JEKERIA 8:3 - ASII LAKDAP Bible (BSI)

³ Arningkhan ngi ka Jajon na hali mijangki nongha. Lata asii Jerusalem na misiki nong ha. Kra chela ka tsapkapkap chela nguta mingu. Kiimaq Tati Ningkun Ajong Pinthumwe asii pum nguta mimang wan.

Hawa Naga Bible 2001

³ Ngvy vsawc ghaqyungx Yerusalem nuex yek waung vtueq kvyuq httax taungx. Kvruex ghaqyungx kuex tvmtuing vhttax ghaq muex yaungx wvnc vtueq Tvphaungc Tvsuip Yehowa ghaqluimx kuex vsawc ghaqluimx ngoz tueq ngoz shuex.

JEKERIA 8:3 Referencias Cruzadas

Tvtsvmc 2:6

“Jajon kin, ngi ma asii kin na ngi raq ihokhamwe ka shongkang,” nguta apaiq raq ngutlo.

Tvtsvmc 48:1

Tatiwe ka ajong kiimaq apaiq ka pinthum shreng chang nashiq Shiikeawe chela na, apaiq asii hiq lampo na.

DUNGWVNC 29:45

Ngi ka Israilnok phong na misi damha. Kiimaq Ngi ka tsangshiq Shiikeawe ma mirha.

ISAIA 1:21

Kra chela ka man na tsapsaükapse maq siti riito. Shatmaq ümchaü sanha mephe nyung ikhiishe sitlo! Akhing ashi na kra chela na siti kechu maiqse tonglong riito. Shatmaq ümchaü ka maiqtseati matwe tsawe tonglongli she sitlo.

ISAIA 1:26

Ngi raq ümniima ümmung pengti tuwe jongbi nai ümniima taksu tsü chongketi ka, man na rathup raphaji na ümniiraq jamkho riimwan laü kiikha hali mishong kuq wan nongkang. Kiijiishetiq Jerusalem ka kechu chela kiimaq tsapsaü kapse chela nguta mingu wan.”

ISAIA 11:9

Jajon na, Shiikeawe asii hiq lam na, kiijaq maiqhaisong chang jamlai min ahü she miraq, kiimaq abi ati phan jam min ahüshe miraq. Kra mung ka khamjong chum ka kham raq matlaq ikha Tati saptsin phaqchi riili ama aliim alei miraq.

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

ISAIA 32:16

Armung na barapse na kechu jaqsham kaiwa kli she misham wan. Kiimaq tingting kappe sham raüta tri ka milang wan.

ISAIA 60:14

Ümnaq ji maq nishi haihiiti setiim thun misaü wan, Raüta ümji chong na bum raüta ümnaq mishreng. Man na akhing ashi na ümnaq saisiti raq ümjichong maq ümnaq mishomnoq, Tsangshiq raq ümniika, ‘Tatiwe chela’ nguta mingu, ‘Jajon ka, Israilnok asii Shiikeawe chela’ nguta mingu.

ISAIA 65:25

Shekong nai skuse aransetiim ka adam na hai raüta sangphii miphaq. Hangsikong riimin minsaü kong raq phaqtlaq ikha tsamkü shin miphaq. Kiimaq paüsang nyiqla kong miimin ahai chang ka ahü she miraq. Jajon chela na, ngi asii hiqlam na, kiijaq maiqse ma ahai song chang phan ka ahü she miraq. Kiimaq abi ati phan ka ahü she miraq.”

ISAIA 66:20

Tsangshiq raq namshiqnok ka kunli pongmung thun wa Ngi ma kongphiq akuqho ikha tsuq wan raüta, nam mung na mishea wan. Tsangshiq raq tsangshiq ka Ngi raq asii hiqlam Jerusalem na riimtiikang kriijaq kumrang kong thaq na ngaraq raq, kumtoq kong thaq na ngaraq raq, kiimaq kumtsong kong thaq na ngaraq raq, kiimaq kumrang leng thaq na ngaraq raq kiimaq minsaü leng thaq na ngaraq raq mitsuq wan. Israilnok raq wong-honglu thun ka lairap thüchang hupsam ka asii mong na thü raüta Shomjam na kuq wan tlaq ikha mikuq wan.

ISAIA 8:18

Ngi ka arjaq Tati raq ngi ma akuq asetiim rai sitiikang. Ajong Pinthum Tatiwe raq, apaiq ngachang hokham ngacho ka Jajon Pum na sitlaq kriiwe raq, nashiq ka atra tsütsa bomtsi raütu setiim ikha Israilnok mung miitu tiikito.

JEREMIA 14:9

Jam nguto ümniika maiqwe ashi tiihanghiiq maq atiihangrat ikha jam nguto jaki laü? phenla weshi ningkun ahü maiq khrum kuqlot mak ikha jam nguto jaki laü? Tengteng, Tatiwe lei, ümniika naishiq rai asi! Naishiq ka ümsenginok; naishiq ka naqbaiqthükiq.’”

JEREMIA 26:18

“Man na Hejekia raq Juda mung na hokham jataq akhing na, Moresheth hiqti shammiwe Mika raq mungmaiqse tlotli ma Tati Ningkun Ajongwe raq jamlai wa ngutaq kra akha chongto, ‘Jajon chela ka wak thutlaq ikha mithubaiq, Jerusalem ka jamriim phong li she miraq, kiimaq Shomjam haichang jamkhii ka rumtang pero ma mijaki.’

JEREMIA 31:23

Tati Ningkun Ajongwe, Israilnok Shiikeawe raq ngutlo, “Ümtiikiiwa Ngi raq mungmaiqse tsangmung niishe mitiishong wanha, tsangshiq raq Juda mung maq nai Juda mung na chela thun kiimaq akha mingu, ‘Tatiwe raq asii Jerusalem hiq lam ka mishman kuq laq, apaiq sichang asii hiqshong ba kra.’

JEREMIA 33:16

Juda mungti nai Jerusalem chelati ka mitiichhii kuq wan. Raüta tsangshiq ka khusang rakhang maq mishong nga wan. Chela mang ka, ‘Tatiwe ka Nashiq kechu,’ nguta mingu.

EJEKIEL 48:35

Chela trotam na siimblai ri wa kiitelong peruk ka alu nü na tlotli mitar hingtiikaü. Kiimaq chela mang ka ümchaü armiishe, “Tatiwe-KA-ARJAQ ASI!” nguta miraq.

DANIEL 9:16

Ümniiraq man na naishiq tiikhup wongkuq wan laü. Krai mren, ümchaü min Jerusalemti ma ümtsan ka naq tiikhiq kiq she. Kriika ümchela, ümnaq asii hiqlam. Naimung tro na siti mung ahinti tlotli raq, Jerusalem nai ümsenginok ka shummii laqpii she saisitlo. Arka naishiq ngarai khana kiimaq naititiim raq abi ashut klo wantaq kriikha na shummiitlo.

Yoel 3:17

Riita namshiq raq ngi dea, Tati namshiq Shiikeawe ka, asii Jajon hiqlam pumkhu thaq na sitiikang nguta sap ronglaq. Jerusalem chela ka asii chela she mija wan. Pongmungti raq kra chela ka niwamak she miraq.

Mikha 4:1

Rawii shiqwii Tatiwe Shomjam khü hiqlam ka ku akin tarü thaq na, diilu pinthum miraq. Maiqphan pahea wa raüta kra pum na mirtam wan.

JEPHANIA 3:13

Tiichongtaq Israilnok raq, jumiimin ajiq kiimung mak she miraq. Arot min chong mak she miraq. Kiimaq lapphaq lusiq lule tsii, thü mak she miraq. Tsangshiq ka arong awin she miraq. Kiimaq jurmin tiitsüngii mak she miraq. Ahaisong chang min ahü she miraq.”

JEKERIA 1:16

Arkha niishe, ngi ka Jerusalem na imangchan tiichhikekai she saüki kang. I Shomjam ka atiihea mihai nong. Kiimaq Jerusalem kiimin, atiihea mihai nong,” nguta Tatiwe raq chongto.

JEKERIA 12:6

“Kra akhing na, ngi raq Juda mungti ka ralii na peshin arongchaq ikha, kiimaq tsamkü rü wa maq achaq ikha trotam na siti maiqmung thun ka wiita mitiikhiimbaiqha. Jerusalem chelati ka chela mong na hansang miraq.

JEKERIA 14:10

Kra mung tlotli ka shekhu nü na Geba hiqshong maq phaho, raüta shemai nü ka Rimmon hiqshong na saüli, hiq thung miishe miitiija baiq. Jerusalem ka kra tro na maiqhiq thun thaq na diilu hiqlam miishe mija. Chela jonglu ka Benjamin Kilamchong maq phawan raüta, man na kongkhu na kilamchong asi dongdii riitaq, kriiba kiijaq saüli she miraq. Kiimaq riita Hananel kongmong chong ba kiina saüli raüta, hokhamwe spiqtsitai tiikitchang longtham ba kiijaq saüli she miraq.

JEKERIA 8:16

Ümchaü namshiq raq arthun arshe klo ronglaq: Weshi raq weshi ma tengteng bomtsi chong ronglaq. Rung na khapho tingting kiimaq riikhaqli maq pho ronglaq. Maiqse ma tsan heali chang phokuq ronglaq.

JEKERIA 8:19

Juda mungti raq jipi lüblai ngoja, jipi lübiingi ngoja, jipi lümiishi ngoja kiimaq jipi lüroqshi ngoja na amang maq achu jaü wan tlaq kra, Juda mungti ma chojong chise nai khoqriiq shishiiq maq poi klo miishe mija. Arningkhan namshiq raq tingting lam nai hansang lam kli lungwii ratlo.

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

John 14:23

Kiijiishe, Jesuq raq apaiq bom ka treto, “Jurwa ngi lungwii tlaq, kriiti ka i wokhong na, i bom chong ka phaqchii nichii maq tai raüta misi. I We raq apaiq ka kai milungwii. Kiimaq, i We nainai ka kilaita, apaiq rai adam na misi hai.

2 Corinthians 6:16

Shiikeawe asii shomjam ka thawe makchuk jam rai apong dam chang lamlu min asi sha? Nashiq ka atra Shiikeawe sichang shomjam ahata! Shiikeawe raq akha chongto: “Ngi raq I jamjong ka I sengi rai mihai ha, Lata tsangshiq rai misiha, ngi ka tsangshiq Shiikeawe ma mijaha; kiimaq tsangshiq ka I sengi miraq.”

Colossians 2:9

Ara jamkhano chongtiikang ngukla, Khristo ka maiqse han-ngam khum na pokitaq kiijaq, ara han-ngam khum na Shiikeawe asii rilung rong arai nai apaiq asii phara ka, Shiikeawe apaiq khum na jamkho sitlaq, kiikha kunli asi.

Revelation 21:10

Asii Wenyi raq ngi ka rom wanto. Raüta rase raq ngi ka pum ashi diiluhea langlang thaq niishe shea wanto. Apaiq raq ngi ma Asii Chela Jerusalem ka ramungtan wa Shiikeawe pha wa akai rai kra tiichhi kuqto.

Revelation 21:27

Ashe ashi ngarai thun ka ara chela na tiinyap mak she miraq. Kiimaq, jurwa jeasi chang sham tlaq kiimaq jurwa arot akiq chong tlaq, kriiti thun ka ara chela na walot mak she. Ju mang wa Skuse atra rilung lakdap na waiqje asi, kriiti thun kli she ara chela mong na miwa lot.

Revelation 21:3

Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.