JEREMIA 10:2 - ASII LAKDAP Bible (BSI)

² Apaiq raq ngutlo, “Maiq mung ahinti thun rilung lamphan kra naq phan rongkiq; ra na maiq wang chang tiijishitlaq thun kriima naq wangthang rongkiq, maiq mung ahin thun phiip raq tsai raümin.

Hawa Naga Bible 2001

² Piq rueq, “Vganc miqphvnx htenc lvmx kuex nauk phvnx kaz; raungx nuex kvlayc wvnc yaq vyac shvmx htenc kuex khiz vtueq vganc miqphvnx htenc kuex hisungx ruiux muinz mnoz nauk kawc yawc kaz.

JEREMIA 10:2 Referencias Cruzadas

RAPHA HIQWA LAK 1:14

Raütiishe Shiikeawe raq akha aming kuqto, “Ra na walütu thun donglaq. Ranaiq ka rawa wa pong na raibaiq miitu. Kiimaq ümtii'kiiwa ranaiq thun, rawii thun, kiimaq kamasham poi thun klophaho chang akhing kra tiichhike miitu;

JEREMIA 10:1

Israilnok lei, Tatiwe raq namshiq ma jamlai bom wa chongkuqtlaq kra tiitsang taironglaq.

EJEKIEL 20:32

Namshiq raq namtsan mong na, namshiq kiimin nanok pongmungti thun jamkho sitlaq kiikhiisii misi rong i nguta, athapthi wan kun she. Pongmungti thun jamkho pechong thun nai longkaü thun kra shomnoq raüta sitlaq kiikha shonga wan miitu namtsantsii ka atiinyi wan kun she. Shatmaq kriika ümtiikiimin hongwa mak miraq.

LEWI 18:3

Man na namshiq shong wan lan Ejip mungti hainga ka naq phan rongkiq. Riimakla, ümchaü Ngi raq namshiq shea wan tiikang Kanan mungti hainga ka naq phan rongkiq.

LEWI 20:23

Kra mung na sitinok maiq mung thun thung nai lai ka naq lang rongkiq. Ngi raq tsangshiq thatsang maiqse phan thun ka wiita jobaiq wan tiikang. Kriika namshiq ka kra mung na tiinyap wan miitu. Tsangshiq raq abi klo wanto. Raüta Ngi ma iphai tiisito.

TRI CHONGKE 18:9

“Ümtiikiiwa ümniika Tatiwe üm Shiikeawe raq kuqtlaq mung kiijaq misaü haü, kra mung na shongti maiq phan pahea raq maiqphai asi thunglai thun langtlaq kra lam phan maimak.

PHOWEBI 6:10

Ngi raq namshiq ma Ngi ka namshiq Tatiwe, namshiq Shiikeawe nguta chongkuq kang. Arkha na namshiq raq, ümchaü namshiq riishe jiiwan lan arjaq siti, Amoraiqnok phra thun ka shomnoq maimak nguta chongkuq kang. Shatmaq namshiq raq ibom taiman tlea lan.”