JEKERIA 2:6 - ASII LAKDAP Bible (BSI)

^6-7 Tatiwe raq asenginok ma, “Ngi raq namshiq ka barap na tiipin jobaiq kang. Shatmaq ümchaü namshiq munglu shumwi kong ka Bebilon wa chiimjin hotlo ronglaq, lanta Jerusalem na jangho ronglaq.

Hawa Naga Bible 2001

^6-7 Yehowa rueq vpiq miqsaz htenc muex, “Ngaz rueq nuimshiq kuex baung ruip saz nuex tvpanc nyanc gay phaungx. Yuq muinz majuiuc vthuq wvnc rvhumc jix hez lex, Babelon mungx wawc yuz wvnc vtueq Yerusalem nuex yek waung luit.

JEKERIA 2:6 Referencias Cruzadas

RAPHA HIQWA LAK 19:17

Raütiishe rase ashi raq thaüto, “Namchiim jintlo ronglaq! Jai nü na naqlii rongkiq. Kiimaq ara hiq thung tan na naq khing rongkiq. Kin thun kiina jutlo ronglaq. Kra haütiq namshiq khum ka mitiichhiilot han.”

Tvtsvmc 44:2

Ümniiraq thatsang maiqse thun ka jamkho jobaiq wan laü, laüta ümsenginok ka tsangshiq hiqshong na jamkho tiishong nga wan laü; kiimaq ümniiraq maiq mung ahin thun ka jamkho tiithenbaiqlaü laüta ümsenginok ka trong win wan laü kra chongtlo.

ISAIA 48:20

Bebilon mung wa wawantlo ronglaq, wase ma jalanta wawan ronglaq! Arü ariiq chochikhiq tsütsa ka tiitai ronglaq! Tsütsa ka barapse na tiitai ronglaq: “Tatiwe raq ajaqshi se Israil chhiikuqto she!”

ISAIA 55:1

Tatiwe raq ngutlo, “Warong ra, loweatek khamnyangtsiti— arjaq kham asi! Warong ra, namshiq kampho ahüt— püwong ka ri lantea phaq ronglaq! Warong ra! spiqtai nai minsaü pü ka rilanta nyang ronglaq— namshiq ma rihü maq kuqtlo!

JEREMIA 1:14

Apaiq raq ngi ma nguto, “Armung na siti maiqse tlotli khuthaq na athen wan lamlu khamtak phomtlaq kriika ka shekhu nü mung kiiniiwa misaü.

JEREMIA 15:4

Ngi raq mangjong maiqse tlotli ka tsangshiq miq wantaq kra chhi raüta phiip ma mitiitsaiha, jamkhano ngukla Hejekia se Manase raq apaiq raq Juda mung hokham jawantaq akhing na Jerusalem maq jamlai wa abi klo wantaq, kra kha na, Ngi raq ara klo wan tiikang.”

JEREMIA 3:18

Israil kiimin Juda rai adam na pong wan raütiishe tsangnai ka kongshi miishe shekhu nü mung na munglu shumwi asiwa kiiwa miki raüta, ngi raq namtitiim ma pattup pat-sa miitu tachong hupsam ma akuqha mungtan kiijiishe mijang wan.”

JEREMIA 31:10

Tatiwe raq ngutlo, “Maiq mung thun lei ibom tai rong laq, lanta ibomtsi ka khamjong chumkii thun luhea na, chiiriim lanta chongkuq ronglaq. Ngi raq isenginok ka pongmung na nyinbaiq kang; shatmaq Ngi raq tsangshiq ka mirchom wanha, lata sku riimti raq skukong riimtlaq ikha mikhebomha.

JEREMIA 31:38

“Akhing saü wantlo,” nguta Tatiwe raq ngutlo, “Kra akhing na, Jerusalem ka tlotli she mitiiheahai, Hananel Kongmong Chong maq pha wan raüta Kheshok Kilamchong na saüli.

JEREMIA 31:8

Ngi raq tsangshiq ka sheqkhu nü mung wa mitsuq wanha, kiimaq tsangshiq ka ratho hiqrai rarai wa mitsuq wanha. Makchukti thun kiimaq akü ashii kong thun tsangshiq rai miwadam, wiise nyung kong kiimaq ase chiiho nam namti thun min miwadam. Tsangshiq ka mung jonghea pinthum she mijang wan.

JEREMIA 50:8

“Israilnok lei, Bebilon mung wa jutlo ronglaq! Kra mung ka baiqthütlo ronglaq! Namshiq ka laü wan phati ma jarong laq!

JEREMIA 51:45

Israilnok lei, kriiwa jutlo ronglaq! Lanta namshiq ka itsankhiq walü nyaitlaq kriiwa namchiim jintlo ronglaq.

JEREMIA 51:50

Tatiwe raq asenginok Bebilon mung na siti ma chongtlo: “Namshiq ka atsai maakho wa lun lan! Ümchaü ka warong liishe! Naq khe rongkiq! Namshiq ka maiqmii mung maq luhea na sitlan. Li jiimin Ngi, namshiq Tatiwe arshe tiima ronglaq. Kiimaq Jerusalem kra tsan na tiima ronglaq.

JEREMIA 51:6

Bebilon mung wa namchiim jin jutlo ronglaq! Bebilon mungti ngarai tiikho na dealanta naq tsai rongkiq. Ngi raq ümchaü iphuk lam tiikang. Lata apaiq ngarai tok na shin lata tiicham chao tiikang.

EJEKIEL 11:16

“Riita ümchaü ümniiraq ümnok ümta munglu shumwi sitlaqti kiima Ngi raq jamlai wa chongtiikang ara chongkuqlaq. Ngi ahata tsangshiq ka pongmung thun luhea na siwa rongkiq nguta tiiwabaiqtiwe. Kiimaq maiq mung ahin thun na nyinbaiq wanti. Li jiimin Ngi ka jaqlo miitu tsangshiq rai adam kra mung thun na sitiikang.

EJEKIEL 17:21

Asengi phenlabi ahea pinthum thun ka re na mitsai kiimaq aso atiichong ka wiita barap binrii na mitiipin baiq. Kiijiishetiq ümniiraq arka, Ngi, Tatiwe riidea toqtan kang nguta misap haü.”

EJEKIEL 5:10

Kra chamchao tsi akhing na, Jerusalemti nyungwere raq asetiim ngam kra miphaq. Kiimaq asetiim raq anyungwe ngam kriishe miphaq. Ngi raq ümniima mo mitiihoha. Kiimaq aso atra tiichongtlaq thun ka barap binrii na pong mung thun kiina wiita miwan baiqha.

EJEKIEL 5:12

Ümsengi mantsam wa, manshi rii ka chela mong na thadong raüta nai ramdong raüta mijiim. Kiimahali mantsam kiiwa manshi ka re raq chela kinphai na mijiipbaiq. Kiimaq mantsam kiiwa atiithum manshi rii kriika, Ngi raq rahai ma mitiipanbaiqha. Kiimaq tsangshiq ka re ma tiijo lata mitiijiip baiqha.

DANIEL 11:4

Shatmaq apaiq mungtan ka pinthum ajong alu, ahong ala siwan tlaq bala, apaiq mungtan ajong ka mungtan blai miishe mitiikhoki. Raüta kra mungtan blai hokhambi ka apaiq lai ala phan riimak, maiq pongphanti raq mung ka misiq wan. Shatmaq tsangshiq ningkun ka apaiq ningkun jong khan ka riimak miraq.

AMO LUIK DVP (AMOS) 9:9

“Liironglaq, ngi raq aming kuq tiikang, Ngi raq Israilnok ka tsamchhii chiipbaiq tlaq ikha, wiita pongmung tlotli na michiipbaiq ha. Wankhü na awongsii ka tsishi min tiichong mak, achhii siisaq miraq. Raüta miqchup mijiip baiq wan.

JEKERIA 1:16

Arkha niishe, ngi ka Jerusalem na imangchan tiichhikekai she saüki kang. I Shomjam ka atiihea mihai nong. Kiimaq Jerusalem kiimin, atiihea mihai nong,” nguta Tatiwe raq chongto.

Matthew 24:31

Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”

Mark 13:27

Kra akhing na apaiq raq rasetiim ka tiiki raüta mangjong hiq barap se na siti Shiikeawe raq atsea wan maiqse angu thun wiita kra mirchom hea wan.”

TRI CHONGKE 28:64

“Tatiwe raq ümniika mangjong hiq raikhü na, maiq mung thun kiijaq wiita na miwan baiq wan. Mangjong hiq raikhü na siimko maq riita siimko na saüli miwan baiq wan. Kiimaq kiijaq ümniiraq pe maq ahai nai long maq ahai sumla phra thun kra, ümniiraq maiqmii riimin sap maü kiimaq ümtitiim riimin sap mak sumla phra kong kriishe mishomnoq wan haü.

Revelation 18:4

Kiijiishe, ngi raq ramungtan wa maiq bom ashi akha tai nong kang: “I sengi lei, chiimjin ronglaq, apaiq ngarai thiikho na dea jiiq, apaiq chamchao wakhiim kaq jiiq.

RUTHA 4:1

Bowaj ka ngongthun chang ba chela kilam chong tho kiijaq ngaho lito. Kiijiishe Elimelekh ma ajamti, amak shaqwe ashi asi nguta Bowaj raq Rut ma chongkuqtiiwe kriishe saühoto. Kriiwe saüho kiitiishe, “Phunowe, arjaq nga laq,” nguta Bowaj raq aphunowe kra heato. Krai mren, kriiwe kiimin wa raüta kiijaq ngawa damto.