James 4:17 - ASII LAKDAP Bible (BSI)

¹⁷ Arkha maq, Phungmaiqse ashi raq jaqsham ahea sham chang asi nguta, sapshatshat taü maq sham mak raü ka, kriika apaiq ma ngarai miraq.

Hawa Naga Bible 2001

¹⁷ Kvkhoc rvtueq vhvlx yauk shuimc shuimc tvkoc tuiuz yaq rvhvt maq phvnx muq waz kuex mvrax vhttax waz rvtueq.

Muklom

¹⁷ Eshirangma barey jaqhal jin som ma sam aa etharin esha somlo moq ang ajo, ning rangma ira ngarey.

James 4:17 Referencias Cruzadas

John 13:17

Riita, ümchaü sanha, namshiq raq ara chongkuq tiikang tengteng bomtsi arka sap lan she. Jurwa ara bomtsi ara lang lanta mishong nga han, kriiti ka pinthum khoqriiq shishiiq miishe misi han!

John 15:22

Ngi ka ara mangjong hiq na saüki mang dea ngu raü jiika, kiimaq trahokuq kimang dea ngu raü jiika, tsangshiq tiishut chang lam ka ahü mirwa. Shatmaq, ümchaü sanha, ngi ka saüki lata, tsangshiq ma trahokuq wan kang she. Kriikha maq, tsangshiq ngarai bu howan tlaq kra miitu, tsangshiq raq maiqmii khum tiikhe kiqkhii chang lamlu ka ahü she.

John 9:41

Jesuq raq tsangshiq ma chongto, “Namshiq ka makchuk ngu raü jiika, namshiq dü na ngarai kha ka ahü mirwa. Shatmaq, namshiq raq makpiiq sitiikai nguta tiima tlan krai mren, namshiq khabu ka namshiq khuthaq na bumshat li she misi.”

Romans 1:32

Tsangshiq raq Shiikeawe tri na, akha ngarai tang wantibi ka, atsai lam mirhum nguta chong tlo nguta kiimin asap. Kra sapshat shat taü maq dongdii min, tsangshiq raq ngarai thun kra tang wan ruq miili sitlo. Kli min riimak; nanok ahinti raq ngarai klo tlaq, kriimin asom li riidam tlo.

Romans 7:13

Kiikha shatmiitiq, ara jamlai phan wa ahea awa phan nguta thü wan tlaq, kra riika, ngi arka jamkho tsatbaiq wan phiita? Kiikha kla riimak! Ngi arka ngarai raq tiina tsatbaiq wantaq. Ngarai riika, jamlai wa ahea phan nguta sitlaq, kra lümaq ngi ara tsatbaiq wanto. Kriika, riikhaqli ngarai rong arai kra tiichhike wan miitu she riito. Kiimaq ara Thungtri aming thun ara lümaq, ngarai ningkun tu heng sitlaq kriika, aheng thaq niimin henghea, bihea sitlo nguta, kra tiichhi kuqtlo.

2 Peter 2:21

Tsangshiq arka, Shiikeawe raq atiichhikuq Tsütsa Ahea rilung lamphan kra apha miiphü phan wan mak dongdii ngu raü khoti phanshi sainaisam riichang wa. Shatmaq, ümchaü sanha, tsangshiq raq Tsütsa Ahea kiima kamwan raüta, man niiwa rilung lam chü kiina jangho nong tlaq krai mren, tsangshiq rilung ka man na apha na jamkho lea wantaq kra nam miimin tiinanpot, aliikai chang ahü she.