James 3:17 - ASII LAKDAP Bible (BSI)

¹⁷ Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

Hawa Naga Bible 2001

¹⁷ Yuq muinz raungwawc vhttuiuc kaz taksux tharc kuex vphaungc shauk vsawc rvtueq, kvruex yimaq nomic yaq, kenrix thuinz nyenz nuiyc kungjix kamjix tvyaungc yaq kvdvyx muinz rvmuq, lungwawc menjenc thuinz mvrc vtueq vhvlx phvnx shuimc vkay ngoz yaq vpuic vthuey htenc kuex tvyaungc kuq yaq; kvruex kuex htvlx phawc thvlc httauk nuiyc kvyonc yuk lvmz lomx muq.

Muklom

¹⁷ Etharin bari thunglam raa mungtan wang katapha sha phang tho asang ang aa, eshi jio nungmay, tinin, etho tinshit ang aa; eshiwang jaqhal uti ngo qhong aa etho irimal miqtang sha thaji jamoq arum dangjang aa etho takhi eq somtey ang moq.

James 3:17 Referencias Cruzadas

1 HOKHVMX 3:12

ümniiraq ijaq wa jamlai wa jaü laü kra ngi raq mikuqha. Ngi raq ümniima maiq ahinti juwe riimin milap wan shaq kiimaq rawiichii niimin jurmin lap wan lot mak chang phan anyan phaqchi tsaühea kiimaq taksu tsii kra ümniima mikuqha.

1 HOKHVMX 3:28

Solomon raq kra khapho kuqtaq tsütsa ka Israilnok mungmaiqse riishe taito. Kra tairaüta tsangshiq tsan mong na apaiq ma tsaühea shreng manto she thüwanto. Jamkhano ngukla Shiikeawe raq apaiq ma taksu tsii ke kha maq athukwiq maq phokuqto nguta takto.

1 HOKHVMX 3:9

Kra ningkhan ngi raq ümsenginok ka tingting tri maq peng wan miitu, kiimaq ajiq nai alam kra riikhaqli maq chechiip wan miitu, ngi ma anyan phaqchi kuqtlaq. Kra riimak nguraü ka ngi raq ara ümsenginok maiq mung ariim khan ajong alu phan arka jamkho mipeng wan lotha?”

1 KAÜWA WERAÜ 22:12

Kiimaq Tatiwe üm Shiikeawe raq ümniima taksma anyan nai taksu tsiitiq mikuq laq. Krai mren, ümniiraq Israil mung ka apaiq tri raütu kra phan phan mipeng wan haü.

1 KAÜWA WERAÜ 22:9

Shatmaq tiina apaiq raq ngi ma kiqkham raüpot ashi khakuqto. Apaiq raq akha nguto, ‘Ümniiraq ümse ashi mihum haü. Apaiq raq mung ka atsing maq mipeng wan. Jamkhano ngukla ngi raq apaiq ma apaiq jaqtibi thun wa mung ka atsing angang pat mikuq wan ha. Apaiq mang ka Solomon miraq. Jamkhano ngukla apaiq raq mung siq wan tlaq pat na ngi raq Israil mungti ma mungtsing pat nai khusang rakhang pat chiq are ahü maq mitiisi wan ha.

YOBA 28:12

Shatmaq taksu tsii ka ümbawo mihum? Jambawo nyan phaqchi ka mitsin rong i?

YOBA 28:23

Shiikeawe riili taksu tsii humchang lam ka saptlo, Taksu tsii sichang ka ümbaniiwa kra saptlo.

YOBA 28:28

Shiikeawe raq maiqse ma chongto, “Taksu ma ja miitu, namshiq raq Tatiwe ka shreng raa tlo, Asap wan miitu, namshiq raq abi lam phan wa jang wan raa tlo.”

DUNGWVNC 36:2

Kiimaq Mosheq raq Bejalel, Oholiab, kiimaq jaqsham smabi ahinti thun wiita Tatiwe raq asap atsin phaqchi kuqtaqti thun kra, kiimaq juju riiwa jaqsham khrumke lungwiitibi thun kra heato. Raüta Mosheq raq tsangshiq ma jaqsham ka phaho rongliishe nguta chongkuqto.

TAKSU LAK 2:6

Tatiwe ka maiqse ma taksu tsii keti. Apaiq raq maiqse ma nyan phaqchi shrinkuq tlo. Kiimaq asap atsin wan lam tiichhi kuqtlo.

ISAIA 2:4

Apaiq raq maiq mung jonghea hea liipan na kha dongtlaq kra miphokuq wan. Tsangshiq raq tsang nep jasai thun ka thaiwi pen thun miishe mitiiq wan, kiimaq tsang piq thun ka adongton chang saikiip thun miishe mitiiq wan. Maiq mung thun liipan na re dongmak she miraq, chiq chap rechap ka ümtiikiimin sürii mak she miraq.

ISAIA 32:6

Maiqjiqwe riika ajiq aphiqli mibom. Kiimaq ajiq jaqsham kli tiimatlo. Raüta ajiq kiimung kra süriitlo. Apaiq raq jamlai jaq wa shamtlaq kiimaq anü maq jamlai wa bomtlaq kriika Tatiwe shummii bom siisaqli bomtlo. Kiimaq apaiq raq ümtiikiimin amang aleiti ka dunghiq mak phan. Kiimaq khamnyang wiikiitsi chamchaotlaq kriima min khan kok tsiim kuq mak phan.

ISAIA 40:11

Apaiq raq askukong ka sku riimti raq rümtlaq ikha miriim wan; apaiq raq sku ransetiim ka adam na mitriichum wan, raüta tsangshiq ka ajaq na mido wan; apaiq raq akaütiim ka chaosusu maq mishea wan.

DANIEL 1:17

Krai mren, Shiikeawe riimin kra jerobi weblai kiimiika, phaqchi kiimaq laktsin wan na taksutsii kiimaq rakaü hiqwe phaqchi kuqto. Kra thaq niimin, Daniel miika riisham bomchong nai rawa ma liichum chongke saptsin wan phaqchi kuqto.

MALAKI 2:9

Arkha na, ngi riimin, Israilnok tsantsii ka namshiq tiishummii wan miitu she mitiiphe baiq wan ha. Jamkhano ngukla, namshiq raq, ngi raq thapthi tiikang kra shamkuq man kiimaq, namshiq raq isenginok ma shrinkuq tlan na, nokmaiqse ka tarü makliishi maq liiman riitlan.”

MALAKI 3:3

Apaiq ka, maiqse khaphokai miki. Apaiq raq kampho ngam ka khi wa na tiiqwe raq tiikhiim raüta tiijo tlaq, raüta abi ashe jinpü ka tiidoq bukbaiq tlaq ikha, maiqse kiimin michen wan. Kiimaq jatiiqti raq kampho ngam nai chaq ngam bu ka tiikhiim chaq tlaq ikha, raüta ashe ashi jinpü ka sintu maq tiihiip tiiqbaiq tlaq ikha Tatiwe kiimwe raq ramwebi ka mitiiq wan. Raüta asii ramwebi miishe mitiija wan. Kra tiisii tiiq wan tlaq krai mren ramwebi raq tsangshiq khum ka asii miishe Tatiwe ma asii honglu she mikuq wan.

Matthew 23:28

Ikiikhiisii hali namshiq kiimin, maiqse maklii niika wiitarü man na, siirairai hea ikha sitlan. Shatmaq namshiq tsantsii ka mongnam kiimaq ngarai kaq li sitlan.”

Matthew 5:8

“Juwa tsantsii asii kriiti ma chochi; tsangshiq raq Shiikeawe michhi!”

Matthew 5:9

“Jurwa mungtsing miitu jaqshamtlaq kriiti chochi; Shiikeawe raq tsangshiq ka asetiim mingu!”

Luke 21:15

Ara jamkhano chongkuqtiikang ngukla, ngi raq namshiq ma phaqchi mikuq kang. Namshiq raq maiqmii khum tiikhe bomchong ka, namjaqti nok raq jurmin khü lot mak chang bom michong kuq han.

Luke 6:36

Nam We Shiikeawe ka mangchan kaü. Krai mren, namshiq min mangchan rüm lanta si ronglaq.”

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

John 1:47

Jesuq raq Nathaniel ka apaiq phanü na awa rai kra chhi raüta, apaiq miitu akha chongto, “Arhata miikiim se ashi Israil we. Apaiq ka chiisan maiqse ashi!”

Acts 11:24

Barnabas ka maiqshaq weshi. Apaiq ka Asii Wenyi raq ama kiimaq kamasham na srea weshi riito. Apaiq traho bomchong kra tai raüta, maiq pahea Tatiwe puk na nyap wanto.

Acts 9:36

Kiimaq, Joppa chela na maiqnyung ashi asi. Apaiq mang ka Tabitha. Apaiq ka Jesuq jaqshise. (Apaiq mang ka Grik bom maq Dorkas ngutlo. Kra liichum ka “Chok kaü” nguta ngo.) Apaiq raq arilung ka, nanok khrumke jaqsham na nai miitsan miijan maiqse khrumke niili tiisungto.

Romans 12:18

Namshiq raq ümtinkhan wa tang wan tlan kiitinkhan, nanok tarü rai ari aram maq shongnga wan miitu shiikut ronglaq.

Romans 12:9

Maiq ma lungwii tsii ka siirairai hea thü wan lili ronglaq. Jamlai wa abi phan, kriika atsaihai rii ronglaq. Jamlai wa ahea, kra jaqkhon tiipha lanta shamshat maq si ronglaq.

Romans 15:14

I phu i notiim lei, ngi riika namshiq ma kai riichopi lata sitiikang. Ngi raq asapha, namshiq ka sobsob bombom maq, phanrap sham akai na ahea asap han she. Kiimaq namshiq ka maiqmii liipan na sungkhu tsiilam riichong phan min asaphan she.

1 Corinthians 12:8

Kra Asii Wenyi riisii hali, maiq ashi ma taksma tsütsa chongkuq tlo. Kiimahali kra Asii Wenyi riisii hali, maiq weshi miika anyan phaqchi tsütsa chongkuq tlo.

2 Corinthians 10:1

Ngi Paul raq pumsii maq, namshiq ma ara bomtsi tiitai tiikang. Ngi ka namshiq rai mantut na sitiikang niika, tsan nin woknin we ikha sitiikang. Kiimaq nyea jokjok we nguta liiwan tlan. Shatmaq, kiimphai she tiijaiho latiika, kiqla hiip-hii we miishe jaki tiikang. Jesuq Khristo raq akuq, sobsob bom bom hon atsii nai mangchan tsantsii maq, ara namshiq ka tiijom na lata bom rai tiikang.

2 Corinthians 6:6

Naishiq raq asii arai tsantsii maq, tsütsa ahea taksu tsantsii maq, anin wan tsantsii maq, kiimaq riimang riichan tsantsii maq, naishiq ka Shiikeawe jaqshisetiim dea nguta tiichhi kuq wan tiikai. Arka Asii Wenyi raq, kiimaq naishiq tsan na riikhaqli mangchan tsii rüm tiikai kriimaq tiichhi kuq tiikai.

2 Corinthians 7:11

Namshiq tsanbitaq kriika, Shiikeawe raq thimi tlaq kiijaq hong wanto. Liimanta, kra tsanbi wantaq kra lümaq, namshiq ma ahea lamlu she saüto! Namshiq raq kra ajiq mra kra tru wan miitu, kha ka phokuq lan she. Lanta, namshiq ka shut wan dam man, sepii dea nguta, tri raü ka riikhaqli maq sham lanta, ajiq we kha ka phokuq lan. Jamlai mra wa pintaq, kra miitu namshiq tsan khiq wanto. Kiimaq kra jai niimin, mra pin nong jiiq nguta, ümchaü ka namshiq tiihai song shat miishe sitlan. Kra mra pin kha maq, namshiq raq i sham chhi ro riilan. Kiimaq namshiq raq i khum tiikhe bom chong lan. Kiimaq ajiq we ka tsa lan she. Riita ara mra pintaq, raüta kra mra tiisup jaqsham wan na, namshiq ka jam shut ahü, sepii dea nguta tiichhi kuq lan she.

2 Corinthians 9:10

Shiikeawe ka maiqse ma achhi ajang chang tsamlai chomrom keti we. Kiimaq maiqse ma phaqnai sea chomrom keti we. Krai mren, Shiikeawe raq, namshiq ma tsamlai achhi ajang ma, namshiq ma ümchuwa ra wan tlaq, kra mikuq. Raüta, jamlai wa chhi jang tlan kra, mitiijong luwan. Akhiisii hali, ara ümchaü namshiq raq ümchuwa honglu phongtsoktsok kuqne wan lan, kra dong man wan raüta, namshiq raq asho awo tsam mijut wan han.

Ephesians 5:9

Ara chongtiikai rawü li raq, phanrap lam na, athuk atsom, kechu jaqsham, kiimaq tingting rilung tsi ka, tum akhiiq ama tiishowo kuq tlo.

Philippians 1:11

Krai mren, namshiq rilung ka, Jesuq Khristo pülii ahea awa rong arai ngu tu petsi chong ikha miraq. Kra chongtiikai petsi tu kriika, Khristo riitiq dongdii tiitsi ngo chang. Kra maiqse raq chhi raüta, Shiikeawe khushü mitiijong. Raüta, Shiikeawe klishe mishomra wan.

Philippians 4:8

Phunainotiim le, bomshat wan ma chongkuq nong pha. Namkhu tsai ka ara ariq phan hupsam maq tiima lanta, thü ronglaq. Tarü raq tiitsam kamli chang phan maq tiima lanta thü ronglaq: tengtlaq phan, athuk atsom phan, riikhaqli, asii, maiqlung ngamwii, shreng sea chang phan hupsam maq tiima lanta thü ronglaq.

Colossians 1:10

Kra laphan jiitiq, namshiq Tatiwe raq namshiq ka jamkhii tiisinga wan wa lungwii tlaq, kiikha misi wan lot han. Kiimaq namshiq raq, ranaiqtek apaiq raq lungwii tlaq jaqsham kaiwa kra misham lot han. Krai mren, namshiq rilung na shamhea kaiwa ümchuwa sitlaq kra tsingo pahea she misi. Kiimaq namshiq ka Shiikeawe tiima tsantsii ka atsaü maq sap lanta mijong luwan han.

1 Thessalonians 2:7

O, lamshi maq liiwan i ngu raü ka, naishiq ka Khristo kiimwebi kha maq, namshiq jaq wa, naishiq jaq maq jaüphaq kriika mai tlo. Kriika alam asi. Shatmaq, naishiq ka namshiq rai adam sikai liipan na, anyung ma jalaita, namshiq ka boqpum kai.

1 Timothy 5:21

Ngi raq arthun aming ara Shiikeawe man na, Jesuq Khristo man na, kiimaq asii rasetiim man na, ramram lata, ümniima arthun arang ara kuq tiikang. Ju miimin tiishaü tiiji naq riikiq. Wiitarü ka maklii shi maq peng laq.

2 Timothy 2:24

Tatiwe jaqshise nguta sitiikaiti riika, maiq rai tatso wiinyi ka raa mak. Apaiq ka nokwe wiitarü rai riimang riichan maq sichang. Kiimaq wiitarü ma nin wan ruq maq sungkhu tsiilam chongketi we ashi riichang.

Titus 1:15

Juwa tiima tsantsii asii maq sitlaq, kriiti miitu ka phanrap asii siisaq. Shatmaq ümriiti tiima tsantsii wa, ngarai raq atiisheshi baiq wishe, kiimaq krai mren, tsangshiq raq tengtlaq bomtsi ma kam mak maq sitlaq, kriiti miitu ka phanrap phanrii ka, ashe ashi siisaq. Tsangshiq miika apii ashan chang siisaq. Jamkhano ngukla, tsangshiq khutsai nai tsangshiq tsaiji ka, ngarai raq wiita atiishe shi baiq kun she.

Titus 3:2

Tsangshiq ma tsii ka chongkuq wanruq riilaq. Tsangshiq raq nanok mungmaiqse jumiimin abi bomke ka raa mak. Shatmaq, nanok tarü rai ari aram, kiimaq sobsob bombom maq si ronglaq.

Hebrews 12:11

Riita, ümtiikiiwa Shiikeawe raq, nashiq son ngu tlaq, kiitiikaq nashiq tsan tiibi chang tsatson tlo nguta tiima tiikai. Achochi chang ka ahü ikha tiima tiikai. Shatmaq, kra jai miishe, tlu niishetiq, maiqse ümchuwa akha trantsii raüta jonglu wan taq, kriiti raq asii arai tingting, kiimaq kiqkap jaqshap rilung poksi kra lap wan tlo.

Hebrews 12:14

Wiitarü rai, ari aram maq si miitu, shiikut ronglaq. Kiimaq, asii arai, kechu rilung, jamlai kiqjiq ahü maq si ronglaq. Kechu rilung siwan hümiika, juwe riimin, Tatiwe rai sham ka riichhi lot mak.

James 1:17

Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

James 2:4

Riita, namshiq raq maiqmii liipan na akha riitseatsiiq han jiika, maiq tiikhothiq ngarai tang tlan riimak sha? Akha maiq tiikhothiq tlan arka, maiq nai maiq liipan na tok ajiq maq shin lam niishe misupwa.

James 3:15

Ara chongtiikai akhnok taksu tsii arka, Shiikeawe raq akuq ramungtan wiika riimak. Arka mangjong hiq wa hon atsii, ngarai han-ngam wa adong. Kiimaq thawe shinrii raq akuq ngushat.

James 4:8

Arkha maq, namshiq ka Shiikeawe wokhong na nyap wan tlo ronglaq. Raüla apaiq raq namshiq ka awokhong na mitiisi. Ai! ngarai maiqse kong lei! Namjaq ashe kra he wan tlo rong laq! Mongnam nok loi!

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

1 Peter 2:1

Riita ara chongtiikai rawü anye she chhi lan arkha maq, ümchaü sanha, namshiq tsan among wa, phanrap abi ümchuwa sitlaq kra wiita raübaiq rong liishe. Namshiq raq ümchaü sanha, arot akiq naq bom rongkiq she. Makshu rashe lam maq naq si rongkiq she.

1 Peter 2:18

Namshiq maiq jaqshisetiim ümchuwa sitlan kriika, namtijong wetiim wokhong na silanta, tsangshiq bom ka phaqchii nichii maq tai rong laq. Lanta tsangshiq ka kai shreng lanta si ronglaq. Namshiq ka ahea maq mangchan raüta rümkomtibi miili ka riimak, shatmaq namshiq ma kiqla hiip-hii, asea akaq bom tlaqti miimin shreng manto thü lanta siraa tlo.

1 John 3:18

I setiim lei, nashiq liipan na riilung riiwii maq sitiikai ngutiika, na nübok maq lamlam se li tiitsaki rai raü ka hong mak. Nashiq liipan na lungwii tsantsii rümtiikai kriika, awongsii lungwii tsii rüm chang. Arka nashiq raq jaqsham maq tiichhi laita sichang.

1 John 3:3

Khristo ka asii. Krai mren, apaiq rai adam si miitu ranphan tlaqti thun loweatek raq akhum ka asii maq thü chang.