JEREMIA 11:4 - ASII LAKDAP Bible (BSI)

⁴ Ara tongshong tri raütu arka man na ngi raq tsangtitiim pat na tsangshiq ka watum mong na khiimtlaq ikha Ejip mung na khumraitlaq kiiwa Ngi raq tsuq wan kang akhing na ashongkuq wanha. Ngi raq tsangshiq ma ibom taironglaq lanta Ngi raq aming kuqkang tri raütu kra lang lanta shong nga wan ronglaq nguta chongkang. Ngi raq tsangshiq ma chongkang tsangshiq Ngi aming wokhong na si raüla, tsangshiq ka isengi ma mija wan kiimaq Ngi ka tsangshiq Shiikeawe miaq.

Hawa Naga Bible 2001

⁴ Vruex kuex tsuingshiq tvkoc luic thuiyc yaq wvr htung ikhoc yaungx yaq Ejip mungx wawc tsuingshiq kuex ngaz rueq tvdung shvlx wvnc tauk nuex, tsuingshiq jix vwaz tamx rulc ngaz rueq vtvhungx bomkhvrc rvtueq. Ngaz rueq tsuingshiq kuex ngvy kvjaz phvnx vtueq ngaz rueq nvr shaungx phvnx ruip saz kuex shuimc lvmc tvkoc jungx tauk. Tsuingshiq rueq ngvy kvjaz tay ruiux yuq, tsuingshiq kuex ngvy miqsaz yaungx vtueq, ngaz kuex tsuingshiq Tishox muex yaungx taungx lvmz ngaz rueq tsuingshiq muex jungx tauk.

JEREMIA 11:4 Referencias Cruzadas

RAPHA HIQWA LAK 17:8

Ngi raq ümniima kiimaq ümlai ümla thun ma, arhiq ara ümchaü ümniika wanwe sitlaü ara mikuqha. Kanan mung kunli ka pattup pat-sa miitu ümlai ümla phan rii she miraq. Kiimaq Ngi ka tsangshiq Shiikeawe she mirha.”

1 HOKHVMX 8:51

Jamkhano ngukla tsangshiq ka ümsenginok amak shaq. Tsangshiq ka ümniiraq chamchao watum mong wa Ejip mung wa atsuq wanhaü kata.

2 HOKHVMX 18:6

Apaiq ka Tatiwe wokhong na tsapkapkap sitiwe riito. Kiimaq apaiq raq Tatiwe bom ka jangshi min tlea mak riito. Shatmaq apaiq riika Tatiwe raq Mosheq ma kuq wantaq aming raütu thun kriika tsapsaü kapse maq lang wanto.

DUNGWVNC 20:6

Shatmaq Ngi lungwiiti nai Ngi aming thun wokhong na siti miika Ngi lungwiitsii ka maiqpat ahing ahing na saüli mitiichhi kuqha.

ISAIA 30:6

Arka shemai nü na rumnyangkhi kumtsaiphii binjü na siti rum nyamsekong miitu achongkuq Shiikeawe tsütsa: “Kiimwebi kong ka, athaiq aha lam maq, rum lam hangsikong sichang, paüsang nyiqla sichang, kiimaq arakong asi bitlaq phan pren kaütiim sichang bintang jüngi lam maq khumtlo. Tsangshiq raq tsangshiq kumtoq kong nai kumtsong kong ka tsangmungti ma jamlai khrum kuqlot makti mung kriima kongphiq keho miitu athü tsinhea phan hupsam thun kra miito.

ISAIA 48:10

Ngi raq ümniika chamchao wa maq chaq lata chen wan kang, kampho ka khiwa maq chentlaq ikha chenkang. Shatmaq Ngi raq ümniika thiihü chhikang.

JEREMIA 11:7

Ngi raq tsangtitiim ka Ejip mungwa tsuq wan kang akhing na, Ngi raq tsangshiq ma atsidada maq Ngi aming wokhong na siraajo nguta sinkham kuq wan kang. Krai mren ümchaü ranaiq niitaq saüli Ngi raq mungmaiqse ma hon lam wan tsü phathak nithak maq trantsii chongkuq wan ruq li riitiikang.

JEREMIA 24:7

Ngi raq tsangshiq tsan mong na Ngi ardea Tatiwe nguta sap wan miitu roriitsii mithii kuqha. Kra riihajiila tsangshiq ka isengi ma mija wan. Kiimaq Ngi ka tsangshiq Shiikeawe ma mija wanha. Jamkhano ngukla tsangshiq ka tsangshiq tsan nai tsü wiita kuq raüta Ngi wokhong na hali mijang wan nong.

JEREMIA 26:13

Namshiq chap nai nga kra klai raa dongdii. Kiimaq namshiq raq jamlai wa ashut klotlan kriika klai raa dongdii. Lanta namshiq Tatiwe namshiq Shiikeawe aming ka lang ratlo. Namshiq raq kra riihanla, apaiq raq atsan na namshiq ka mitiithenbaiqha nguta tiimatlaq kra aklai mirbaiq.

JEREMIA 32:28

Ngi raq ara chela arka ümchaü Bebilon mung hokhamwe Nebukadnejar nai apaiq phenlabi jaq khon mong niishe kiinong kuq baiq tiikang. Tsangshiq raq ara chela ka mijii wan.

JEREMIA 38:20

Kiijiishe ngi raq ngukang, “Ümniika tsangshiq jaqkhon mong na kiinong kuqbaiq mak miraq. Ngi raq ümniima Tatiwe bomtsi kra tai laq nguta tiipaiqnea tiikang. Kra nguraü ka phanrap ümniima ahea miraq. Kiimaq ümmiisaq ka atiiwong mirkuq.

EJEKIEL 11:20

Kiijiishetiq tsangshiq raq itri raütu thun ka mirüm wan kiimaq Ngi raq akuqha aming thun ka tsapkapkap miishe milang wan. Tsangshiq ka isengi miraq. Kiimaq Ngi ka tsang Shiikeawe mijaha.

EJEKIEL 14:11

Ngi raq Israilnok ma akha mo mitiihoha. Kriika tsangshiq raq ngi ka miimthü raüta, tsangshiq ngarai lamphan na kiho raüta, tsangkhum kra tiishebaiq mak chang miitu mo mitiihoha. Tsangshiq ka isenginok miili sichang. Kiimaq Ngi ka tsangshiq Shiikeawe ma mijaha.” Arka Tati Rakaü Hiqwe raq ngutlo.

EJEKIEL 36:28

Kiijiishetiq namshiq ka, Ngi raq namtitiim ma akuqha mung kiijaq mishong wan han. Namshiq ka isengi ma mija wan han. Ngi ka namshiq Shiikeawe miraq.

EJEKIEL 37:23

Tsangshiq raq tsang khum ka maiqphai asi sumla phra thun maq tiisheshi mak she miraq. Riimakla tsangshiq raq tsang khum ka ngarai maq tiinam mak she miraq. Ngi raq tsangshiq ka lamlu ümchu no ngarai tang wantaq raüta Ngi ka shishe wantaq kriiwa midok wanha, lata wasetiim miishe mitiijaha. Ngi raq tsangshiq ka atiisii she mirha. Tsangshiq ka Isenginok she miraq. Kiimaq Ngi ka tsangshiq Shiikeawe she mirha.

EJEKIEL 37:27

Ngi ka kiijaq tsangshiq rai adam she misi wanha. Ngi ka tsang Shiikeawe miraq. Tsangshiq ka Isenginok miraq.

DANIEL 3:26

Kiijiishe, Nebukadnejar ka watum khok nyairaitlaq kilü kiina ra na wato. Raüta tiihong raüta, “Shadrakh! Meshakh! Abednego! Ajong Pinthum Shiikeawe sengi! Kinphai na dongki rongkiq!” nguta heato. Kiimaq tsangtsam ka watum mong wa donghosaqli dongkito.

LEWI 26:12

Ngi ka namshiq rai nong nong misiha. Ngi ka namshiq Shiikeawe ma mijaha. Kiimaq namshiq ka isenginok ma mija han.

LEWI 26:3

“Namshiq ka Ngi raq akuqha thungtri thun kra lang lanta shong nga hanla kiimaq Ngi aming thun wokhong na sihan jiila,

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

JEKERIA 6:15

Maiq mung luheatibi min saüwan raüta Tatiwe Shomjam tiihea hai mikhrum dam. Kiimaq ümtiikiiwa Shomjam tiihea hai lot wan jiiq, kiitiikaq namshiq raq ngi ka Tati Ningkun Ajong Pinthumwe riidea namshiq phana tiikito nguta misap han. Riita, arthun jaqsham arka, namshiq raq Tati Shiikeawe aming lang wan hanjaqtiq miku wan.

JEKERIA 8:8

Lata raq tsangshiq ka shedong mung maq riita shenyap mung na saüli atsuq wan kiiwa Jerusalem chela niishe mitiisi wan ha. Tsangshiq ka isengi ma mija. Kiimaq ngi ka tsangshiq Shiikeawe ma mija ha. Lata ngi raq tsangshiq ka tsapkapkap miishe kiimaq tingting tri sham lata mirüm wan ha.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

2 Corinthians 6:16

Shiikeawe asii shomjam ka thawe makchuk jam rai apong dam chang lamlu min asi sha? Nashiq ka atra Shiikeawe sichang shomjam ahata! Shiikeawe raq akha chongto: “Ngi raq I jamjong ka I sengi rai mihai ha, Lata tsangshiq rai misiha, ngi ka tsangshiq Shiikeawe ma mijaha; kiimaq tsangshiq ka I sengi miraq.”

TRI CHONGKE 11:27

Ümchaü ranaiq ngi raq Tatiwe namshiq Shiikeawe aming thun kuqtiikang kra wokhong na sihanla achu shiiman milap han.

TRI CHONGKE 4:20

Shatmaq namshiq ka Ejip mung na watum nyairaitlaq kra mong wa apaiq raq achhii wannok. Apaiq raq namshiq ka ümchaü jamkho apaiq sengi ma jalanta sitlan, kra miitu shun shea wanto.

TRI CHONGKE 5:6

‘Ngi ka Tatiwe üm Shiikeawe. Namshiq ka Ejip mung na dikong asi han wa daa chhii wankang.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

1 SAMUEL 15:22

Shatmaq Samuel raq treto, “Riita Tatiwe ümriiti wa lungwiitla: Apaiq bomtai kriisha, honglu thun nai nyamse atakuq kriiwa lungwiitla? Skuse ahea pinthum honglu atakuq thaq na, apaiq bomtai riiwe ka ahea.