JEPHANIA 2:13 - ASII LAKDAP Bible (BSI)

¹³ Tatiwe raq apaiq ningkun, jonghea rümtlaq kiimaq, Asiria mung ka mijiip baiq. Apaiq raq Ninewi chela ka, shaqmii shinriiq kumtsaiphii ma mitiijabaiq; khu akham min ahü hiq ma mitiijabaiq.

Hawa Naga Bible 2001

¹³ Yehowa rueq Asiria mungtan kuex tvbac gay muex vpiq luimc vkawc kuex shuimx shuex. Vpiq rueq Ninewe ghaqyungx kuex yuix vguez kumtsvy tvnx ikhoc miq hvmc tvlanc httak tvbac gay shuex.

JEPHANIA 2:13 Referencias Cruzadas

ISAIA 10:12

Shatmaq Tatiwe raq ngutlo, “Ngi raq Jajon Pum na nai Jerusalem na jamlai jaq wa shamtiikang arshe lotha jiila, Ngi raq Asiria mungwa ajong hokhamwe ma, apaiq ümtinkhanwa jaqrap jirap phephiiqtlaq kiimaq kai shiikongtlaq kra miitu imo mitiihoha.”

ISAIA 10:16

Ajong Pinthum Tatiwe raq tha tiidong raüta ümchaü wok phetaktak siti kiima mo mitiiho. Tsangshiq khum na wa raq khiim wan tlaq ikha khiim wan ruq mikhiim.

ISAIA 10:5

Tatiwe raq nguto, “Asiria ka! Ngi raq Asiria ka riiwung ma tiijatiikang. Lata ju khuthaq niiwa itsankhiq sitlaq, kriiti ma mo tiiho buk tiikang.

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 14:26

Arka Ngi raq mangjong tlotli miitu mungpeng jaqsham sürii wan tiikang. Ümchaü ijaq phum ka ra na doshat maq mangjong hiq wa maiq mung thun ma imo tiiho wan miitu she tiije tiikang.”

ISAIA 37:37

Kiijiishe Asiria hokham ajongwe Sennacherib raq Jerusalem ka khat mak she, tei thüto. Raüta apaiq ka Ninewi chela niishe jang wanto.

JEREMIA 49:33

Hajor ka Ngi raq pattup miitu botkhulai rai mishot baiqha. Kiijaq miika koi kongli she misi, maiq ka siwa mak she miraq. Arka Ngi, Tatiwe raq toqtan tiikang.”

Jona 1:2

“Ninewi chela jong kiina kilaq. Laüta tsangshiq raq ümtinkhan wa abi ngarai tangwan tlaq ka chongkuq kikiq. Tsangshiq raq ngarai klotlaq kra ini na amashe riiwanto.”

Jona 3:2

Apaiq thaüto, “Tiidolaq, laüta Ninewi chelajong kiina walaq. Laüta ngi raq chongkang traho bomtsi kra chii riimho riimho chongkuq wakiq.”

Mikha 5:6

Ningkun ajong maq tsangshiq raq Asiria mung ka mijii wan. Nimrod mung tan ka mitang wan. Kiimaq Asiria mung raq namung khatki tlaq kiiwa, nashiq mitiichhii kuq wan.

NAHUM 1:1

Arka Ninewi chela miitu Elkosh hiqti shammiwe Nahum ma atiichhi kuq riisham bomchong.

NAHUM 3:15

Ümniiraq ümtinkhan li, hongla rai haü min, ümniika wa raq mikhiim baiq, kiimaq re raq mitsat baiq. Ümniika kuprii raq tsam phaq tlaq ikha, ja raq miphaq baiq. Ümniika kuprii longrai tlaq ikha, purai tlaü!

NAHUM 3:7

Ümsham chhiti wiita maklii jai na mijiiq, tsangshiq raq mingu, ‘Ninewi chela thento she! Apaiq ma tsaiji doketi juwa?’”

JEPHANIA 1:4

“Ngi raq Jerusalemti ma mo mitiihoha. Kiimaq Juda mungti tlotli. Kiiwa Baal phra shomnoq chang thun kra, wiita hiq maq hutse mitiithenbaiqha. Kiimaq apaiq shomnoqti, thatsang maiqse ramwebi mang, jurmin tiitsang mak she miraq.