James 5:19 - ASII LAKDAP Bible (BSI)

¹⁹ Iphu inotiim lei, namshiq phong wa, weshi ra ka tengteng lam phan wa lamjiq na moho tlaq jiila, kiiwa weshi ra raq apaiq ka tiijang shea wan nong raüla,

Hawa Naga Bible 2001

¹⁹ Iphuz inox bix lex, nuimshiq wawc washiz shiz rueq tsuingrux lvmx wawc moz wvnc jix waz kuex washiz shiz rueq tvyez shvlx wvnc tueq ngoz ix,

Muklom

¹⁹ I no nia pho tang, nim wang chamtey asing wang chungti ajo miqdak eq ning sha thawel sol ching.

James 5:19 Referencias Cruzadas

Tvtsvmc 119:118

Ümnaq aming jintibi ka ümniiraq shleq baiqtlaü; tsangshiq raq laopha kiimung klotlaq kriika atuli.

Tvtsvmc 119:21

Ümniiraq ashkong tamli maiqse ka ason riitlaü; ümnaq aming thun jintibi ma manson misilaq.

TAKSU LAK 19:27

Ise lei, phaqchi tsin ma, adam ajo she riihaüla, ümniiraq jamlai wa saptsin laü, kriimin amoshe mirki.

ISAIA 3:12

Kampho tiinamketibi raq isenginok nyatshatshat tiichamchao wanto. Kiimaq tsangshiq ma kampho tiinamketibi raq tsangshiq ka laolii wanto. Isenginok lei, nam welabi raq namshiq ka lamjiq na shunsheatlo. Kra ningkhan namshiq riika ümnii lam na wachang wa kra sap man.

EJEKIEL 34:16

“Rum na miikitaq thun skusetiim ka arit mirkiha. Lata jam na misheawan nongha. Ami atsi tiibuktaq thun kra tsiq maq aphum mirkuqha. Lata ami ba ka khea maq ajop mirkuqha. Kiimaq atsi asiti thun ka atiihea mirkuqha. Shatmaq piitatati thun kra kiimaq ahong alati thun ka atsea mirbaiqha. Jamkhano ngukla Ngi ka riikhaqli tri maq skusekong rümtiwe.

EJEKIEL 34:4

Namshiq raq atsak adok setiim ahan ajomti ka shiililii man. Atsi asiti ka phumtsiim kuq man. Lanta tiihea man. Ahok ajaq atiingoq ka job kuq man kiimaq rum na amo amii arkiti thun ka tiijang sheaki man, riimakla amo arki thun ka ritkot kiman. Kra rii na namshiq raq skusekong ka ahai ahii, hak hot laqhot khoti buktiiq wan lan.

Matthew 18:15

“Üm phuno we raq ümniima ashut klo kiiphaü la ümniika apaiq phana kilaüta riihum laq. Laüta, apaiq raq jamlai phan no shuttaq kra achong riikuq laq. Kriika namnai honhon liipan niili riichong ronglaq. Apaiq raq ümbom kra tai raüla, namnai liipan na kiq ram lan she ngushat.

Luke 22:32

Shatmaq, ümkam tsantsii kra chhan mak chang miitu, ngi raq ümniimiitu achu jaü kang she. Kiimaq, ümtiikiiwa ümniika, ngi phana hali mijang wan nong haü, kiitiikaq ümniiraq ümphu ümnobi thun tsaiji kra mido kuq haü.”

Galatians 6:1

Lungwii phunainotiim lei, kongti raq ajiq sham akai klo rea chhihan jiila, namtsam phong wa, juwa kamasham na maiqla sitlan, kriiti raq, namkongti we ka, lamhea nü na trap ru lanta shunshea rong laq. Shatmiitiina, namshiq raq kra trap ruke akhing na, kiqninse maq chong kuq rong laq. Kiimaq, namshiq raq namkhum kiimin la, tiikheshat maq si rong laq. Kongti khrumke wan angu, maiqmii kiimin shon wan dam jiiq, nguta ngo nangnga chongkuq tiikang.

1 Timothy 6:10

Ara jamkhano chongtiikang ngukla, tsiiq nai nyam ma sükha tsii raq, maiqse ka phanrap abi lam phan nü na shea ho tlo. Phungmaiqse wa maiq wiijamti ka, tsiiq anyam ma sühea kha maq, kampho apapa lap hai jaq nguta, tsiiq anyam ritlai anguli she, Shiikeawe lamphan wa, lamjiq nü niishe kiho wito. Raüta, rokngoq riingoq chamchao chapa riihum raüta, tiishudaq tlo.

1 Timothy 6:21

Phungmaiqse wiijamti riika ara, “Phaqchi lam,” ka lap kaishe nguta tiitsakitlo. Raüta, tsangshiq kamasham rilung ka, atiimo she riibaiqto. Shiikeawe kaphap ka namshiq wiita rai misilaq.

2 Timothy 2:18

Kra wenai ka ümchaü riikhaqli kamtsantsii lam wa, lamjiq nü niishe kihoto. Kiimaq tsangnai raq nashiq Phungmaiqse amaa wa dong wan ngutlaq kriika, rawiichii pat niitiq ka riimak, ümchaü adong wan wishe tiina, nguta ajiq traho kuq raüta, Phungmaiqse maiq wiijamti kamasham na chapa tidonghoto.

Hebrews 5:2

Riita, ramwe ajong we apaiq kiimin la, phanrap lam phan na ningkun ajom sitlaq kha maq, nanok ahinti raq ashut aphit klo wan kra chhi raüla, apaiq mangchan tsantsii ka asi thü tlo.

James 1:16

Lungwii Phungmaiqse phunainotiim le, namshiq ka angok angikong ma naqja rongkiq!

James 1:19

Lungwii phunainotiim lei, namshiq raq ara bomtsi ashi arka asap han she: Wiitarü raq tsütsa ahea bomtsi chongkuq tlaq kra, tsangriri maq tiitsangdada tai ronglaq. Lanta tak ronglaq. Shatmiitiina, nanok ma shrinke wan lam niika, chaosusu se maq chongkuq rong laq. Kiimaq mokhiq kai ka naqkhiq rongkiq.

James 3:14

Shatmiitiina ümtsan mong na, nanok ma makshu rashe tsii rüm tlaü, maiq ngeng tlaü jiila, kiimaq jamlai phan niili jiimin, maiqmii ma jamlai wa ahea raüla hong jiiq ngu tla tiima tlaü jiika, phanrap asap atsinha we nguta, naq shiikong kiq. Kriika ümniiraq tengteng bomtsi tri ka jin tlaü ngushat. Kriika ümniima ngarai tangphaq li miraq.

James 5:20

ara tsan na tiitsang ronglaq: Jurwa ngarai maiqse ashi ka lamjiq na akiho kiiwa tiijang shea wan tlaq, kriika ngarai tangti we tsaiji ka atsai kai chang wa tiichhii kuqto ngushat. Kiimaq ngarai pahea tiidii kuqto ngushat.

2 Peter 3:17

Shatmaq, kongtitiim lei, namshiq raq arka asap han she. Kiimaq namshiq ka namshiq kamasham rangchong phataqtaq maq sitlan kiiwa, ara ahea abi sapmak tri jinti kong raq ajiq lam phantlaq kiina namshiq kiimin dea wan man chang miitu honkamshat maq sironglaq.

Jude 1:11

Tsangshiq miika kai phiiptsi wan chang sitlo! Tsangshiq ka Kain jai phanti. Kiimahali, kampho ma süram raüta, Balaam raq ngarai tangtaq, kra lamphan na hali, ümchaü tsangshiq armin kiho nong tlo. Tsangshiq arka, Kora raq jamkho pong wela ja ngarai tangtaq, kiikha ngarai tang tlo. Apaiq ka jamkho thumtaq, kra niq riri sii hali, tsangshiq armin then wanto she.