ISAIA 8:4 - ASII LAKDAP Bible (BSI)

⁴ Ara no ka, ‘Nyung-nyung’ nai ‘Wewe’ ngutiimin mibomtsü shaq liipan niili Damaskas chela wa tsiiq nai nyam tum thun kra wiita kiimaq Samaria chelati raq maiq tsiiq tek raüta atum atum ato thun kra Asiria mung hokhamwe raq wiita mihophaq wan.”

Hawa Naga Bible 2001

⁴ Kvruex nox kuex ‘Inyuiuz nuiyc iwaz,’ ngoz tueq max gvl thenc nuex Asiria hokhvmx waz rueq Damasku wawc hup vsvmx lotlaz nuiyc Samaria ghaq khvt vtueq vlvp wvnc hup svmx htenc kuex lvmz wvnc shuex,” ngoz tueq jungx phuex.

ISAIA 8:4 Referencias Cruzadas

2 HOKHVMX 15:29

Peka ka hokham jatlaq pat na, Asiria mung Ajong Pinthum Hokhamwe ka kiraüta Israil mung ka khatto. Raüta Ijon, Abel Beth Maaka, Janoa, Kedesh, kiimaq Hajor chela thun, kiimaq Gilead wang binjü thun, Gelili wang, kiimaq Naphtali chela thun kra khatto. Raüta arthun chela wa mungmaiqse ka munglu shumwi ma Asiria mung na tsuq wanto.

2 HOKHVMX 16:9

Tiglath Pilesar raq Ahaj tiipaiqneatlaq kra bomtre she phenlabi sheaho raüta kito. Raüta Damaskas chela ka khatto. Raüta jiito. Raüta Hokhamwe Rejin ka tsat baiqto. Raüta kriiwa mungmaiqse ka munglu shumwi ma Kir chela niishe tsuq wanto.

2 HOKHVMX 17:3

Asiria mung Ajong Hokhamwe Shalmanesar raq apaiq rai riikhatto. Kiimaq Hoshea ka Shalmanesar puk na nyapto. Raüta apaiq ma wiitek tijong tsiiq kuqto.

ISAIA 17:1

Tatiwe raq nguto, “Damaskas chela ka chela miika jamak she miraq. Kriika hiqmiq changkhü miishe mijaki.

ISAIA 17:3

Israil mung ka atiiwongketi jumin ahü miraq. Kiimaq Damaskas chela ka wase riimak she miraq. Siria mungti re jaq song atiichongkiti thun ka Israilnok kiikha munjuk mijukli she miraq. Arka Ngi Ajong Pinthum Tatiwe raq ngutiikang.”

ISAIA 28:4

Kra mungtubi khushü mutrai wantlaq kriika phupmuptsi tsipha manchoji wa, atsi aman ka hiq na rokki tlaq ikha, raüta maiq raq tsunsiq tlaq, raüta thumkitlaq ikhli mimoki.

ISAIA 8:5

Tati raq ngi ma thongshi ri hali chong nongto.

AMO LUIK DVP (AMOS) 1:3

Tatiwe raq akha ngutlo, “Siria mung nyungchong Damaskas chelati raq, atang wan ngarai homa, hiq ma ra ma she tang wanto, tsangshiq kha tiijoq mang maq mipho ha. Tsangshiq raq tri weahü, Gilead wangti jinshuk wi hea na tiichopto, Raüta tsatbaiqto.

AMO LUIK DVP (AMOS) 1:5

Damaskas chela kiitelong ruk kilamchong, ka bunlak mibuk wan ha. Lata Awen Hiqthung Tan na siti mungmaiqse nai Batheden hiq wa wela kiimin, wiita mitsuq wan ha. Lata tsangshiq ka, Kir mung na re raq shumwi ma mitsuq wan,” nguta Tatiwe raq ngutlo.

Jona 4:11

Ikhiijiika, ara Ninewi chela jonghea na, mungmaiqse sengshi ri munnai chan sitlo. Tsangshiq raq tsangjaq jaqpha nü maq jamlai wa sham tlaq kra tsang jaq jaqtsi nü raq sap mak, kiimaq arthaq niimin nyamse pahea asi. Kra ningkhan ijaqphi phok maiqmak shea miraq.”

Romans 9:11

Riita, tsangnai siphu wenai kiiwa, weshi tsea wantaq kriika, Shiikeawe apaiq raq thapthi tlaq kra phanphan tsea wanto nguta tiichhike miitu, Shiikeawe raq Rebeka ma, “Ümse wenai kiiwa, aphu we ka ano we jaqkhong na misi,” nguta chongkuqto. Shiikeawe raq ara Rebeka ma chongkuqtaq arka, tsangnai siphu rawii min michhi shaq niiphü chong kuqto. Kiimaq tsangnai raq, tsangnai jaq maq jamlai phan ahea abi sham akai min, misham wan shaq niiphü, Shiikeawe raq, ara bom ara chongkuqto. Krai mren, Shiikeawe raq tsangnai siphu wa, weshi tsea wantaq kriika, Shiikeawe apaiq raq kiqkham wantaq, kra thaq na seng raüta, chechiip wanto. Tsangnai raq Shiikeawe man na, jamlai phan Shiikeawe tsan tiiheali chang, jaqsham ahea sham raüta tsea wan ka riimak.

TRI CHONGKE 1:39

“Kra ngu raütiishe Tatiwe raq nashiq tarü ma akha nguto, ‘Namsetiim ümchaü lairap ahea abi misap shaqti thun kriitiq kra mung kiijaq misaü wan. Namsetiim ümchaü namshiq raq re jaq na mitsai ngulantibi kra kiina misaü wan. Ngi raq tsangshiq ma kra mung ka mikuqha. Kiimaq tsangshiq raq mung ka mijii wan.