James 5:11 - ASII LAKDAP Bible (BSI)

¹¹ Nashiq raq tsangshiq ka kechu maiqsetiim dea nguta shreng tiikai. Jamkhano ngukla, tsangshiq raq chamchao walü wiita nin wan raüta siwanto. Job raq phanrap chamchao nin wanto. Krai mren, atiisup na Shiikeawe raq, apaiq ma pinthum achu shiiman kuqto. Kra bomtho ka namshiq raq asap han. Shiikeawe raq maiqse ma mangchan tsii rüm tlaq kriika, nashiq raq nü maq achong lot mai sitlo.

Hawa Naga Bible 2001

¹¹ Tsuingshiq kuex nanx thuinz vhttax jix htenc rvtueq ningkhvnc nuex, tsuingshiq kuex thuinhvlx yaq ngoz tueq naungshiq rueq ngoz vshix. Yoba rueq nanx wvnc tueq lvmz nuimshiq rueq tay wvnc tuit, vtvsuip nuex Taungjix rueq piq muex yvmx khoc lac lawc mawc wvnc tvnx lvmz kuex nuimshiq rueq tuiuz yaq. Yvmx khoc lac ngoz ruiux lec Taungjix kuex lungwawx menjenc thuinz mvrc yaq waz rvtueq.

Muklom

¹¹ Siin inn, hiqtang aa barey thanan shing aa ning sungrang ang aa ta tathin i. Hiqtang aa Job thanan tung aa raaq tha utat eq ti etho Teyhungwa uthun na piq ma chamlang kongpha kota sha usam eq i. Teyhungwa manchantey etho tinshit takhi aa.

James 5:11 Referencias Cruzadas

1 KAÜWA WERAÜ 21:13

Kiijiishe Dawit raq Gad bom ka treto, “Ngi ka ja nai jin hea wa niishe! Shatmaq ngi, ka maiqmo ho ka romang. Tatiwe apaiq raq riiwe ngi ara mitsat laq. Jamkhano ngukla apaiq ka mangchan heawe.”

2 KAÜWA WERAÜ 30:9

Kiimaq namshiq ka Tatiwe wokhong na hali nyap wan nong han la, namphu namnotiim shumwikong ma pong mung na tsuq wantaq kriiti raq tsangshiq khuthaq na mangchan tsantsii mithii. Raüta tsangshiq ka jam na hali mitiijang wan nong. Namshiq Tatiwe namshiq Shiikeawe ka mangchan heawe kiimaq tiihang wan mangchan riimtiwe. Kiimaq namshiq ka apaiq wokhong na hali jang wan han la, apaiq raq namshiq ka awokhong na hali mitiisi wan nong.”

NEHEMIA 9:17

Tsangshiq raq ümkiq akhü riiwanto; ümniiraq ümtin khan wa, tsangshiq miitu jaqshamkuq laü, wiita laqbaiqto. Ümniiraq ümtinkhan wa awang chang, jaqsham kuq laü, wiita she laqbaiqto. Raüta tsangshiq khünga tsantsii tri maq, tsangshiq khuthaq na, wela ashi shong wanto. Raüta Ejip mung na, di ma jaki nong rong i nguta, jangho danto. Shatmaq, ümniika mra diike wanti Shiikea. Ümniika kaphap mangchan, rümtiwe, kiimaq pinthum lungwii tsantsii, rüm wantiwe. Ümniika khiq saq khiq maü phan. Ümniiraq rüm tlaü tiihang wan mang chan ka jonghea. Ümniiraq tsangshiq ka, tiishaü baiq maü riilaü.

NEHEMIA 9:31

Kiitin khan taü maq li jiimin, ümnaq tiihang wan mangchan tsii ka, jonghea kha maq, ümniiraq tsangshiq ka, thumpak lang lang, tiithum maü riilaü. Ümniika kaphap mang chan, kiimaq tiihang wan mangchan jonghea, rümti Shiikea!

YOBA 1:1

Man na Uj mung na siti maiq weshi asi riito. Apaiq mang ka Job. Apaiq ka Shiikeawe shomnoqti kiimaq Shiikeawe wokhong na tsapkapkap sito. Apaiq ka maiqshaq pinthum kiimaq abi klomak phan hon kamshat maq sito.

YOBA 1:2

Apaiq ka saütam serüwe. Asetiim ka maiqwe sere wemiishi kiimaq jechak setiim nyungtsam riito.

YOBA 2:10

Kiijiishe Job raq treto, “Ümniika angok angiti ikha bomtlaü! Ümtiikiiwa Shiikeawe raq nashiq ma ahea awa phan tiisaü tlaq, nashiq raq tao tiikai. Ikhiijiika apaiq raq nashiq ma chamchao tiisaütlaq niika, nashiq raq apaiq ma jamkho mibot nyan?” Job riika kiitin khan chamchao riihum jai niimin, Shiikeawe ma ngeng seng bom bom mak riito.

YOBA 23:10

Li jiimin Shiikeawe raq ikiimwiiq aweatek ka asap, apaiq raq ngi ka kappe maq shin haüla, chiisan maiqse dea nguta misap.

Tvtsvmc 103:13

Awe raq asetiim jamkho lungwiitlaq, ikiikha Tatiwe raq apaiq shrengtibi lungwiitlo;

Tvtsvmc 103:8

Tatiwe ka tamhamhea kiimaq lungwiihea, mokhiq khiqmak phan kiimaq tiipitmak lungwii rümti.

Tvtsvmc 116:5

Tatiwe ka tiihangheawe kiimaq aheawiq; nashiq Shiikea ka mangchan heawe.

Tvtsvmc 119:132

Ngi pha nü na nyilaq laüta ngi tiihanglaq; ümnaq lungwiitibi ma jamkho lungwiitlaü kiikha.

Tvtsvmc 145:8

Tatiwe ka tamham hea, kiimaq tiihanghea, mokhiq khiqmak phan kiimaq tiipitmakphan lungwiiti.

Tvtsvmc 37:37

Maiqshaq kiimaq kechu maiqse ka shrira liilaq; sobsob bombom maq siti ka asaü asetiim asi.

Tvtsvmc 51:1

Ngi tiihang kuqlaq, O Shiikeawe lei, ümnaq tiipitmaü mangchan wokhong maq. Ümnaq tiihang mangchan jonghea kha maq ngi ngarai thun ka tatbaiqlaq!

Tvtsvmc 78:38

Shatmaq Shiikeawe ka asenginok ma tiihang mangchan tiitsishat riito. Apaiq raq tsangshiq ngarai ka adii riikuqto raüta tsangshiq ka shiithenbaiq mak dea riito. Jang pahea atsankhiq ka anin raüta shiikhingto kiimaq atsankhiq walü ka tsangshiq thaq na tiinyai chaq mak anin riito.

Tvtsvmc 86:15

Shatmaq, O Tatiwe lei, ümniika tiihangheawe kiimaq lungwii Shiikeawe, wranaiqshe ninwan ruq, wranaiqshe lungwiihea kiimaq tsapkapkap.

Tvtsvmc 86:5

Ümniika naishiq ma ahea kiimaq naishiq mra diiketi, tiipitmaüphan lungwii ka ümjaq wa achu jaüti ma sitlo.

Tvtsvmc 94:12

Tatiwe lei, ümniiraq trantsiitlaüti ma peohea, ümniiraq ju miiwa ümtri shrin tlaüti ma!

DUNGWVNC 34:6

Raütiishe Tatiwe ka apaiq miki na lea wanto. Raüta akha riimto, “Ngi, Tatiwe ka, Shiikeawe pinthum mangchan tsii rümti kiimaq tsan tsihea maq mangchanti, mokhiq khiq mang phan, kiimaq lungwii tsii jonghea rümti kiimaq pinthum tsapkapti.

THARC TVLUINGC 7:8

Atiisup wan akhing riiwe ka, atiipha wan akhing thaq na ahea lin. Anin raüta khewanti ka, shiikong miilongti thaq na ahea.

ISAIA 63:7

Ngi raq Tatiwe mangchan tiipitmak phan kra michongha; Ngi raq apaiq tiitsam tiikang nashiq miitu ümtinkhan wa jaq shamkuqtaq khana. Apaiq raq Israilnok ka pinthum asho awo shiiman kuqto apaiq tiihang wan tsii nai tiipit mak phan mangchan raüta kuqto.

ISAIA 63:9

Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.

AJONJÜ 3:22

Kra bomtsi ka ara: Tatiwe mangchan, nai apaiq tiihang wan tsii ka siruq miraq.

DANIEL 9:9

Naishiq raq ümkiq khiiwan kai li jiimin, ümniika tiihang wan mangchan rümti, kiimaq ngarai diiketi.

Yoel 2:13

Namkhu namkhea chailanta riimak, namtsantsii ka chai lanta, Warong ra, jang wan ronglaq nam Tati Shiikeawe phana. Apaiq pinthum ka mangchan rümtiwe. Apaiq ka pinthum anin wantiwe. Apaiq kiqkham ka tiipoi mak phan. Apaiq ka shokkhot nokhot tsiiti, mra kechang lam wa tsii klaitlo.

Jona 4:2

Krai mren, apaiq raq akha achu jaüto, “Tatiwe ngi raq naimung maq mitiido wan shaq na, ümniiriika akha mangchan mitiichhi kuq haü nguta chongkang ihata? Kra ningkhan tiina, ngi ka Spen mung na juwan la nguta dankang ira! Ngi raq ümniika kaphap wanti Shiikeawe, kiimaq lungwii tsantsii jonghea rümtiwe, mokhiq min khiq maü phan, kiimaq mangchan tsantsii rangchong kiimaq atsa asha chang wiimin tsa sha maü maq senaino tiikhup wongke wanti.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

WEAWEA 14:18

Ümniiraq ngulaü, ‘Ngi, Tatiwe ka mokhiq ka khiq mang. Kiimaq Ngi raq lungwiitsii jonghea tiichhikuq tiikang kiimaq pinthum tsapkapkap tiikang kiimaq ngarai kiimaq ikiq khiiti mra ka diikuq tiikang. Li jiimin, anyungwe ngarai thun kriikha na, asetiim nai asaütiim ma maiq pat pat-sam na nai patblai na saüli, anyungwe ngarai kha na mo tiihohü ka tlea baiq mang mirha.’

Matthew 10:22

Maiq wiitarü raq namshiq ka i mang na makshu rashe mingeng. Shatmaq jurwa atiithum ranaiq na saüli nin wan tlaq, kriiti kli mitiichhii.

Luke 1:50

Apaiq shreng wanti ma, patshi maq riita patshi na saüli mangchan wantlo.

Luke 11:10

Ara jamkhano chongtiikang ngukla, jurwa jaütlaq, kra raq milap. Kiimaq jurwa rit tlaq; kriiti raq mihum. Kiimaq kilü na jurwa buk tlaq; kriiti ma kilü ka midi kuq.

Luke 6:36

Nam We Shiikeawe ka mangchan kaü. Krai mren, namshiq min mangchan rüm lanta si ronglaq.”

Romans 2:4

Arka namshiq raq, Shiikeawe raq namshiq ma, mangchan tsii jonghea rüm tlaq kra shishe lam na khat tlo. Kiimaq apaiq raq namshiq shutphit ka mangchan tsi ma, namshiq ka atsea wan chang wiimin, tsat son n mak maq, anin riiwan tlo, kiimaq ranaiq shishi kla, namshiq raq tsii michhi wan han ahiq, nguta tsan tiibum raüta, namshiq tsantsii klai wan ka khe tlo. Shiikeawe raq namshiq ka kai lungwii tlo nguta namshiq riimin asap han. Shiikeawe raq namshiq mangchan tlaq arka, namshiq raq ngarai tsantsii kra miklai tlo laq, nguta ngo maq mangchan tlo.

Ephesians 1:6

Ümchaü sanha, Shiikeawe ka kai shomra wan rong i. Apaiq raq nashiq ka achhai anyii kaphap khoqramkii maq takuq wanto she. Raüta apaiq raq kai lungwii tlaq, Ase pum na nashiq ma phe maq, kongphiq jonghea kuqto she!

Ephesians 2:4

Shatmaq, nashiq miitu Shiikeawe tiihang wan mangchan tsii ka pinthum asho awo rümtlo. Kiimaq apaiq raq nashiq ma lungwiitsii rüm tlaq, kriika achong lot mai, tsaühea rüm tlo.

Hebrews 10:39

Shatmaq, nashiq ka jai na janghoti, raüta tsailam phanhoti ka riimai. Shatmaq, kamtsantsii rümti setiim nguta sitiikai. Kiimaq, Shiikeawe ma kamtiikai. Krai mren, nashiq ka apaiq raq tiikhup wongkuq shat maq sitiikai.

Hebrews 3:14

Ara chongtiikai akha, Shiikeawe ma apha na jamkho kamwan kai, kra tiimeshi mai phan maq atiisup na saüli kam hai jiila, nashiq armin Jesuq rai reraüshi maq, Shiikeawe jaqshamtibi ma mija rong i.

Hebrews 3:6

Shatmaq, Khristo ka Shiikeawe ma Ase. Krai mren, apaiq ka Shiikeawe sengi thun kra tsapkapkap maq rümti we. Nashiq raq Shiikeawe ma kamtsantsii rüm tiikai ara thaq mai phan maq, tsan tiijong laita, pharangrang maq sihai jiila, nashiq thun armin, Shiikeawe sengi nguta misi rong i.

James 1:12

Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

James 1:2

Iphu inotiim lei, namshiq raq phanrap phanrii maitai riihum tlan na akhing na, kopan jonghea nguta tiima rong laq.

1 Peter 1:13

Riita ara chong tiikai arai mren, namtsan tsii ka tiije shat maq sironglaq. Honkam shat maq sironglaq. Kiimaq namtsan tsii ka Jesuq Khristo ümtiikaq ranaiq wa saüki tlaq, kra akhing na namshiq raq lap wan chang achu shiiman jonghea sitlaq, kra thaq na tiitsi lanta singa ronglaq.

1 Peter 3:14

Shatmaq namshiq raq athuk atsom jaqsham tlan kra taü miimin, maiq raq namshiq tiichamchao raüla, kriika namshiq ma kopan jonghea riito ngutli tiima rong laq.

2 Peter 2:9

Arthun manphan arwa nashiq raq sap tiikai, Shiikeawe raq kechu maiqse ka tsangshiq rilung na chamchao maitai ümtinkhan wa riihum tlaq kiiwa, jamkhii tiichhiike wan chang wa kra asap. Kiimahali Shiikeawe riika ngarai maiqsetiim ka kharü maq kha raüta, Phangthum Khapho Ranaiq miitu thü wan tlo.