ISAIA 8:16 - ASII LAKDAP Bible (BSI)

¹⁶ Namshiq ijaqshisetiim raq Shiikeawe raq ngi ma tsütsa bomtsi achongkuq thun kra tsapkapkap maq saiqsam lantea riim ratlo.

Hawa Naga Bible 2001

¹⁶ Ngvy sangac hez lex, Tishox rueq ngaz muex vkuq bomjungc htenc kuex tvguing tvwungx taq shuinz.

ISAIA 8:16 Referencias Cruzadas

2 HOKHVMX 11:12

Kriithun kra tiijelot raütiishe Johoiada raq Joash ka Shomjam mong wa kinphai niishe sheahoto. Raüta hokham khuphok ka apaiq ma tiiphokto. Raütiishe apaiq ma hokhamwe jaqsham thungtri dap ashi ka apaiq jaq niishe kuqto. Raütiishe Joash khupo na ramkham tel maq nyukto. Raütiishe apaiq ka hokham ma shongkai lii nguta chiiriim raüta chongto. Kiimaq mungmaiqse riimin tsangshiq jaqphi phok raüta, akha gitrangto, “Hokhamwe ma rilung alu mirlaq!”

Tvtsvmc 25:14

Tatiwe ka awokhong na siti ma khi alu, kiimaq apaiq raq atongshong tri ka tsangshiq rai atiipha shat raüta sitlo.

ISAIA 50:4

Ajong Thaq Na Ajong Pinthum Tatiwe raq jamlai chong chang wa kra ngi ma shrin kuqto, kra ningkhan ngi raq ahun aniiti ma ningkun shoqkuqlot tiikang. Wranaptek apaiq raq itsan tiichhiitlo; apaiq raq ngi ma jamlai phan shrinkero wa kra tai miitu.

ISAIA 54:13

“Ngi raq ipumsii maq ümsenginok ma mishrinkuq wanha, lata tsangshiq ka chiithe lüwanok ma mitiija wanha, kiimaq hansang maq mirüm wanha.

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

DANIEL 12:4

Apaiq raq ngi ma nguto, “Riita, Daniel lei, kra lakdamkom ka, ümchaü akom laüta shaq thülaq. Laüta phangthum akhing misaüho shaq wiiwii, sil maq trap laüta phan thü laq. Kiimaq kra liipan na maiqse pahea raq, jamlai mra wa pin tlaq kra, sap wan haijaq nguta atu na phaqchi rit, kai mihun niiwan.”

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

Matthew 13:11

Kiijiishe Jesuq raq treto, “Ramungtan sap wan anyan phaqchi apaü raüta athü kra namshiq miika kuqto she. Shatmaq tsangshiq miika tiichhikuq mak dea.

Mark 10:10

Tsangshiq ka jam na jang wan nong jai she, ajaqshisetiim raq Jesuq ma ara bomtsi ka tiitsang waito.

Mark 4:34

Apaiq raq tsangshiq ma tra hokuq wantlaq akhing na, akha shiiton manphan setiim maq siisaq chong kuqto. Shatmaq, ajaqshisetiim rai tsangshiq honhon sitlaq liipan niika, tsangshiq ma kra shiiton wantaq liichum thun kra tru chongkuq tlo.

1 Corinthians 2:14

Jurwa Asii Wenyi lap mak dea, kriiti riika Shiikeawe Asii Wenyi raq akuq kongphiq ka lap lot mak. Akhiiti riika Asii Wenyi kongphiq ka jamlai wa, kra asap min sap mak. Apaiq ma Shiikeawe kongphiq thun kriika hiqtili ikhiili. Ara jamkhano chongtiikai ngukla, Asii Wenyi jaqsham tsingo kriika Wenyi maklii maq liiwan raütiq athü ka misap.

TRI CHONGKE 4:45

Kriika tsangshiq ka Ejip mung wa laü wan raüta Jordan Rai maq shedong nü mung na hiq thung tan wang na Bethpeor chela maq khariire na sitlaq akhing na Mosheq raq arthun thungtri raütu ara tsangshiq ma kuqto. Ara hiqshong arka Amoraiq phan Sihon Hokhamwe Heshbon chela maq siraüta amung peng wantaq kra hiq binjü na riito. Mosheq nai Israilnok raq tsangshiq ka Ejip mung maq laü wantaq akhing apaiq ka khatto raüta tangto.

Hebrews 3:5

Mosheq ka Shiikeawe jamkun na tsapkapkap setsang setsii jaqshise ashi siwanto. Krai mren, Shiikeawe raq apaiq ma rawiichii miitu, jamlai bomtsi wa chongkuqtlaq kra phanphan tsapkapkap maq Israilnok ma chongkuqto.

Revelation 10:4

Tsangshiq raq kra chonglot ri she, ngi raq awaiq riithü la nguta dankang. Shatmaq, ngi ma ramungtan maq maiq bom ashi raq, “Ramok miishi raq jamlai bom wa chongtaq kriika kaiqshak maq apaü laüta thülaq. Kriika naq waiqthü kiq!” nguta tiiwin riimto taikang.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.

Revelation 2:17

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq! “Rekhat tang wanti ma, ngi raq apaü raüta athü man na kiiwa wiijam mikuq ha. Kiimaq hali, ngi raq tsangshiq loweatek ma longpo lüdiidii poshi mikuq ha. Kra longpo na mang anye tiiwaiq shat miraq. Kra mang ka, kra lap tlaqti ka tlea raüta, maiq ahinti jurmin sap mak miraq.

Revelation 5:1

Ngi raq hokham ngacho na ngati we, jaq jaqtsi nü na lakdam kom ashi chhikang. Kra lakdam kom ka siimhap ri na waiqje siisaq. Kiimaq ba miishi na sil maq trap phanje.

Revelation 5:5

Kiijiishe nyungwere phong wa maiq weshi raq ngi ma bom ka akha chongto, “Naqhoqkiq. Liilaq! Juda weraü wa hangsi kaü Dawit ma asaü saüpai, ajong weshi raq rekhat ka atang wan kun she. Krai mren, apaiq raq ara sil atrap miishi ara tiibun raüta, akom ka alin miraq.”