ISAIA 6:1 - ASII LAKDAP Bible (BSI)

¹ Hokhamwe Ujjia tsaikitaq rawii, ngi raq Tatiwe ka chhikang. Apaiq ka apaiq hokham ngacho na ngaraü, ratsan na, akhushü ngao jonghea khakii ngiimngiim chhikang. Kiimaq adü na samtong jongkaü samtlaq kriiraq Shomjam mong ka wiita hamto.

Hawa Naga Bible 2001

¹ Hokhvmx Uzia thueyc kaz tueq raungwawc, ngaz rueq Taungjix kuex khiz tauk. Vpiq kuex johvlc raungc hvlc hoc daungraungc nuex ngaungc yaq, vpiq hungluz khvy kuex Shomc Yuimx mvrc laz rvtueq.

ISAIA 6:1 Referencias Cruzadas

1 HOKHVMX 22:19

Kiijiishe Mika raq abi ri akha tiitsuq chongkuqto, “Ümchaü min Tatiwe raq jamlai wa chongtlaq kra tairong laq! Ngi raq Tatiwe ka ramungtan na apaiq hokham ngacho na ngaraü chhikang. Kiimaq arasetiim thun ka apaiq tho na chapraqraq.

2 HOKHVMX 15:7

Ujjia ka tsaito. Raüta apaiq maa ka Dawit chela na hokhambi maachiim na lapto. Kiimaq ase Jotham ka awe pumsong hokham ma shongto.

2 KAÜWA WERAÜ 18:18

Mikaia raq abi ri akha chongkuqto, “Ümchaü min Tatiwe raq jamlai wa chongtlaq kra tairong laq! Ngi raq Tatiwe ka ramungtan na apaiq hokham ngacho na ngaraü chhikang. Kiimaq arasetiim thun ka asiim tro na chap raq raq.

YOBA 42:5

Manniika nanok raq ngi ma ümbom achongkuq kriili taikang, shatmaq ümchaü sanha ngi raq ümsham ka imak miishe chhikang.

Tvtsvmc 108:5

Ümjonglu ka ra na tiichhikuqlaq, O Shiikeawe lei, kiimaq ümkhushü jong ka mangjong tlotli na tiichhilaq.

Tvtsvmc 113:5

Tati nashiq Shiikeawe khan jumin ahü she. Apaiq ka ratsan ramong nyang na tsaühea na sitlo.

Tvtsvmc 46:10

“Tsaq ronglaq naq riikhat rongkiq,” nguta apaiq raq ngutlo, “kiimaq namshiq raq sap ronglaq, ngi ka Shiikeawe, maiqmung thun thaq na ajong pinthum; kiimaq mangjonghiq raikhü na ajong pinthum,”

DUNGWVNC 24:9

Kiimaq Mosheq, Aron, Nadab, Abihu, kiimaq Israilnok welabi roqmiishi ka pum kiina wa wanto.

ISAIA 1:1

Ara lakdap na waiqtaq tsütsa thun arka Juda mungti nai Jerusalemti miitu, Shiikeawe raq Isaia ma atiichhikuq bomtsi. Isaia ka Amoj se. Apaiq raq shammi jaqsham wantaq arka hokhambi Ujjia, Jotham Ahaj kiimaq Hejekia raq Juda mung na hokham jaqsham wantaq pat wa.

ISAIA 12:4

Ranaiqshi akhing misaü wan kiitiikaq nokwe akha mishi, “Tati tiitsam ronglaq! apaiq jaq wa khrum jaü rong laq! namshiq khrum miitu! Mangjong tlotli ma chong ronglaq, apaiq raq namshiq ma jaq sham kuqtaq kra! Tsangshiq ma chong ronglaq apaiq jonglu kra!

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 66:1

Tatiwe raq ngutlo, “Ramungtan ka Ngi ngachang hokham ngacho. Kiimaq mangjong hiq ka ihok tiida chang hüda. Ümniiraq Ngi miitu jamkhiinok jam wa mihai kuq haü? Ngi sichang ka jamkhiinok hiq ba niiwa miklo haü?

EJEKIEL 1:1

Rawii roqtsam she angu na jipi lüblai liiwa rabiingi ngo ranaiq akhing riito. Ngi, ka ramwe jaqshamti. Iwe mang ka Buji. Kra akhing na ngi ka munglu shumwi ma atsuq wan Jehudinok rai Bebilon mung na, Chebar rai tan na sikang. Ramungtan ka atlin riikito. Kiimaq ngi raq riisham mak maq Shiikeawe ka chhikang.

EJEKIEL 10:1

Ngi raq cherubim khuthaq na jamtamkaü kiijaq liikangta, kriithaq niika hokham ngacho athii tsinhea phan saphir longseng maq alo ikha chhikang.

EJEKIEL 10:4

Kiimaq Tatiwe asi khushü ngao makse chathit chhainyii ka cherubim phong kiiwa ra nü na wawan raüta, Shomjam kilamchong tho kiiniishe wawanto. Kiijiishe Shomjam ka phum thup raq mong wanto, kiimaq rinkea keathung ba kriika walüli chhaitlaq kriiraq liliim wanto.

DANIEL 10:17

Ngi ka dise ashi atijongwe khaki na chaptlaq ikha chaptiikang. Ngi ka ümniirai jamkho mirbom damha? Ikhum na ningkun min ahü she. Kiimaq itsitsü min healot mang she.”

DANIEL 7:9

Ngi raq liishat imakki na, hokham ngacho phong tiihongto. Rathup Raphawe ka, ngacho phong wa ashi na ngato. Apaiq dü na asam khea thun ka, tsak-hiiq ikha lüdiidiihea riito, kiimaq akhubin ka chiisan skurai ikha, lüdiidii hea riito; Apaiq hokham ngacho ka, watu jikom thaq na shongto, watum nyaitlaq ikha nyaitlo,

WEAWEA 12:8

Kra ningkhan, Ngi raq apaiq rai ka mantut na tiqtaq riibom dam tiikang. Linham linhok riibom dam tiikang. Shiiwang bomtsi miika riimak. Apaiq raq Ngi sham ka jam khiiwa kriimin chhito! Ikhla namnai raq ijaqshise khuthaq na bombi kiqsü ka jaram wa kuq tlan?”

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 12:41

Isaia raq ara riisham bom chongkuq thütaq arka, apaiq raq jai na Jesuq khushü jonghea dong wan chang dea asi shaq, kra chhi raüta chongthüto.

1 Timothy 6:16

Apaiq kli ka tsai mak phan; Apaiq ka mangjong maiqse raq jurmin chhi walot mak chang ramungtan rawüli na siti we. Apaiq sham ka jurmin chhi mak dea; Kiimaq apaiq sham ka jurmin chhilot mak miraq. Wiitarü raq Apaiq kli mishreng laq. Kiimaq pattup thum mak miq mak maq, ra nai hiq ka milang laq! Amen.

Revelation 15:8

Kra shomjam ka Shiikeawe khushü nai Shiikeawe ningkun wakhuk raq mong raüta, wiita nyamto. Krai mren, rasetiim miishi raq thawa phan miishi ka, mangjong hiq na raübaiq ka mithum shaq wiiwii, shomjam mong na jumin nyap wa lot mak she riito.

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.

Revelation 4:10

kiijaq nga tlaq shiilangbi weroqnai ri weblai kra riimin, hokham ngacho na ngati we khaki na, hiq na bumrang rang raüta, pattup pat-sa atra sitiwe kra shomnoq tlo. Tsangshiq raq tsangshiq khuphok ka, hokham ngacho na ngatlaq we khaki na tiiwe rangrang raüta, akha shomnoq tlo:

Revelation 4:2

Asii Wenyi raq ngi ka romsaq li she ramungtan na shea wanto. Kiijaq ramungtan na hokham ngacho ashi chhikang. Kiijaq maiq weshi nga raü chhikang.

Revelation 4:3

Apaiq theaphi ka athii tsinhea phan longseng jespar, kiimaq karnelian longseng chhai tlaq ikha, chhaihea lang lang, awai nai ashii rong chhai rai tlo chhikang. Kiimaq kra hokham ngacho kra komtam na, maitsai kaü ashi asi. Maitsai rong ka emarel longseng chhai tlaq ikha chhai nyiinyii hea.

Revelation 4:9

Atra ngamkaü blai raq ngacho na ngati we kra shomnoq, apaiq khushü jong ka tiitsam kam shinge, shreng manto shinge, kiimaq apaiq somra shinge shishun trang tlo. Apaiq ka pattup pat-sa atrali siruq sitiwe. Ümtiikiiwa ngamkaü blai raq shitrang tlaq, tsangshiq rai dangshi maq

Revelation 5:1

Ngi raq hokham ngacho na ngati we, jaq jaqtsi nü na lakdam kom ashi chhikang. Kra lakdam kom ka siimhap ri na waiqje siisaq. Kiimaq ba miishi na sil maq trap phanje.

Revelation 5:7

Kiijiishe, Skuse ka wa raüta, hokham ngacho na ngatlaq we jaqtsi nü kiiwa lakdam kom ka jaüto.

Revelation 6:16

Tsangshiq raq aho anyi lam maq, ku akin thun kiima, “Naishiq ara hokham ngacho na ngati we maklii wa tiiwong kuq rong laq. Kiimaq Skuse tsankhiq walü wa kiiwa tiiwong kuq rong laq!