JEREMIA 10:12 - ASII LAKDAP Bible (BSI)

¹² Tatiwe raq hiq ka apaiq ningkun maq tiiqto; apaiq taksu tsii maq mangjong hiq phansangto, kiimaq ramungtan thun ka tiikha chanto.

Hawa Naga Bible 2001

¹² Yehowa rueq vpiq luimc vkawc maq ghaq kuex tvhungx tueq; vpiq taksux tharc maq mung-kawx kuex tvdung sung ruiux raungmungx kuex tvparc tueq.

JEREMIA 10:12 Referencias Cruzadas

RAPHA HIQWA LAK 1:1

Apha shaq shaq na, ümtiikiiwa Shiikeawe raq ra nai hiq phan sangtaq,

RAPHA HIQWA LAK 2:5

hiqraikhü na pechong wiirü ka ahü riito kiimaq petsi wiqtsam cham min ahü riito. Jamkhano ngukla apaiq raq ra ka mitiijun shaq. Kiimaq hiqraikhü na jaqshamseati min ahü shaqli riito.

1 KAÜWA WERAÜ 16:26

Maiqmung ahin thun tiikea thun ka miinan sumla phong lam lam li, shatmaq Tatiwe ka ramungtan thun tiiqto.

YOBA 26:7

Shiikeawe raq shekhu na ra ka tiipii shun raüta chanto raüta hiq ka rawang win na paqto.

YOBA 37:18

Ümniiraq Shiikeawe ka ra tiipii chan jaqsham na mikhrum lot haü shea laüta jin pen kaü aheawiq tiichhai panje ikha tsinhea mitiitsin lot haü shea?

YOBA 9:8

Shiikeawe ma ramungtan thun kra chan wan akhing na jurmin apaiq ka khrum kuq mak dea kiimaq ngorokaü raikhü na ji maq nishishi nimak dea.

Tvtsvmc 104:2

ümniika ali aliim samlaüta tiikhuptlaü. Ümniiraq ramungtan thun ka tombu tiip ikha chanlaü,

Tvtsvmc 104:24

Tatiwe lei, ümniiraq phanrap phanrii klolaü! Ümniiraq tsangshiq tarü pinthum phaqchi maq klolaü! Hiqraikhü ka ümniiraq atiiqhaü atra phan riili aphong along.

Tvtsvmc 119:90

Ümniiraq tsapkaptlaü kriika maiqpat ümchuwa leawan raü min siruqli, ümniiraq mangjong hiq ka ashong chang na shonglaü, kriika kiikhii siwan ruqli she miraq.

Tvtsvmc 24:2

Apaiq raq arka hiq takiq na khamchum tsaühea thaq na tiiqto kiimaq kra jamkhü diim thun ka sammoktra chum mong tsaühea na haito.

Tvtsvmc 33:6

Tatiwe aming maq ramungtan thun ka tiiqto, rashe, jipi, kiimaq raiqsaiq thun ka anübok wa bomtsi dongtaq kriimaq tiiqto.

Tvtsvmc 65:7

Ümniiraq khamjong chum tso mok wantlaq kra tiitsaq baiqlaü kiimaq chumtso blun trang kra tiitsaq baiq laü; ümniiraq maiq phan thun rüriiq trang kra tiitsaq baiq laü.

Tvtsvmc 78:69

Kiijaq apaiq raq apaiq Shomjam ka haito ajam ramungtan na sitlaq kiikha; apaiq raq kra jam ka hiqraikhü phataqtaq sitlaq kiikha pattup pat-sa thenki makchang she haito.

Tvtsvmc 93:1

Tatiwe ka hokham. Apaiq phung ka chaqhea kiimaq aningkun ka henghea. Hiq ka phataqtaqhea shongto, kriika atiimeshi maimak she.

TAKSU LAK 3:19

Tatiwe raq nyan phaqchi maq, mangjong hiq ka phansangto; kiimaq taksu tsii maq ra ka tiiqto.

TAKSU LAK 30:4

Ramungtan phaqchi tsinti juwa? Jurwa rahai ka ajaqphi na, khon raüta shamti? Jurwa sammoktra chum ka, khea thum na thopti? Juwa hiq rai ra rai kra, chumtapti? kriiwe mang ka juwa? ümniiraq asap haü shea? ase mang juwa?

ISAIA 37:16

“Ajong Pinthum Tatiwe, Israilnok Shiikeawe lei, seraphim thaq na hokham ngacho na ngatiwe lei, ümniili she kata Shiikeawe ka. Mangjong hiqraikhü na maiqmungtan thun kra pengti ka ümniili. Ümniiraq ra nai hiq ara tiiqlaü.

ISAIA 40:22

Kriika ahokham ngacho na ngatiwe raq kloto, hiqraikhü thaq na kiimaq ratsan mong nyang thaq na; ra takiq na siti maiqse ka saisii kaüsetiim ikha tiichhitlo. Apaiq raq ra ka kitan khea chantlaq ikha tiikha chanto, asi ma tombutiip chantlaq ikha chanto.

ISAIA 42:5

Shiikeawe raq ramungtan thun ka phansangto, raüta rawang win na chanto; apaiq raq hiq ka tiiqto, kiimaq kiijaq siti thun wiita phansangto; apaiq kiijaq siti asengi tlotli ma rilung nai tsitsü kuqto. Raüta ümchaü Tatiwe Shiikeawe raq ajaqshi se ma akha ngutlo,

ISAIA 44:24

“Ngi ka Tatiwe, ümnaq chhiiti; ngi ka ümnaq phansangtiwe. Ngi ka Tatiwe, phanrap Tiidongtiwe. Ngi riili la ramungtan thun ka chankang; Ngi raq mangjong hiq tiiqkang akhing na, Ngi khrumti jumin ahü riito.

ISAIA 45:12

Ngi ahata mangjong hiq tiiqtiwe, lata kiijaq si miitu maiqse ka phansangkang. Iningkun maq Ngi raq ramungtan thun ka chankang; Ngi raq rashe, jipi, kiimaq raiqsaiq thun kra pengtiikang.

ISAIA 45:18

Tatiwe raq ramungtan thun tiiqto, apaiq kriili Shiikeawe ka! Apaiq raq hiq ka loto raüta tiiqto, apaiq raq phataqtaq kiimaq anganwiq kloto. Apaiq raq hiqraikhü ka hiqmiqchangkhü ma tiijamak, shatmaq maiqse singa miitu kloto. Apaiq raq ngutlo, “Ngi ahata Tatiwe, Ngi tlea raüta tisho ahin ahü.

ISAIA 48:13

Hiqraikhü diimchang jamkhü ka Ngi raq shongkang, kiimaq ramungtan thun kiimin Ngi raq tiikha chankang. Ümtiikiiwa Ngi raq hiq nai ra ma aming kuqtiikang, tsangnai ka tlothit saüwasaq chaprang riitlo.

ISAIA 49:8

Tatiwe raq asenginok ma ngutlo, “Namshiq tiichhiike wan akhing saü raüla, Ngi raq namshiq ka mikhrumkang, kiimaq namshiq raq khrum jaü hoqtrangtlan kra mitreha. Ngi raq namshiq ka mikheha lata mitiiwongkuqha, kiimaq ümnaq lümaq maiqphan thun tlotli rai tong mishong wanha. Ngi raq namshiq ka nammung na hali mitiishong nga wan nongha, ümchaü hiqmiq changkhü ikha sitlaq kiijaq.

JEREMIA 10:13

Apaiq aming maq ra khuthaq wa kham thun ka moktrangtlo; Apaiq raq phum thun ka hiq tiisup wa tsuq wantlo. Apaiq raq rajun rai rachhai ralüp tiidongtlo. Raüta rahai ka atum mong wa tiiwatlo.

JEREMIA 10:16

Jakob Shiikeawe ka tsangshiq kiikha riimak; apaiq ka phanrap phanrii tiiqtiwe, kiimaq apaiq raq Israilnok ka asenginok shaq ma tsea wanto. Apaiq mang ka Ajong Pinthum Tatiwe.

JEREMIA 14:22

Pongmungti thun sumla phra kong raq ra tiijunlot mak; ra raq rakraqraq ra tiijunlot mak. Naishiq ran tsantsii ka ümniima thütiikai, O Tatiwe lei, naishiq Shiikeawe lei, jamkhano ngukla ümniiraq arthun jaqsham ara klotlaü.

JEREMIA 27:5

“Ngi arang jonghea riimtiikang kra lümaq kiimaq iningkun jonghea hotiikang kra lümaq, Ngi raq ara mangjong hiq ara, maiqphan kra, kiimaq ngamsaü ngiqse phan hiq raikhü na diimtlaq thun kra klowan kang. Kiimaq Ngi raq juma ke wan wa rotiikang, kriiwe ma arthun ara kuq tiikang.

JEREMIA 32:17

“Tati Rakaü Hiqwe, ümniiraq ra nai hiq ka ümningkun jonghea kriimaq phansang laü. Kiimaq ningkun henghea maq tiiq laü. Ümniiraq lot maü chang ka jamlai phan min ahü.

JEKERIA 12:1

Arka Tatiwe bomtsi Israil mung miitu achongkuq: Ra nai hiq klotiwe Tatiwe, maiqse ma tsitsü thiiketi raq akha ngutlo:

John 1:3

Shiikeawe raq ra nai hiq ka apaiq lümaq siisaq phansang wanto. Shiikeawe raq apaiq tlea raüta, jam lai phan min phansang mak dea.

Colossians 1:16

Shiikeawe raq Khristo lümaq ramungtan na ümchuwa sitlaq kiimaq ara mangjong hiq na ümchuwa diim tlaq kra tiiqto. Kiimaq maiqse raq mak maq chhi tiikai phan kiimaq mak maq chhilot mai phan ümchuwa sitlaq thun wiitarü ka tiiqto. Ramungtan na siti nai mangjong hiq na siti winji hokhambi, winji tuwebi, kiimaq winji welabi ka Shiikeawe raq, Khristo lümaq siisaq phan sangto. Shiikeawe raq ara ra nai hiq thun ara apaiq lümaq siisaq tiiqto. Kiimaq apaiq miitu nguta tiiqto.