JEPHANIA 3:8 - ASII LAKDAP Bible (BSI)

⁸ “Kherong liishaq” nguta Tatiwe raq ngutlo, “Khe ronglaq ngi raq maiqmung thun, shrawan akhing ranaiq kra miitu. Ngi raq maiqmung thun nai mungtan thun kra, adam na riichom wan miitu, itsan na thapthi wan kang she. Kriika tsangshiq ma itsankhiq walü nyaitlaq, kra heng kriimaq tiike wan miitu. Mangjong hiqhraikhü tlotli ka, tsangshiq wa maq chaq lata, wiita mitiikhiim baiqha.

Hawa Naga Bible 2001

⁸ Yehowa rueq, “Bvmc wuez shuinz,” ngoz tueq. “Miqphvnx htenc muex mvrax kuy tvkoc ngaz kvtenc kaz wvnc taungx raungnuiyq nuex httuiuc laz ngaz kuex bvmc kuit; miqphvnx htenc nuiyc hokhvmx mungtan htenc muex ngvy thuinkhvy kuex tsuingshiq rvhumc tvkoc tsuingshiq kuex tvtuimx muex ngoz tueq ngaz rueq htvp htaz tauk. Ghaq wvtaungx kuex ngvy thuinkhvy wvr rueq tvbac khamc gay rvhumc tuex.

JEPHANIA 3:8 Referencias Cruzadas

Tvtsvmc 12:5

“Shatmaq ümchaü ka ngi she mikiha,” nguta Tatiwe raq ngutlo, “Jamkhano ngukla tsangshiq raq jehin norebi ka haihiitlo, kiimaq tsangshiq raq tiichamchaotlaq thun ka atsitsi ma hoqtrangtlo. Tsangshiq raq tsantsi mongtsi atiikhup wongketi rittlaq kra ngi raq mikuqha.”

Tvtsvmc 123:2

Ajaqshi se raq atijongwe jaq liitlaq ikha, ajaqshi se jechakse raq atijong nyung jaq liitlaq ikha; naishiq riimin ümjaq miliihai, Tati naishiq Shiikeawe lei, ümniiraq naishiq ma tiihang mangchan mitiichhikuq haüshaq wiiwii.

Tvtsvmc 27:14

Tatiwe miili kamlaq. Kamtsantsiili thülaq, tsaiji naq trankiq. Tatiwe miili kamlaq!

Tvtsvmc 37:34

Ümranphan ka Tatiwe ma thülaq kiimaq apaiq aming thun ka langlaq; apaiq raq ümniima mung ka kuq raüta mishreng wan, kiimaq ümniiraq abi klotibi ka ajobaiq wan michhi haü.

Tvtsvmc 37:7

Tsankhun maq khelaq laüta Tatiwe ma jaq ka tiishamlaq; juwa chiithe lüwa jarai wantlaq kra chhilaüta naq chaparaikiq riimakla jurwa abi kiimung raüta ongraitlaq kra miitu naq chapakiq.

Tvtsvmc 62:1

Ngi raq tsan tiibum lata Shiikeawe raq mitiichhiikuq dongdii nguta khekang; ngi ka apaiq miili tlamtiikang.

Tvtsvmc 62:5

Ngi ka Shiikeawe dü niili tiinintiikang; ngi ka apaiq miili rantiikang.

Tvtsvmc 79:5

Tatiwe, ümniika naishiq ma pattup khiqruqli shea mikhiq haü? Ümtsankhiq ka walü ikha nyairuqli shea minyai?

Tvtsvmc 79:6

Ümtsankhiq ka ümnaq shomnoq mak pongmungti thun thaq na tiisaülaq, ümjaq wa achu jaü maknok thaq na phong chaqlaq.

TAKSU LAK 20:22

Ashut kiimung ka, ashut maq naqsongkiq. Tatiwe ma kamlaq; apaiq riitiq miphokuq.

ASHICHONG 8:6

Ümtsantsii maiq ahin ma naqkuq kiq, kilü wiita ashaq riilaq, Ngi arli she ümkhuk na pom wantlii riilaq. Ümlungwii tsamkü walü ikha, ümnaq ro raq ngi ka ahaüshe ahata, Arka tsekhi wacha kü tsi ikha, walü wa heng hea.

ISAIA 14:26

Arka Ngi raq mangjong tlotli miitu mungpeng jaqsham sürii wan tiikang. Ümchaü ijaq phum ka ra na doshat maq mangjong hiq wa maiq mung thun ma imo tiiho wan miitu she tiije tiikang.”

ISAIA 30:18

Li jiimin, Tatiwe riika namshiq ma tiihangkuq wan ruq roli miraq. Apaiq riika namshiq ma mangchan tiichhikeli sitlo. Jamkhano ngukla apaiq riika wranaiqtek tingting kli klotlo. Kechu jonghea jurwa Tatiwe miili kamtsantsii thütlaq.

ISAIA 34:2

Tatiwe ka maiq mung kunli ma kiimaq tsangshiq phenlabi thun tlotli ma atsankhiq. Apaiq raq tsangshiq ka tiishaübaiqto she. Raüta chongthum tiijabaiq miitu kha tanto she.

ISAIA 63:6

Itsankhiq tsi ma, Ngi raq maiq mung thun ka tlotli ji maq nishishi nibaiq kang. Lata tsang mung thun ka bunlak buncha tiibunbaiq kang. Lata Ngi raq tsangshiq tiijai ka hiq na kham ikha raübaiq kang.”

JEREMIA 10:25

Ümtsankhiq ka pongmungti thun ümnaq shomnoq makti thaq na raübaiqlaq. Kiimaq ümnaq shishetinok khuthaq na raükuqlaq. Tsangshiq raq ümsenginok tsatbaiqto; Tsangshiq raq naishiq tiinamtok tiithenbaiqto, raüta naimung ka botkhulai rai shotbaiqto.

Hosea 12:6

Riita ümchaü min Jakob saüsetiim lei, Apaiq puk na nyap wan nong ronglaq. Lanta apaiq ma kamtsantsii thü ronglaq. Apaiq ka namshiq Shiikeawe. Lanta apaiq ka tsapkapkap miishe shomnoq ronglaq. Lanta tsankhun tsanmin maq, Shiikeawe ma namshiq rilung lam ka, tiishunshea lantea siwan ronglaq.

Yoel 3:2

Kra akhing na ngi raq mangjong hiq na siti maiqmung thun wiita, khapho chang hiqthung tan na mitriitam ha. Kra khapho chang tan kiimaq, tsangshiq raq isengi israilnok, tiichamchao wantaq kra kha mipho ha. Tsangshiq raq isengi israilnok ka, mungrap mungrii na tiipin jobaiq wanto. Raüta tsangshiq raq ihiq ira Israil mung ka, tsangshiq liipan wiita chumtap riiphea wanto.

Mikha 7:7

Shatmaq, ngi kla, Tatiwe kli khetiikang. Ngi ka kamto maq Shiikeawe raq, mitiichhii kuq wan dongdii nguta asapha. I Shiikeawe raq ngi achu jaü mitre kuq.

HABAKUK 2:3

Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.

JEPHANIA 1:18

Tatiwe raq apaiq tsankhiq tiichhi tlaq akhing na, tsangshiq chaq nai kampho riimin, tsangshiq tiiwongkuq lot mak miraq. Apaiq tsankhiq wa raq, mangjong hiq raikhü ka, wiita wa raq mikhiimbaiq. Apaiq raq mungmaiqse wiita, tiihanghiiq miili mitiithumbaiq, mangjong hiq na siti wiita mitiithumbaiq.

HAGAI 2:22

Lata, pongmung hokham mungtan ningkun nai hokham ngacho thun ka wiita ümklao baiqha. Ngi raq tsangshiq kumrang leng thun wiita ümklao kap baiqha. Kiimaq leng jiiqti thun ka tsangshiq nai tsangshiq lishe jaq ma mirjiip.

Matthew 25:32

kra akhing na mangjong maiqse angu kunli kra triichom raüta, apaiq man niishe mitiinga. Kra akhing na apaiq raq mangjong maiqse ka sku rümti we raq skukong ka chhechhi kong phong mong wa pong na triiphea tsea tlaq ikha phea nai na mitiikho baiq.

2 Peter 3:10

Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.

Revelation 16:1

Kiijiishe, ngi raq, shomjam mong maq rasetiim miishi ma, tiihong raüta akha riimto taikang: “Kirong laq. Lanta, Shiikeawe tsankhiq winpin miishi kra mangjong hiq niishe raübaiq kirong kiq!”

Revelation 16:14

Tsangshiq arka abi winji, awang chang jaqshamti. Ara abi winji atsam arka mangjong hiq hupli na kihoto. Raüta mangjong hiq na hokham bi thun ka adam na triitam raüta Phangthum Khapho Ajong Ranaiq na riikhat wan miitu she tiije ho tlo.