James 1:6 - ASII LAKDAP Bible (BSI)

⁶ Shatmiitiina, ümniiraq achu jaü tlaü akhing na, Shiikeawe riika ümniima mikuq dongdii nguta, kam laüta jaü laq. Ümtsan anai ka naq thü kiq. Jurwa tsan nai maq achu jaü tlaq, kriiti ka sammoktra jü na, rahai wan kiijaq khamtso blun phom tlaq ikha. Apaiq ka rahai walam phanphan, khamtso blun phom wan tlaq ikhli miraq. Apaiq kamtsantsii ka rahai niili mipansiq.

Hawa Naga Bible 2001

⁶ Yuq muinz nuimshiq rueq vjux thoz ruiux yuq, kvmluimx thuinz vyaq maq rvmuq maq, kvmluimx thuinz maq thoz juing rvtueq. Kvmluimx thuinz vyaq waz ukhaq yuq muinz raungguil rueq htuiuz koq yuq kuix yaq svmuktvrax yuix daungx rulc rv-ngvlc yaq.

Muklom

⁶ Etharin nim aa baluk o romtam inn jo, kam eq chu inn etho chamtho nak nan inn; chammatakoi unantey sha jung kok mal, bara rangpong wang mot aa.

James 1:6 Referencias Cruzadas

RAPHA HIQWA LAK 49:4

Ümniika jüchhang jonghea watlaq ikha, Shatmaq ümniika wiita rü thaq na ajong pinthum ka riimaü mirhaü. Jamkhano ngukla ümniika ijamti-nyung chakliip rai kiicham laü. Laüta ümwe changdü tiishe laü.

Matthew 14:28

Kiijiishe Petar raq atsaiji ka tiijong saq raüta, “Tatiwe ümniidea jiila ngi ka ümnaq phana kham thaq maq khumho lata kai miitu ngi ma aming kuqlaq,” nguta treto.

Acts 10:20

Ümniika hiq niishe satkikiq. Laüta, tsangtsam rai wadam miitu ümniika naqkhaiq khamkiq. Jamkhano ngukla, tsangtsam ka ngi raq atiikiha,” nguta Wenyi raq apaiq ma chongkuqto.

Ephesians 4:14

Kra akhing na, nashiq ka nosere ikha, maiq bom maiqsa ma kona jon wa, kona shonki ka riimai she. Arot akiq maiqse, maiqlao liiti raq jamlai wa, arot akiq traho bomtsi shrinkuqtlaq, kra manphan jüche ka tai laita, nashiq ka shonbii kimai she. Tsangshiq riika laolot mak she.

1 Timothy 2:8

Arkha maq maiq, barapti raq, noqku akhingtek na, maiqwere raq achu jaü ronglaq. Maiqmii khum ka Shiikeawe ma kiinong kuq lanta siti, kamasham na maiqlare nguta sitlanti ka chap lanta, asii jaq ka ra na do lanta achu jaü ronglaq. Achu jaü lam maq, tsan na akhiq abi kiimaq maiq rai riikhii riilea tiima tsantsii jam min naq thü rongkiq.

Hebrews 10:23

Nashiq ka, jamlai mo ran tiikai arka poimak phan, milap rong i dongdii nguta tsankhun, mongngam maq si rong i. Ara jamkhano ngutiikai ngukla, Shiikeawe raq nashiq ma jamlai wa mikuq ha nguta kiqkham kuqtaq kriika tengteng.

Hebrews 11:6

Kamtsantsii ahü maq, jurmin Shiikeawe tiichochi lot mak. Arkha maq, juwa Shiikeawe phana watlaq, kriiti raq Shiikeawe ka asi kiimaq apaiq rit wanti miika poksi mikuq dongdii nguta, kamtsantsii thü raa tlo.

Hebrews 13:9

Tsütsa Ahea na chongtlaq, tingting rilung lamphan tlan kiiwa, maiq ahinti raq, namshiq ma arot akiq bomtsi thun shrinkuq raüla, namshiq tiishon ron haü la, namshiq ka naqshon rongkiq. Shiikeawe kaphap mangchan wokhong maq, nashiq ka tsailam jilam sitiikai. Ahata nashiq ma ningkun tu. Shatmaq, aphaq asea lam na seng raüta, arphan arka phaq sea raa mak; arphan arka aphaq sea chang; arphan arka phaqsiq mai chang, apii phan nguta tlang kuq tlaq, kra bomtsi ka, nashiq ma aliip dong chang ahü. Akhnok tri lamphantibi miika jamlai achu min ahü.

James 1:7

Ara chongtiikai akha, kamtsantsii na jonlang jonla tsiiti riika, Shiikeawe lam phan na ardea thukto nguta thimi tsii mak. Akhiiti riika Shiikeawe jaq wa achu shiiman milap ha nguta akhiismin tiima raa mak.

James 5:15

Ara kam raüta achu jaükuq tlaq ariiraq atsi ka ahea mirki. Tatiwe raq apaiq athatsi ka mitiihea kuq. Kiimaq apaiq raq ngarai thun tangtaq kriimin adii mirkuq.

2 Peter 2:17

Ara arot shrabi thun arka khamrai arü arki, jükhü sitlaq ikha süpotpot. Kiimahali tsangshiq ka phumlü da, ra na rahai raq pan tlaq ikha, khampü ahü phumda sitlaq ikha. Shiikeawe raq tsangshiq ka Phangthum Khapho Ranaiq, ranyaq tangtang mong kiina mitiidea baiq.