JEREMIA 14:2 - ASII LAKDAP Bible (BSI)

² “Juda mung ka majo hoqtlo; achela thun wa maiq jiim wanto, asenginok ka hiq na bum raq raq hoqtrangtlo. Kiimaq Jerusalemti ka khrum jaü hoqtlo.

Hawa Naga Bible 2001

² “Yuda mungx nuex vkhoarc vnyerc rvyaq; kvruex ghaqyungx htenc nulx wvnc wuez vtuex, miq htenc yonzyex vtueq ghaq htauk nuex woalc wuez yaq, Yerusalem kuex romc kuy tvkoc guyc khoar yaq.

JEREMIA 14:2 Referencias Cruzadas

YOBA 34:28

Tsangshiq raq miitsan maiqsetiim ka tiichamchao raüta Shiikeawe man na tiihoqtlo, krai mren apaiq raq tsangshiq khrum jaü hoqtrang tlaq kra taito.

Tvtsvmc 144:14

Naishiq jam nyamsekong raq ase aphong arong nyung raüta hüma hiqma mipuchilaq, akaütiim raq ase amaa nyungmak mirlaq kiimaq momiq mak mirlaq,

DUNGWVNC 2:24

Apaiq raq tsangshiq hansiitrang tra kra taito. Kiimaq apaiq raq Abraham rai, Isak rai, kiimaq Jakob rai tongshong wantaq kra tsan na tiitsangto.

ISAIA 15:5

Itsan mong na Mob mung miitu hoqtlo! Mungmaiqse ka Joar chela niishe pintrangto. Kiimaq Eglath Shelishija chela na pintrangto. Maiq wiijam ka lamha kra dü wan raüta Luhith chela na jutrangto. Tsangshiq ka aju wan lam maq aho trangla juwanto. Maiq wiijamti ka Horonaim chela na agilülü ahotrang jutrangto.

ISAIA 24:11

Mungmaiqse ka chiihea wea lam thun na gisiitrangtlo. Jamkhano ngukla che nyang chang ka ahü she. Chochi rilung ka pattup miitu thumto she. Armung wa chochi ka thumto she.

ISAIA 24:4

Hiqraikhü ka ashin riiwanto. Raüta wiita jung wantlo. Mangjong hiq ka kunli ningkun ahü she jam wanto. Hiq nai ra ka anai wiita riim wanto.

ISAIA 24:7

Spiqtsiro ka wiita ajung riiwantlo. Spiqtai ka athum she riiwanto. Maiqse ümchuwa man na chochikhiq sitlaqti thun ka ümchaü tsanbi wokti lishe sitlo.

ISAIA 3:26

Chela kilamchong thun ka maaho manyi she miraq. Kiimaq chela apaiq kra dongdii min, jechak nyung naiqhü ma, hiq na ngaraü ikha miraq.

ISAIA 33:9

Armung ka hiqmii she. Jaqshamseati maiq min ahü she. Lebanon wang wa rum thun ka wiitashe jungkito. Hiqpo hiqwin Sharon tan kiimin kumtsaiphii ikhli she jakito. Kiimaq Bashan wang nai Karmel Pum wa pejaq thun ka achong wa wiita rok wanto.

ISAIA 5:7

Israil ka Ajong Pinthum Tati spiqro; Juda mungti ka apaiq raq achhi jang spiqro, Tsangshiq raq ahea jaqli misham nguta tiimato; shatmaq tsangshiq raq maiq khoti tsatto. Tsangshiq riika athuk atsom jaq misham nguta apaiq raq tiimato, shatmaq tsangshiq jaqsho maiqse thun raq kha phokuqlaq nguta hoqtrangto.

JEREMIA 11:11

Arningkhan she ümchaü sanha, Ngi, Tatiwe, raq tsangshiq ka mitiithenbaiqha nguta honlam bom chongkuqtiikang. Kra then wan rahai saü wan raüjaq tsangshiq ka lunlot mak she miraq. Kra akhing na tsangshiq ka aho anyi raüta Ngi jaq wa khrum kuqlaq nguta mihoqtrang. Ngi raq tsangshiq bom ka taimang she mirha.

JEREMIA 12:11

Tsangshiq raq armung ka rumnyangkhi kumtsaiphii ma tiijabaiqto; kriika imakki na hiqmiq changkhü ma tiijabaiqto. Armung tlotli ka kumtsaiphii ma jakito, kiimaq jurmin shamsiq mak she.

JEREMIA 12:4

Ümtincho na saüli wa namung ka shinriiqriiq miraq? kiimaq wak ram aweatek wa sangphii ka shinriiqriiq mijungsiq? Rum nyamsekong nai wushikong thun ka atsai riiwanto, nashiqnok raq ajiq klowan kha maq, tsangshiq raq, ‘Nashiq raq jamlai wa klotiikai ka Shiikeawe raq chhimak,’” nguta ngo kha maq.

JEREMIA 18:22

Maiqkong pahea tiihanghiiq miili tiiki laüta tsangshiq jam thun ka trun baiqlaq. Tsangshiq ka aho asii trang lishe phiipjiip raüta tiitsailaq. Tsangshiq raq ngi tiideabaiq miitu thiikho thuto. Kiimaq ngi tiimin miitu bi thun tsanto.

JEREMIA 4:28

Hiq raq majo mihoq; ra ka anyaq mirki. Tatiwe raq nguto, kiimaq apaiq raq atsantsii ka klaimak. Apaiq raq athapthi wan kun she kiimaq thongshi jai na jang mak.

JEREMIA 46:12

Maiq mung thun raq namshiq jeangaü tsütsa taito she; loweatek raq namshiq hosii trang ka taito she. Phenla weshi ka arewe thaq na tiithap raitlo, raüta tsangnai wiita hiq na riwantlo.

JEREMIA 8:21

Itsantsii wiita she tiibunto, jamkhano ngukla inok ibin ka wiita she tiibunto; Ngi ka maaho manyi li she sitiikang; Itsai iji wiita she tiidoq kang.

AJONJÜ 2:8

Tatiwe raq Jajon ruk ka, tiithen baiq raa dongdii nguta, tiithen baiqto. Apaiq raq thiwiithi maq ruk ka tiitsiirai runbaiqto. Rewa khechang kongmong chong thun, bunlak buncha tiithen baiqto.

AJONJÜ 2:9

Chela kilü thun tiithenbaiqto, kiimaq kilü lachang jinpan min ngoqbaiqto. Hokhamwe nai shiilangbi thun, ümchaü pongmung na shumwi tiijato. Thungtri ka ümchaü shrinkuq makshe, Kiimaq shammibi ma, Tati nü wa riisham bomtsi min, saümak she.

AJONJÜ 5:10

Songtsi ramtsi riili she pit wan kai, naikhum na tsidong rasong riilishe, winsii lumchang watum ikha, naikhum wiita khiim wanto.

Hosea 4:3

Arningkhan armung na rarin misaü. Raüta phanrap wiita ashin mirki. Raüta wiitsitsü phan wiita atsai miraq. Ngamsaü ngiqse wiita hutjok, kiimaq peshap wushi wiita, kiimaq sammok tra jü wa ngiq min wiita mitsai,” nguta Tatiwe raq nguto.

Yoel 1:10

Wakram thun kriimin thumthumshe thento, ahüshe. Wakram thun kiimin aho anyi walishe. Jamkhano ngukla tü nai tsam ri athum she. Che ri ahüshe, shinriiqriiq, spiq petsi tsai min ahüshe.

Yoel 1:11

Wakshamseati lei, tiirai ronglaq, Spiqtsiro shamti lei, aho asii trang ronglaq. Bunwong rü nai jaili rü thentaq kra miitu, wak wa tü atsam wiita thentaq kra miitu, hoqtrang ronglaq.

Yoel 1:14

Amang maq achujaü wan miitu aming kuq ronglaq. Lanta mungmaiqse ka adam na thung ronglaq! Juda mungti welabi thun wiita adam na riitam ronglaq. Namshiq Tatiwe Shiikeawe Shomjam na, riitam wan ronglaq. Lanta Tati jaq wa aholülü maq tiitai jaü ronglaq.

Yoel 2:6

Kupchikong watrang chhiraüta, maiqse angu kunli phiipraq tsai wanto. Maiqse theaphi tapdali she riito.

HAGAI 1:11

Ngi raq ku akin wakram kiina, tsamrü thun na, spiqro thun na, olip pero na, namshiq raq jamlai wa chhi jang wan tlan kriithaq na, ra trin baiq wan tiikang. Jamlai phan min tiicham mang. Kiimaq dong man wanlot mak. Kiimaq maiqse khuthaq niimin jam nyamse khuthaq niimin puchi kuq wan mak she.”

JEKERIA 7:13

Ngi raq tsangshiq ma tsii chongkuq kangta taiwi mak, kriikha niishe tsangshiq raq ümtiikiiwa achu jaü wan taq kriimin trekuq mangshe riikang.

1 SAMUEL 5:12

Mungmaiqse phong wa atsai tsaimakti thun kiimin, tsangshiq khum na tsamtsi ka asi siisaq. Kriikha na mungmaiqse ka tsangshiqnok shiikea phra thun mang chong raüta, mikhrum kuqlaq nguta hoqsii trangto.

1 SAMUEL 9:16

“Anap ranaiq ümchaü atinkhan akhing na, ngi raq Benjamin phan maiq weshi ümniipha na mitiiki kang; apaiq ka isengi Israilnok rümtiwe ma phumram kham maq bat laüta shong laq. Kiimaq apaiq raq tsangshiq ka Philistainnok jaqkhon mong wa mitiichhii kuq wan. Ngi raq isenginok chamchao ka chhikang she. Kiimaq tsangshiq raq ijaq wa khrum jaüjaü hoqsii trang wantaq thun ka tai kang she.”