James 5:8 - ASII LAKDAP Bible (BSI)

⁸ Kra niq riri sii hali, namshiq riimin la, tsankhun maq, nin wan ruq maq khe chang li. Tatiwe ka misaüki dongdii. Apaiq saükai jipi rahiq hong wan miika ajeje lishe. Kriikha maq, apaiq saükai khe kamto maq si rong laq. Atheingei ka naq theingei rongkiq. Namshiq tsaiji ka naq tran rongkiq.

Hawa Naga Bible 2001

⁸ Nuimshiq muinz kvkhoc nanx vtueq bvmc wuez shuinz. Nuimshiq rueq tvluimc vshuinx lvmz kuex tv-phaungx wuez shuinz, yvmx khoc lac ngoz ruiux lec Taungjix httuiuc kay raungnuiyq kuex vnyek shex.

Muklom

⁸ Nim aa tho thanan shing inn etho nim tin na daqhan tungmang shing inn, chammatakoi Teyhungwa thok saal sha arelna.

James 5:8 Referencias Cruzadas

RAPHA HIQWA LAK 49:18

“Tatiwe lei, ngi ka ümniiraq tiichhii wan khe tiikang.

Tvtsvmc 130:5

Ngi ka Tatiwe khrum lap ma maklii khamthii khesiqtiikang, kiimaq apaiq bomtsi ma kamtiikang.

Tvtsvmc 27:14

Tatiwe miili kamlaq. Kamtsantsiili thülaq, tsaiji naq trankiq. Tatiwe miili kamlaq!

Tvtsvmc 37:7

Tsankhun maq khelaq laüta Tatiwe ma jaq ka tiishamlaq; juwa chiithe lüwa jarai wantlaq kra chhilaüta naq chaparaikiq riimakla jurwa abi kiimung raüta ongraitlaq kra miitu naq chapakiq.

EJEKIEL 7:12

Akhing ka saü wantlo she. Ari athii asha ata piikii ka jam achu min ahü she miraq. Jamkhano ngukla Shiikeawe sintsang moho wan ka tarü ma pili chhaq maq misaü wan.

Mikha 7:7

Shatmaq, ngi kla, Tatiwe kli khetiikang. Ngi ka kamto maq Shiikeawe raq, mitiichhii kuq wan dongdii nguta asapha. I Shiikeawe raq ngi achu jaü mitre kuq.

HABAKUK 2:3

Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.

Luke 21:19

Namshiq jaqkhon ka naq tiihiim rongkiq. Pharang rang maq chap wan ruq li si rong laq. Kra riihan jiila, namshiq raq riikhaqli maiqmii rilung kra milap wan han.”

John 21:22

Kiijiishe, Jesuq raq, “Ngi raq apaiq ka, ngi saükai akhing na saüli atrali misi laq nguta thi kang lo, kriika ümniima jamlai wa raa ta? Ümniiriika i jai phan phan lishe wariina!” nguta Petar bom ka treto.

Romans 8:25

Shatmiitiq, nashiq raq na mak maq, jamlai phan wa chhi mai sitlaq, kra phan kra miitu, nashiq raq ran tsantsii thü wan tiikai. Ara ran tsantsii thü wan tiikai arka, mongngam maq milap wan rong i she dongdii nguta, tsan tiibum laita khewan tiikai.

Galatians 5:22

Shatmaq, Asii Wenyi riika maiqse rilung na, arthun ara tiitsi ngo kuq tlo: Lungwiitsii, chochi, khusang, anin wan, arlungwii, athuk atsom, phan rap na tsapkapkap,

Philippians 4:5

Nanok wiitarü rai, sobsob bombom maq sironglaq. Tatiwe ka saüho tlo she.

1 Thessalonians 1:10

Kiimahali, Ase ramungtan maq kitlaq We saükai khe ka, maklii khamthii maq khe lanta sitlan. Ase ka Jesuq Khristo, Shiikeawe Apaiq raq amaa wa atiijang wan we. Kiimaq apaiq ka nashiq ara, Shiikeawe tsankhiq manson walü saüho tlaq mong wa Chhii wanti we.

1 Thessalonians 2:19

Jamkhano ngukla, namshiq kata, naishiq tsantsii ran chang. Namshiq kata naishiq chochi chang. Kiimaq Tati Jesuq man na, jaqsham rekhat ka tang kai she dea nguta, khushü dong chang tiishom raa wan ka, namshiq sitlan kra kata. Namshiq ka nanok ahinti thaq na nungpaq man.

1 Thessalonians 3:13

Ara chongtiikai akha, apaiq raq namshiq kamasham rilung ka mitiijong kuq laq, kiimaq namshiq ka wenyi na arang apha maq mitiicham laq. Krai mren, namshiq ka nashiq Shiikeawe, nashiq ma Awejong Shiikeawe man na chap tiikai akhing na, asii ngamrea ikha, kiimaq asii kechu maiqsetiim nguta, Tati Jesuq raq apaiq ma kamwanti maiqsetiim thun rai, apaiq saüho tlaq ranaiq na mitiichap wan.

2 Thessalonians 3:5

Shiikeawe raq namshiq lungwii tlaq kra, namshiq raq atsaü maq khon wan miitu, Tatiwe raq namshiq ma taksu tsii kli apa mikuq laq nguta kiimaq, Khristo raq namshiq ma anin wan ningkun ka apa kuq wan ruq mirlaq nguta, achu jaükuq tiikang.

James 5:3

Namtsiiq tum chaq nai kampho tum towan tlan kriika, ümchaü chhii raq aphaq wan kun she. Ara chhii raq aphaq rat, namtsiiq namnyam tum towan tlan kriili she, Phangthum khapho ranaiq na, namshiq ka ashut maiqsetiim dea nguta saqseng hakhi mikuq. Kra riili she namrilung na awum abi, kiimaq lapphaq lusiq siwan lan nguta hakhi mikuq. Kiimaq namtsiiq tum riili she namkhum ka mitiikhiim chaq baiq. Namshiq raq namtsiiq tum ka ümchaü phangthum wan pat na riichom lanta phong thü tlan.

James 5:9

Phuno nyinotiim lei, namshiq raq chamchao litkot riihum tlan akhing na, riithu riisi lanta, weshi raq weshi ma naq tiishaü rongkiq. Nashiq raq kongti ka khühü na tiishut wan raa mak. Ara chongtiikang arka, Shiikeawe raq namshiq ma kha nyan mak chang miitu chongtiikang. Phowe jong ka ümchaü aje niishe. Mangjong maiqse kunli kha phokai saüho tlo she.

1 Peter 4:7

Phangthum akhing ka saü wanto she. Namshiq tarü mit asii maq sirong laq. Kiimaq honkam shat maq sirong laq. Achu jaü shatmaq sirong laq.

Revelation 22:20

Jurwa arthun bomtsi thaq na, hakhi kuq tlaq, kriiwe raq ngutlo, “Tengto! Ngi ka jaqloli misaüho ha!” Amen. Kira, Tati Jesuq lei!