungwiitlan kiimaq khum lanta liisea lungwiitlan. Shatmaq Tatiwe raq kra atiishe she mirbaiq. Kiimaq namshiq jamkun wa jerobi thun ümchaü Jerusalem na tiichongtlaq thun kra redong na wiita mijiipbaiq.

EJEKIEL 39:25

Tati Rakaü Hiqwe raq nguto, “Shatmaq ümchaü ka Ngi Jakob saüsetiim phan, Israilnok ma tiihang mangchan she mitiichhi kuqha. Lata tsangshiq ka thongshiri hali pinthum arong awinnok ma mitiija wan nongha. Ngi raq i mang chong asii kra mitiiwong wanha.

EJEKIEL 43:7

“Maiqse lei, Ngi hokham ngacho ka arjaq. Ngi ka arjaq Israilnok rai misiha. Lata tsangshiq ka pattup pat-sa miitu she mipeng wanha. Israilnok mungmaiqse raq kiimaq tsangshiq hokhambi raq jiimin, i mangchong asii arka ahin phra thun shomnoq raüta riimakla, tsang hokhambi maa thun ka lap raüta tiishe shi mak she miraq.

DANIEL 9:7

Ümniika Tatiwe, ümniika phanrap tingting tri raükha tiipha shatti. Shatmaq naishiq riika maiqmii khu na, jeasi thoda hophaq wan laitli wranaiqshe siwankai. Arka tengto dea. Naishiq wiitarü raq hophaq tiikai. Juda mung na siti ngu i kiimaq Jerusalem na siti ngu i, kiimaq tlotli Israilnok mungmaiqse thun, ümniiraq pongmung na, aje na nai maiqmung thun luhea na, tiipin jobaiq laü. Jamkhano ngukla tsangshiq ka ümwokhong na simak riito.

LEWI 26:11

Ngi ka namshiq rai Ngi asii tombutiip na misiha. Lata Ngi raq namshiq ka ümtiikiimin baiqthü mang she mirha.

AMO LUIK DVP (AMOS) 6:8

Ajong Thaq Na Ajong Pinthum Tatiwe raq atiitum raüta chongtlo, “Ngi raq Israilnok shiikong tsii ka, pinthum saisi tiikang. Ngi raq tsangshiq kiitelong jam thun ka, liiromang. Ngi raq tsang nyungchong chela ka, kiimaq kra mong na siti tlotli, chiqse rewe miishe mikiinong kuqbaiqha.”

Luke 1:72

Apaiq raq na saü nase pat niimin, kaphap mangchan laq mang nguto. Apaiq raq tongshong khoqram kii ka thaq mang nguto.

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

Ephesians 2:7

Riita, Shiikeawe apaiq raq, ara shamkuq wantaq arka, Jesuq Khristo pum lümaq, apaiq raq nashiq ma, kaphap mangchan rüm tlaq kra tiichhi kuq wanto. Ara kaphap mangchan arka, maiqse raq tak lot mai chang phan, tsaühea, jonghea, luhea, thum mak miq mak phan, mangchan tiichhi kuq wanto.

TRI CHONGKE 32:19

“Ümtiikiiwa Tatiwe raq ara chhitaq, apaiq atsan khiqto, kra ningkhan ase maiqwesetiim nai jechaksetiim ka miimbaiqto.

Revelation 11:2

Shatmaq, shomjam kinphai ka naq shinkiq. Jamkhano ngukla, kriika thatsang maiqse ma alike kun she. Tsangshiq raq Asii Chelati ka jipi lüroq blai ri lünai, ji maq nishishi mihaihii baiq.

1 SAMUEL 12:22

Tatiwe raq namshiq ka apaiq sengi ma tiija wan miitu thapthi wanto she. Apaiq raq sinkham raüpot atsin maq namshiq miitu khakuqto she. Apaiq raq namshiq ka tiishaü baiq mak she.