ISAIA 5:4 - ASII LAKDAP Bible (BSI)

⁴ Ngi raq ara spiqro shiikumpan mang jamlai phan no laqthaq kang? Riita ara spiqro raq atsi ka haidangdang jam nguto tsi tla? Ngi raq lungwiitiikang tsihea asum akam ka jam nguto tsikuqmak?

Hawa Naga Bible 2001

⁴ Kvruex sunc shuimx tauk nuex ngaz rueq yauk shuimc tvkhvlc gay lvmz yvmx lac httax tvnx? Kvkhoc rvyruiux yvmx rvtueq lac ngaz rueq tvluimc vshaungx ikhoc vthuey vhvlx thuey muq maq, svpiq thuey vhix thuey kaz tvnx?

ISAIA 5:4 Referencias Cruzadas

DUNGWVNC 37:22

Apü shun thun, akü thun, kiimaq lem-khamchong thun ka chaq bushi kriili tiiq raüta aklo.

ISAIA 1:5

Ümniiraq ikiq khü wanli she ka jam nguto sruriitlaü? Riita ümniiriika imo ka arthaq niimin laihea howan sha rotlaü? Israil loi, ümkhupo niika ümchaü sanha ami atsi phongli she. Kiimaq ümtsantsii nai ümkhutsai ka wiita atsi makaiq she.

JEREMIA 2:21

Ngi raq ümniika ahea pinthum spiq lai ikha lam lata chhikang. Shatmaq liilaq ümniika jamlaimo jaki laü! Ümniika anam arki, thiihü spiq tsung ma jakilaü.

JEREMIA 2:5

Tatiwe raq akha ngutlo: “Namtitiim raq ngi tiishutphit chang mra jamlai wa humta? Tsangshiq ka iwokhong wa jam nguto juhota? Tsangshiq raq thiihü sumla phra thun noqto; raüta tsangshiq kiimin thiihü ma jakito.

JEREMIA 24:2

Kra apha shaq shaqti phupmuptsi tamliiti ka aheawiq siisaq. Kongkhu na tsitlaq mankhutsi siisaq. Kra jai wa phupmuptsi tamlii anai ngojati kriika abi ati siisaq. Asea ma maimak bihea.

JEREMIA 7:25

Namtitiim pat na Ejip mung maq laüwantaq ranaiq maq pha wan raüta, ümchaü ranaiq niitaq saüli, ngi raq ngi ijaqshisetiim shammibi ka namshiq pha na tiiki ruqli tiikitiikang.

JEREMIA 7:26

Kra taü maq dongdii min, jurmin tsangshiq bom ka taiman. Kiimaq tsantsii kuq man shishe wan lan. Tsangshiq bom tai wan rii na, namshiq ka namtitiim thaq niimin nilan kiimaq kiqkhii srurii wan kli shiichaqtlan.

EJEKIEL 24:13

Jerusalem lei, ümsethoq jasha raq ümkhum ka tiishe shibaiqto. Ngi raq ümkhum ka tiisii hetseke shiikut kang. Li jiimin ümniika asheli riishat shat. Ümkhum na itsankhiq walü nyai heng kra ümniiraq kunli misap haü shaq wiiwii, ümniika ashe li she misihaü.

Hosea 10:1

Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!