ISAIA 7:4 - ASII LAKDAP Bible (BSI)

⁴ Apaiq ma hon lamshat maq silaq. Laüta ümniika tsan awok sanglili maq ngalaq. Kiimaq ahai ka naqhaikiq. Kiimaq naq chhang hangkiq. Hokhamwe Rejin tsankhiq nai asengi Siria phenlabi kiimaq Hokhamwe Peka tsankhiq ka chinkiisenai wathiq amat wan ma khukraitlaq ikha jamhaisong chang min ahü.

Hawa Naga Bible 2001

⁴ Honc lvmc tvkoc muinz, kuiyqshuik httaz tvkoc muinz, vkawc yawc raz tueq thuinz nuex ruingraung muq juing jungx shuiuz. Hokhvmx Rezin nuiyc Siria miqsaz thuinkhvy nuiyc Hokhvmx Peka khaq yaq kuex janx htaq nueyc maq wvr khuiuq dung yaq htauk nuex jvnc vtueq hiz juing httax yaq rvmuq.

ISAIA 7:4 Referencias Cruzadas

2 HOKHVMX 15:27

Juda Mung Hokhamwe Ujjia raq mung lang wan li maq rawii roqbiingi ri wiinai she angu na, Remalia se Peka ka Israil mung na hokham ma shongto. Kiimaq apaiq raq Samaria chela maq ngaraüta Israil mung ka wiiroqnai siqto.

2 KAÜWA WERAÜ 20:17

Namshiq raq ara rekhat ngomin raamak. Namshiq ka khekham chap lantli khe ronglaq. Tatiwe raq namshiq ma re ka mikhat kuq. Raüta mitang kuq kriili liirong laq. Juda mungti nai Jerusalemti lei, namshiq ka naq khaiq kham rongkiq. Kiimaq naqhai rongkiq. Rekhat kai ronglaq. Tatiwe ka namshiq rai miraq!”

ISAIA 10:24

Ajong Thaq Na Ajong Pinthum Tatiwe raq asenginok Jajon na siti ma akha ngutlo, “Asiria mungti ma naqhai rongkiq, tsangshiq raq namshiq ka Ejip mungti raq jamkho jamshataq ikha jamsha rattlaq li jiimin naqhai rongkiq.

ISAIA 30:15

Ajong Pinthum Tatiwe, asii Israilnok Shiikeawe raq nokmaiqse ma akha ngutlo, “Namshiq ka jang wan nong ronglaq. Lantea sangli li maq ngi ma kamtsantsii thüronglaq. Raüla namshiq ningkun ka ajong miraq kiimaq khusang maq mishonghan.” Shatmaq namshiq kra taiman tlan!

ISAIA 30:7

Ejip mungti raq khrum jaqshamtlaq kriika jamlai achu ahü thiihü atuli. Kriikhana Ngi raq Ejip mung ka ‘Pusut prenkaü, ngutiishe mangkuq kang.’”

ISAIA 35:4

Tsaiji aranti loweatek ma akha chonglaq, “Ningkun shoq ronglaq, naqhai rongkiq! Shiikeawe ka namshiq tiichhiikai kitlo, namshiq jaqtinok ma mo tiihokai kitlo.”

ISAIA 37:6

apaiq ara tsütsa ara tiijang wanto; “Tatiwe raq ümniima chongtlo, Asirianok raq namshiq ka apaiq raq tiichhiikuqlot mak nguta chongtlaq kriima namshiq ka naqhai rongkiq.

ISAIA 41:14

Tatiwe raq ngutlo, “Ümniika aranse kiimaq ningkun ajom, Israil lei naqhaikiq, Ngi raq ümnaq mikhrumkang. Ngi ka, asii Israilnok Shiikeawe ahata ümnaq tiichhiiti.

ISAIA 7:1

Hokhamwe Ahaj, Jothamse kiimaq Ujjia ma asaü raq Juda mung pengtlaq akhing na re dongto. Siria mung hokhamwe Rejin kiimaq Peka, Remalia se, Israil mung hokhamwe raq Jerusalem ka khatto. Shatmaq Jerusalem ka jiilotmak dea riito.

ISAIA 7:8

Jamkhano ngukla, Siria mung ningkun ka tsang mung nyungchong Damaskas chela thaq na ajong riimak. Kiimaq Damaskas chela ningkun ka tsang Hokhamwe Rejin ningkun thaq na ajong riimak. Kriimaq Israil mung khuthaq wa bom ka akha, wiiroqtrok ri wiibiingi liipan kiijiili Israil mung ka mungtan ashi ikha silotmak athum she mirki.

ISAIA 7:9

Israil mung ka tsangmung nyung chong chela Samaria thaq na ajong riimak. Kiimaq Samaria chela ka tsang Hokhamwe Peka ningkun thaq na ajong riimak. “Ümkam tsantsii ka phataqtaq atsing angang riimak raüla, ümniika tsinglot maü mirhaü.”

ISAIA 8:4

Ara no ka, ‘Nyung-nyung’ nai ‘Wewe’ ngutiimin mibomtsü shaq liipan niili Damaskas chela wa tsiiq nai nyam tum thun kra wiita kiimaq Samaria chelati raq maiq tsiiq tek raüta atum atum ato thun kra Asiria mung hokhamwe raq wiita mihophaq wan.”

ISAIA 8:6

Apaiq raq nguto, “Arnok raq Shiloa kham raise wa kitlaq khangririhea kham ka miimbaiqto. Raüta Hokhamwe Rejin nai Hokhamwe Peka khaki na atiikhai rokshrok haitlo.

AJONJÜ 3:26

Arningkhan nashiq ma ahea pinthum ka, tsankhun tsanmin maq bumlaita, apaiq raq nashiq tiichhii wan ranaiq tiihongtaq, kra ranaiq saükai kli she khe rong i!

AMO LUIK DVP (AMOS) 4:11

“Ngi raq Sodom nai Gommora chela shiithen baiq kang ikha, namshiq phong wa maiq wiijam shiithen baiq kang. Kriiwa aso wathiq chongpot ikha, tiisambaiq wan kang. Shatmaq namtsii chhi wan man dea. Kiimaq ngi phana jang wan man dea,” nguta Tatiwe raq ngutlo.

HABAKUK 2:3

Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.

JEKERIA 3:2

Kiijiishe Tatiwe rase raq Soitan ma, “O, Thawe lei! Tatiwe raq ümniika mitiishut baiq she! Jerusalem lungwiitiwe Tatiwe raq ümniika ümkhii riitii jiimin mitiishut baiq she dongdii. Ara ramwe Joshua ka nyeakii wa na akhiim wan she wa tiikhiimlap mak atsun baiq ikha.”

Matthew 10:28

Maiqse riika han-ngam khum kli mitsat lot; shatmaq wenyi ka tsatlot mak she. Tsangshiq miika naqhai rongkiq. Shatmaq han-ngam nai asak tsitsü kra wamungtan na tiikai lotti we Shiikeawe miili haisong tsantsii ka rüm lanta siwan lili ronglaq.

Matthew 24:6

Namshiq raq matdong tsadong reriikhat trang kra namshiq phai apha tho niili trang kongcha mitai han. Kiimaq pongbin wiiq na reriikhat wanto nguta tsütsa ka pahea mitai han. Shatmaq kra thun tsütsa kra tai lanta, namshiq ka naq chhang hang rongkiq. Arka Shiikeawe raq athi kun she. Shatmaq kra thun matdong tsadong mungbrak shaq tlaq kriika phangthum akhing mra pin ka riimak.

TRI CHONGKE 20:3

‘Israilnok lei, tiitsang taironglaq! Ümchaü ranaiq namshiq ka rekhat kai kitlan. Namshiq jaqti renok ma naqhai rongkiq. Riimakla tsaiji naq tran rongkiq. Riimakla naq kiinyii rongkiq.

1 SAMUEL 17:32

Dawit raq Saul ma nguto, “Chaü lei, ara Philistainwekaü arma, jumin hai maimak! Ngi kilata apaiq ka mikhatha.”