ISAIA 57:3 - ASII LAKDAP Bible (BSI)

³ Ana warong ra, namshiq ngarai maiqsetiim, namshiq kha ka tiipho wa rongkiq! Namshiq ka maiqwuq maiqlongti nai achak sishat taü maq maiqchak rai sra kaitibi nai mephe nyungre ikhli sitlan.

Hawa Naga Bible 2001

³ Mvrax yaq jix miq lex, vphoc rvhumc tvkoc vyuq kaz luit! Nuimshiq kuex phusuc jix, miq juik muex yaq jix, mephex yaungc jix hez htauk nuex muinz bac hvlc rvtuit.

ISAIA 57:3 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

ISAIA 1:21

Kra chela ka man na tsapsaükapse maq siti riito. Shatmaq ümchaü sanha mephe nyung ikhiishe sitlo! Akhing ashi na kra chela na siti kechu maiqse tonglong riito. Shatmaq ümchaü ka maiqtseati matwe tsawe tonglongli she sitlo.

ISAIA 1:4

Ümniika miqlaü she. Ümniika ngarai kaq mung ashi. Ümniika ashe kiimaq abi pinthum! Ümngarai riilishe ümniika patbaiq wanto! Ümniiraq Tati, asii Israilnok Shiikeawe kriika no na tsuqbaiqlaü. Laüta ümniiraq apaiq ka jainong nümiishe shungbaiqlaü.

ISAIA 45:20

Tatiwe raq ngutlo, “Warongra adam na, maiq mung thun wiita, mungtan thenjai aso tiichonglanti thun; namshiq kha tiipho rung na chap ronglaq! Namshiq pe sumla phra kong rai arü ariiq khumlanti thun, kiimaq tisho kong raq tsangshiq chhiilot makti thun; tsangshiq ka jammin sapphaq mak!

ISAIA 48:16

“Ümchaü min ana ithona warongra lantea Ngi raq jamlai wa chongtiikang kra taironglaq. Aphaji niiphü Ngi raq linham linhok chongkuqkang, kiimaq wranaiqtek ibomtsi ka khashkhaq tiiku piwan kang.” (Ümchaü Ajong Thaq Na Ajong Tatiwe raq ngi ma apaiq ningkun kuqto raüta ngi ka tiikito.)

ISAIA 57:7

Namshiq ka pum diiluwiq kiina walanta honglu kuqwatlan. Kiimaq jechakre rai kiichamtlan.

ISAIA 58:2

Tsangshiq raq Ngi ka wranaiqshe shomnoqtlo. Raüta tsangshiq ka pinthum ilam phan thun kra sap wan miitu kiimaq itri raütu kra lang wan raüta siwan miitu shiikut chaq tiikai nguta tiitsakiq siqtlo. Tsangshiq raq ngutlo Ngi raq tsangshiq miika riikhaqli tingting tri raütu kli kuq raüjaq ahea miraq. Kiimaq tsangshiq raq Ngi shomnoq lam maq kai khoqriiqtiikai nguta tiitsakitlo”.

JEREMIA 3:6

Josia ka hokham jatlaq akhing Tatiwe raq ngi ma nguto, “Sethoq nyung Israil raq jamlai wa klotaq kra chhitlaü shea? Apaiq ka iwokhong wa ahin niishe juhoto. Raüta kin diilulu aweatek na, kiimaq pesang chong ajaq nüm hea chongjitek na, ngaraüta mephe-nyung ma jato.

JEREMIA 3:9

Kiimaq apaiq ka ajeasi ngutiimin ahü. Apaiq raq mung ka wiita tiisheshi baiqto. Kiimaq apaiq raq longkaü thun nai pechong thun kra shomnoq raüta awese sishatmaq sethoq ja ngarai tangto.

Hosea 1:2

Tatiwe raq Israilnok ma Hosea lümaq aphashaq shaq bomphahotaq akhing na, apaiq raq Hosea ma akha nguto, “Kilaq. Laüta ümchak ka lamkikiq. Ümjamti nyung ka mephe-nyung ma mija. Kiimaq ümsetiim kiimin anyung kiikhiisii miraq. Kra niqriri sii hali Israilnok kiimin iwokhong na simak, ipuk wa ahin niishe dongkito,” nguta Hosea ma nguto.

Hosea 2:4

Ngi raq asetiim kiimiimin, mangchan tiichhi kuqmang she mirha. Jamkhano ngukla tsangshiq ka siqphin sekong, anyung mephe jaki raüta ahum wan.

Hosea 2:6

Kra ningkhan ümchaü ngi raq, apaiq kai chang lam na, kiida raütsung miishe miruk baiqha. Lata ngi raq apaiq kaichang lam ka, khetuk hailata mitang baiqha. Krai mren, apaiq raq akai chang lam ka hum mak she miraq.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Matthew 12:34

Namshiq ka paüsang nyiqla kong! Namtsan mong na anyaq rüm wan tlanti raq, bomhea ka jamba wa hum lanto mibom han? Maiqse tsan mong na jamlai phan wa sitlaq, kriili apaiq raq anübok maq mibom.

Matthew 16:4

Ümchaü pat wa maiq arka abi pinthum. Shiikeawe sap mak! Namshiq raq ngi nangnga amao chang jaqsham tiichhike ra nguta maitai tlan nya? Tiichhi mang! Namshiq ma tiichhike chang amao chang jaqsham kriika shammi we Jona rilung na lea wantaq jaqsham kriili she mitiichhi kuq.” Kra ngo jai, tsangshiq ka kiijaq chap raqraq li baiqthü raüta, apaiq ka ahin niishe wawanto.

Matthew 23:33

Namshiq ka paüsang nyiqla setiim kiimaq paüsang nyiqla phan! Wamungtan na tiidea wan tlaq kra wiika jamkhii mitiichhii rong i nguto tiima tlan?

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Luke 3:7

Krai mren, mungmaiqse ka akong ada maq, Johan phana kham tlamkai kito. Johan raq tsangshiq ka akha sonto, “Paüsang nyiqlase kong loi! Namshiq khuthaq na Shiikeawe tsankhiq walü tu saü wan tlaq kriiwa, rakhütsiri maq kham lam lan tli, mihang wanlot han ngutiisha tiima tlan?

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

1 John 3:10

Ara chongtiikai arhata, Shiikeawe setiim nai Thawe setiim liipan na atrai chang trai longshong kaü ikha tiishong shat sitlaq ara. Jurwa athuk atsom jaqsham chang kra sham mak riitlaq, lo aphu ano ka lungwii mak sitlaq, kriiti ka Shiikeawe se ka riimak.