JEREMIA 10:19 - ASII LAKDAP Bible (BSI)

¹⁹ Jerusalemti akha hoqtrangtlo, “Nashiq ka tiibitaq tsatbaiqto! Nashiq raq mininlot rong i ahiq nguta tiimakai!

Hawa Naga Bible 2001

¹⁹ Yerusalem miqsaz htenc rueq, “Nuiyshiq kuex songhvlc vthuiuz vsac rvhumc vtix! Nuiyshiq vmac vtsac htenc kuex hvlx tuex rvmuq. Vkhoc rvhumc vtix murx kuex phvnx shishiz maq nanx lot shix ngoz tueq nuiyshiq rueq tvmaung vshix!

JEREMIA 10:19 Referencias Cruzadas

Tvtsvmc 39:9

Ngi ka kaiqshak mingaha, poshi min bom mang mirha, jamkhano ngukla ngi tiichamchaoti ka ümnaq kata.

Tvtsvmc 77:10

Kiijiishe ngi raq ngukang, “Itsan na tsihea ka ara— ikhla Shiikeawe ningkun ka ahü she sham.”

ISAIA 8:17

Tatiwe apaiq ka asenginok makki wa atiipaü raüta sitlo. Shatmaq ngi ka apaiq ma kam tiikang. Kiimaq iran tsantsii ka apaiq dü na riiwiiq latli sitiikang.

JEREMIA 14:17

Tatiwe raq ngi ma ngi chamchao hoqsii tiikang kriika tsangshiq ma chonglaq nguta aming kuqto: “Imakphai sawa ka ranaiq rawa misalaq, ngi ka atsaq min tsaq mang she dea mihoqsiqha, jamkhano ngukla inok ita ka bunlak buncha bukto, raüta tsihea mo tiihoto.

JEREMIA 14:7

Isenginok raq ngi ma hoq trangtlo, ‘Naishiq ngarai raq naishiq shra raü min, naishiq khrumlaq, Tatiwe lei, ümniiraq ümkiq khamkuq laü kra phan phan. Naishiq ümwokhong wa jang pahea donghokai; naishiq raq ümmakki na ngarai tangkai.

JEREMIA 17:13

Tatiwe ümniika Israilnok tsantsii ranchang khearapaq; ümwokhong wa donghotibi wiita jea mingaü. Tsangshiq ka maiq mang botkhulai na awaiq ikha amaq mirki, jamkhano ngukla tsangshiq raq ümniika miimbaiqto, ümniika maiqse ma khangriri hea khamserai.

JEREMIA 4:19

Atsi! Ngi raq atsi ka ninlot mang she! Imongjii le! Imongjii wiita bun wanto! Ngi ka kaiqshak ngalot mang; Ngi raq nüchhong lerong thun tsü trang kiimaq reriikhat rüriiq trang taikang.

JEREMIA 4:31

Ngi raq maiq nyung no wüchhitsi ma hantlaq ikha aho taikang, ase chhikhu do akhing na siiraitlaq ikha. Kriika Jerusalem hotlo, atsitsü pit wan kiita ajaq wiinai ka ra na tiipii raüta ngutlo, “Ngi ha miqkang she! tsangshiq ka ngi tsea wa watlo!”

JEREMIA 8:21

Itsantsii wiita she tiibunto, jamkhano ngukla inok ibin ka wiita she tiibunto; Ngi ka maaho manyi li she sitiikang; Itsai iji wiita she tiidoq kang.

JEREMIA 9:1

Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.

AJONJÜ 1:2

Jerusalem mantinyung ikha waruwaru jonjütlo, amakphai sa atheaphi na rajun ikha. Kongtichü weshi ra riimin, apaiq tiijaiq wamak she. Pongmung hokhambi reraüshiti raq tiishaübaiqto, Kiithun wiita ümchaü apaiq ngengti siisaq.

AJONJÜ 3:48

Iphan imaq then wan riihum kha maq, Imakphai ka rajun khamkai ikha.

Mikha 7:9

Nashiq ka shut kai dea, Tatiwe man na shutkai. Kriikha na heashise miitu, apaiq tsankhiq ka nin chang she. Shatmaq atiisup niika, apaiq raq nashiq mitiiwongkuq, Raüta nashiq ma ashut klo wantaq, kra atru she mirkuq wan. Apaiq raq nashiq ka rawü niishe mishea wan. Apaiq raq nashiq tiichhiike wan kra, namak ma michhi rong i.