JEREMIA 10:10 - ASII LAKDAP Bible (BSI)

¹⁰ Shatmaq Tatiwe, ümniika riikhaqli Shiikeawe, ümniika atra Shiikeawe, kiimaq pattup pat-sa hokham. Ümtsankhiq raüla hiqraikhü ka atiikhai riitlo; maiq mung thun raq ümtsankhiq ka ninlot mak.

Hawa Naga Bible 2001

¹⁰ Yuq muinz, Yehowa lex, mnoz kuex tsuingrux Tishox rvtoq, mnoz kuex tvraungx Tishox rvtoq nuiyc pattup pat-sac hokhvmx rvtoq. Mnoz khaq koq tueq, ghaq kuex kvkhuirc dvndvnz rvtueq; miqphvnx htenc kuex mthuinz khvy nanx lot muq. (

JEREMIA 10:10 Referencias Cruzadas

RAPHA HIQWA LAK 21:33

Raütiishe Abraham raq kra Beersheba hiq shong na Tamarisk pechong se ashi chhito. Kiimaq Tatiwe, Pattup Pat-sa Shiikeawe kra shomnoqto.

1 HOKHVMX 18:39

Riita mungmaiqse raq kriithun ka chhi raütiishe tsangshiq tarü ka hiq na bumrang raüta akhiishe siitranghoto, “Tatiwe kiidea Shiikeawe. Tatiwe kli dea Shiikeawe ka!”

1 HOKHVMX 8:60

Krai mren, mangjong hiq na maiqmung thun sitlaq tlotli raq, Tatiwe apaiq kli dea Shiikeawe ka ngutiishe misap wan. Apaiq ka tlea raüta shiikea ahin ka ahüshe.

1 KAÜWA WERAÜ 29:11

Ümniika ajong pinthum kiimaq ningkun jonghea riimtiwe, khushü jonghea, achhai anyii, kiimaq maiqkha akii. Ramungtan na ümchuwa sitlaq kiimaq mangjong hiq na ümchuwa sitlaq kra ümrii siisaq. Kiimaq ümniika hokham, ajong thaq niimin ajong pinthum phanrap kunli riimtiwe.

2 KAÜWA WERAÜ 15:3

Rawii luhea Israilnok ka riikhaqli Shiikeawe ahü maq siwanto. Tsangshiq ma Shiikeawe lamphan tlanketi ramwebi ahü kiimaq thungtri min ahü shong wanto.

YOBA 9:6

Shiikeawe raq hiqjong tiimu raüta hiq ka baitlo; apaiq raq hiqdiim thüchang khamchong thun kra nungshnung baitlo.

Tvtsvmc 10:16

Tatiwe ka pattup pat-sa miitu hokham, Jurwa laihin phra kong noqtlaqti thun ka Tatiwe hiqshong wa wiita mimoki.

Tvtsvmc 100:3

Saprong laq Tatiwe kiidea nashiq Shiikeawe. Apaiq ka nashiq tiiqti, kiimaq nashiq ka apaiq rii; nashiq ka apaiq sengi, nashiq ka askusekong.

Tvtsvmc 100:5

Tatiwe ka ahea; apaiq lungwii ka pattup pat-sa kiimaq apaiq tsapkapkap ka pattup pat-sa thummak.

Tvtsvmc 104:32

Apaiq raq hiqraikhü ka liitlo, raüla hiq ka atiikhai riitlo; apaiq raq pum thun ka than raüla, tsangshiq raq wakhuk tiimongtlo.

Tvtsvmc 114:7

Tiikhailaq, hiq lei, Tati saühotlaq akhing na, Jakob Shiikeawe man na,

Tvtsvmc 145:13

Üm mungtan ka thumkimak phan, kiimaq ümniika pattup pat-sa miitu hokham. Tatiwe raq akiqkham bomtsi ka tsapkapkap tiikupi wantlo, kiimaq apaiq raq ümchuwa jaqshamtlaq kra tiihang shatmaq shamtlo.

Tvtsvmc 146:6

ramungtan, mangjong hiq, kiimaq khamjong chum, kiimaq kiijaq siti phanrap tiiqtiwe ma kamtlaq apaiq ma peohea. Apaiq raq akiqkham bom raü riikhaqli thütlo.

Tvtsvmc 18:7

Kiijiishe hiq ka atiikhai banban she phephiiq wanto; pum thun shongchang jichong diim thun ka tiibai wanto, jamkhano ngukla Shiikeawe ka akhiq.

Tvtsvmc 29:10

Tatiwe raq chum tsaühea kra pengtlo; apaiq ka pattup hokham ma ja raüta pengtlo.

Tvtsvmc 31:5

Ümjaqkhon mong na ikhum kiinong kuq tiikang. Ümniiraq ngi mitiichhii kuq haü, Tatiwe lei; Ümniika tsapsaükapse Shiikeawe.

Tvtsvmc 42:2

Imongjii raq ümniili rittlo, atra Shiikeawe lei; ümtincho wa kilata ümniika mishomnoq ha?

Tvtsvmc 68:11

Tatiwe raq aming kuqto, kiimaq jechakre pahea raq tsütsa akha sowanto:

Tvtsvmc 68:8

mangjong hiq ka muto, kiimaq ra raq ra tiijunto, Sinai pum wa Shiikeawe satki kiita, Israilnok Shiikeawe satki kiita.

Tvtsvmc 74:12

Shatmaq ümniika aphaji miiphü naishiq hokhamwe riilaü, O Shiikeawe lei; ümniiraq naishiq ka jang pahea tiichhiikuq laü ihata.

Tvtsvmc 76:7

Shatmaq, Tatiwe lei, ümniimiika tarü haitlo. Ümtsan she khiqki raüla ümkhaki na jumin chapkham mak she.

Tvtsvmc 76:8

Ümniiraq khapho tlaü ka ramungtan maq tiisap kuq tlaü; mangjong hiq ka aphiip ajiip kaiqshak lishe sito,

Tvtsvmc 77:18

Ümniiraq ra tiimoklaü ka atam alam küwanto, ra ka siimko maq riita siimko na hiqraikhü hamli chhai wanto; hiq ka atiikhai ban ban phewanto.

Tvtsvmc 84:2

Ngi kiijaq si kai lungwiitiitang! Ngi Tatiwe jam na si kai lungwiitiikang. Ikhum wiita kuq lata atra Shiikeawe ma chochi ma shingetiikang.

Tvtsvmc 9:8

Apaiq raq mangjong hiq ka tingting kappe sham raüta pengtlo, apaiq raq maiq mung thun kha ka tri riikhaqli maq photlo.

Tvtsvmc 90:11

Ümtsankhiq walü heng ka juro wiita sapta? Ümtsankhiq moktlaq kriiraq ümtinkhan wa mitiiphiip kra juro saptla?

Tvtsvmc 90:2

Ümniiraq kin thun mitiiqhaüshaq niiphü riimakla mangjonghiq ka mitiiqhaüshaq niiphü, ümniika pattup pat-sa miiphü Shiikeawe dongdii, kiimaq pattup thummak Shiikeaweli mirhaü.

Tvtsvmc 93:2

Ümhokham ngacho ka, O Tatiwe lei, rapha hiqwa min mishaq niiphü phataqtaq dongdii, kiimaq ümniika rahiq min midongshaq niiphü asi dongdii riilaü.

Tvtsvmc 97:4

Apaiq rachhaiwa trang raq mangjonghiq ka wiita liliimtlo; hiq raq kra chhitlo raüta atiikhai rokrok riitlo.

ISAIA 37:17

Ümchaü min, Tatiwe lei, naishiq achu jaü ara tailaq. Laüta naishiq ma jamlai mra wa pinwantaq kra liilaq. Sennacherib raq ümnaq atra Shiikeawe ma shumtsü miitsü bombi ümchuwa kuqtlaq kra tiitsang tailaq.

ISAIA 37:4

Asiria mungti hokham ajongwe raq asengi ajong pinthum siihiipwe ka atra Shiikeawe tiishummiikai tiikito. Riita Tatiwe üm Shiikeawe raq atinkhan shummiitlaq kra mitailaq. Raüta arthun bomtsi ngotibi ka apaiq raq mo mitiiholaq. Arningkhan Shiikeawe jaq wa achu jaülaq nashiqnok ümchuwa atra sitlaq thun kra miitu.”

ISAIA 40:15

Tatiwe ma maiq mung thun ka jam min ahü ikhli, ralang khampü se sakitlaq ikhli; sammoktra chum mong luhea na maiq mung thun ka chiiphüphü botkhulai raise ikhli.

ISAIA 40:28

Sapmaü shaqli shea? Taimaü shaqli shea? Tatiwe ka pattup pat-sa Shiikeawe; apaiq raq mangjong tlotli phansangto. Apaiq ka ümtiikiimin hunnii mak phan. Jurmin apaiq tsantsii ka khonlot mak.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 65:16

Armung na siti jurwa achu shiiman lap wan lungwiitlaq, kriiti raq Tsapkapkap Shiikeawe jaq wa achu shiiman kuqlaq nguta achu mijaü wan. Kiimahali jurwa atiitum riiwantlaq kriiti riimin, Tsapkapkap Shiikeawe mang ka chong raüta mitiitum wan. Man na chamchao litkot ümchuwa lea wan lan, kriika ahü she miraq. Kiimaq wiita alaq she mirbaiq wan han.”

JEREMIA 23:36

Arningkhan tsangshiq raq ‘Arka Tatiwe holai’ ngutiika bom maimak she. Jamkhano ngukla maiq weshi ra raq ara bomtsi arla chong raüla, Ngi raq itsütsa ka apaiq ma holai jonghea mitiijaha. Mung maiqse raq tsang Shiikeawe, Atra Shiikeawe Tati Ningkun Ajongwe bomtsi ka atiijiq she riibaiqto.

JEREMIA 4:2

kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

JEREMIA 4:24

Ngi raq pumthun kiina liikang, kriithun ka atiikhai raitlo, kiimaq kin thun ka kona riijo kona riijo tiimetlo.

JEREMIA 50:46

Ümtiikiiwa Bebilon ka thamwan jiiq, apaiq tham wan trang ka ramok wa ikha mangjong tlotli na hamli hiq ka atiikhai miraq. Kiimaq mung maiqse kiinyii hotrang ka mangjong tlotli raq mitai.”

JEREMIA 51:29

Mangjong hiqraikhü ka tiikhaitlo kiimaq tiibairaitlo, jamkhano ngukla Tatiwe raq Bebilon mung ka kumtsaiphii miishe tiijabaiq wantlo. Kiijaq maiqse ka jumin simak she miraq.

DANIEL 4:3

“Shiikeawe raq amao chang jaqsham jonghea, nashiq ma tiichhikuqtlo! Apaiq raq awang chang jaqsham, ningkun henghea maq shamtlo! Shiikeawe kli pattup pat-sa miitu hokham, Apaiq riili pattup pat-sa mipeng wan.

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

DANIEL 6:26

Ngi raq ara imungtan na siti mungmaiqse wiita ma, Daniel Shiikeawe kiima haisong tsantsii thü raa, kiimaq apaiq ka shreng raa nguta aming kuq tiikang: “Apaiq ka atra Shiikeawe, kiimaq apaiq riili pattup pat-sa, mung mipeng. Apaiq mungtan ka pattup thenki mak phan, kiimaq apaiq ningkun ka ümtiikiimin thummak phan.

DANIEL 6:27

Apaiq raq khupwongtlo kiimaq chhiikuqtlo; Apaiq raq ramungtan na nai mangjong hiq na, amao chang nai awang chang jaqshamtlo. Apaiq raq Daniel ka hangsikong nübok wa, tiikaq mak tiichhiikuqto.”

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

Yoel 2:11

Tatiwe raq asengi kupchi re ma, aho anyi waliishe aming kuq wantlo. Asengi kupchi re raq apaiq aming taitlo. Asengi rewe ra ma hiq ma, kiimaq srea nola ahong ala. Tatiwe ranaiq ngutlaq pinthum phiiptsi chang. Ara khapho rung wa juro mitiichhii lot?

Mikha 1:4

Raüla pum thun kra, simi wakii thun, wa raq jowan tlaq ikha wiita mijam wan, raüta pum heawea jüwii thun ka jüchhang watlaq ikha milüm wan.

NAHUM 1:5

Tatiwe man na pum thun ka, tiikhai banban she riitlo, Ku-akin thun ka, ajam riiwan tlo. Tatiwe chhi raüta, mangjong hiqdiim tiikhai tlo, kriithaq na siti maiqse kunli hanghun wanto.

NAHUM 1:6

Apaiq tsankhiq mokwan raüjaq, juwa michap lot? Atsankhiq wa kewan raüjaq, juwa atra misilot? Apaiq atsankhiq walü raübaiq raüla, longkaü thun akhaki na bunlak mikü wan.

HABAKUK 3:10

Pumjong thun raq ümsham chhito; tiikhai haisongtlo. Pükhaü kham ikha ra wa raüto, Tsaühea mong na tiithaü wanto, Rashe kaü ajaq ra na doto.

HABAKUK 3:6

Apaiq la chapki kiijiila, mangjong hiq rai khü ka, atiikhai banban riitlo. Apaiq raq liisaq riikla, mangjong wa maiqmung thun ka, atiikhai rokrok riitlo. Pattup pat-sa pumkaü thun ka, wiita tiingok wan tlo. Pattup pat-sa ku akin thun ka, wiita tham wantlo. Ara ku akin thun ara richü pat na, apaiq khumshiim chang riito.

MALAKI 3:2

Shatmaq apaiq saükai ranaiq akhing kra juwero minin lot? Apaiq saüki raü jaq, asham ka juro miliilot? Richikhü wabun maq raihi kheathum alum ikha henghea miraq. Kiimaq jinpan ka khiwa na shu raüta jinpü tiikhiim tiiqbaiq tlaq ikha wa na tiike shu raüta mitiiq wan.

Matthew 16:16

Kiijiishe Simon Petar raq treto, “Ümniika atra Shiikeawe Se Messia.”

Matthew 26:63

Shatmaq Jesuq ka kaiqshakli riito. Kiijiishe Ramwe Ajong Pinthum we raq jangshi ri hali, tumkhamkok ka toraütiishe, Jesuq ma hali akha ngutiishe bom ka tiitsa wai nongto, “Ümchaü ngi raq ümniima atra Shiikeawe mang na tumkham kok tolata bom waipha: riikhaqli chong laq. Ümniika Messia dea sha? Ümniika Shiikeawe Se dea sha?”

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

Acts 14:15

“Namshiq raq ara jamlai ngarai wa tangho lan? Naishiq arka namshiq kiikha maiqse siili! Naishiq ka arjaq namshiq ma Tsütsa Ahea tiitaike wa nguta wakai. Namshiq ka ara thiihü sumla phra shomnoq lam phan tlan arwa, atra Shiikeawe ra nai hiq kiimaq sammoktra jü kra phansang wantiwe kiimaq ra nai hiq na phanrap diim tlaq kra tiiqti we Shiikeawe wokhong niishe shang wan tlo ronglaq, nguta tsütsa chongke wa tiina wakai.

TRI CHONGKE 32:4

“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.

TRI CHONGKE 5:26

Maiqse ngusaq maiq ashi raq Shiikeawe ka walütu mong maq apaiq rai riibomtlaq kra taijai she, apaiq ka atra silot tlaq asi sha?

1 Thessalonians 1:9

Tsangshiq wiitarü raq, man na naishiq namshiq ma Tsütsa Ahea chongke wa saü wan kai akhing na, namshiq raq naishiq ka, kai tsapkap lanta tao wan lan irthun ira, ümchaü min tsaki wan ruq li tsaki tlo. Kiimaq namshiq ka amaa sumla phra noq lanta, sitlan shaqmii rilung lamphan wa, atra kiimaq riikhaqli Shiikeawe rilung lamshe phan wan lan. Kiimaq apaiq puk na nyap lan. Kriithun ka tsangshiq raq ümchaü min chongruq li chong tlo.

1 Timothy 1:17

Riita, ümchaü min, pattup Hokham we, atsai tsai mak phan we, kiimaq makhia maq chhilot mai we, apaiq kli riikhaqli Shiikeawe nguta sitlaq, Shiikeawe kli maiqse angu tarü raq mishreng laq. Kiimaq apaiq achhai anyii khushü ngao ka pattup thum mak miq mak misi laq! Amen.

1 Timothy 6:17

Juwa mangjong han-ngam rilung na chiithe sitlaq, kriiti ka naq shiikong rongkiq nguta tsii chongkuq laq. Shatmaq, tsangshiq tsan ka, ara athenkai chang phan tsiiq nai nyam thaq niika naq ran rongkiq, nguta chongkuq laq. Shatmaq, nashiq ma arong awin maq siwan miitu, phanrap nashiq ma raa tlaq phan ka phong tsoktsok keti we, Shiikeawe ma kam ronglaq nguta chongkuq laq.

Hebrews 10:31

Riita, arthun ara ningkhan, atra Shiikeawe jaqkhon mong na dea wa ngutlaq kriika, pinthum haisi chang!

JOSHUA 3:10

Namshiq ka jamkho Kanan mung na nyap wan wan, milong wan han, Tatiwe apaiq raq, Kanannok, Hitaiqnok, Hiwaiqnok, Perijaiqnok, Girgashaiqnok, Amoraiqnok, kiimaq Jebusaiqnok thun kra wiita thumthum mijobaiq. Raüta, namshiq raq atra Shiikeawe ka namshiq rai nguta misap wan han.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.

PHOWEBI 5:4

Tatiwe lei ümnaq Seir pum maq, sat wan laü akhing na, ümnaq Edom mung maq dong wan laü akhing na, hiq ka atiikhai banban riito, kiimaq ra wa rajun düthaü raüto. Tengto, phum mong wa kham raüto.

1 SAMUEL 17:26

Kiijiishe Dawit raq, apaiq tho na chaptibi kriima waito, “Riita ara Philistainwe ara tsat raüta, Israilnok ma shummii kharii tiihotlaq kriiwa tiichhii kewantiwe ma jamlai poksi jiq mikuq ngukai? Riita atra Shiikeawe phenlabi Israilnok ka jimaq nishishi raüta shummiitiwe ara thatsangti Philistainwe arka ju wa?”

1 SAMUEL 17:36

Ngi raq hangsi thun nai chapbi thun tsatbaiq kang. Krai mren sii hali, ara thatsang borii waitiwe Philistainwekaü armin, atra Shiikeawe phenlabi shummiitiwe armin kiikhiisii mitsatbaiqha.