ISAIA 44:3 - ASII LAKDAP Bible (BSI)

³ “Ngi raq khamnyang tsitlaq mung na kham mikuqha, kiimaq shinriiqriiq hiqraikhü na jüseraisetiim mitiikiha. Ngi raq iwenyi ümsetiim khum na miraükuqha, kiimaq ümsaütiim ma ram miramkuqha.

Hawa Naga Bible 2001

³ “Ngaz rueq khvmx sac yaq ghaq vraungx muex yuix shvy kuq shaungx, htuiz rawk yaq ghaq htauk nuex yuix saz ruilx htenc tvkaz shaungx. Ngaz rueq nuimshiq sahez htauk nuex ngvy siyac kuex ruiuc htawc shaungx, msuiuz msaz htenc htauk nuex ngvy ruimrix ruiuc htawc kuq shaungx.

ISAIA 44:3 Referencias Cruzadas

YOBA 5:25

Ümsetiim phong ka keathung na nyiimlung rü na nyiim jaq nim tlaq ikha pahea miraq.

Tvtsvmc 107:35

Apaiq raq kumtsaiphii binjü ka thamchum tonglong wang ma klaito kiimaq shinriiqriiq binjü ka tsiimserai phong binjü ma tiijato.

Tvtsvmc 63:1

O Shiikeawe lei, ümniika i Shiikeawe, kiimaq ngi ka ümniima rantiikang. Ngi ka ikhum wiita kuqlata ümniirai sirohea; shinriiqriiq, hiqsiithung, kiimaq kham ahü hiq ikha, itsaiji ka khamnyang tsihea maq ümnaq rittlo.

TAKSU LAK 1:23

Ngi raq tsii chong tsat-son tiikang ara tairong laq; Ngi raq ümniima tsii chongkuq tiikang ara tailaq. Ngi raq ümniima itsan mong wa tiima tsantsii kra michong kuqha.

ISAIA 27:3

“Ngi raq ara chhintsii wankang. Lata kham maq aheawiq nyukruq nyuk kang. Lata maiq raq tiibiti mak chang miitu Ngi raq ranaiq rawa kheshat maq liiwan kang.

ISAIA 32:15

Shatmaq jangshiri hali Shiikeawe raq apaiq asii wenyi nashiq ma mikuq nong. Kra wakram shamseahü amiimbaiq thun kra thongshiri hali hiqpo hiq win ma mija nong. Kiimaq kra ramsea binjü kiiwa tü atsam ka aheawiq aphok alok mihea nong.

ISAIA 32:2

Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.

ISAIA 41:17

“Ümtiikiiwa isenginok raq tsangshiq letsi na kham jaüjiiq, tsang kham nyangtsi raq rot shin wan raüjaq, kiitiikaq Ngi, Tatiwe raq tsangshiq achujaü mitreha; Ngi, Israilnok Shiikeawe raq, tsangshiq ka ümtiikiimin tiishaübaiq mang.

ISAIA 48:19

Namsaü namsetiim phong ka kumtsaiphii na kumtsai riiphongtlaq ikha mipuchi wan wa; kiimaq Ngi raq tsangshiq ka ümtiikiimin tiithenbaiq lot mak chang miklo kuqhawa.”

ISAIA 48:21

Man na Tatiwe raq asenginok ka akewiq, shinriiqriiq kumtsaiphii lam maq tsuq wantaq akhing na, tsangshiq ka khamnyang tsi raq chamchao mak riito. Apaiq raq kham ka longraq wa tsangshiq miitu tiidongkuqto; apaiq raq longraq ka tiikholiiq tiikhobaiqto, raüta kiiwa kham ka tiidongto.

ISAIA 49:10

Tsangshiq ka ümtiikiimin aramtsi riimakla khamnyangtsi chamchao mak she miraq. Rashekiitsi nai kumtsaiphii hiqke raq tiichamchao mak she miraq. Jamkhano ngukla tsangshiq lungwiitiwe riishe tsangshiq ka miriim wan. Apaiq raq tsangshiq ka tsiimse raisetiim na misheaho.

ISAIA 55:1

Tatiwe raq ngutlo, “Warong ra, loweatek khamnyangtsiti— arjaq kham asi! Warong ra, namshiq kampho ahüt— püwong ka ri lantea phaq ronglaq! Warong ra! spiqtai nai minsaü pü ka rilanta nyang ronglaq— namshiq ma rihü maq kuqtlo!

ISAIA 59:21

Kiimaq ümchaü ka Ngi namshiq rai tongshong tiikang: Ngi raq namshiq ma iningkun tu kra kuq tiikang. Kiimaq iman phan ijüche ka namshiq miishe kuq tiikang. Arka pattup pat-sa namshiq miituli she miraq. Krai mren ümchaü ranaiq armiishe namshiq raq ibom taichang. Kiimaq namsetiim ma kiimaq namsaütiim ma shrinkuq ronglaq, tsangshiq raq Ngi raq akuqha aming thun ka pattup pat-sa lang raüta shong wan chang nguta.”

ISAIA 61:9

Tsangshiq ka maiq mung thun na ajong pinthum miraq; Tsangshiq sham chhiti loweatek raq Tsangshiq ka Ngi raq ashiiman kuqhanok nguta misap wan.”

ISAIA 65:23

Tsangshiq raq jamlai phan minwa shiiqtlaq, kriika ong wan ruq miraq. Kiimaq tsang setiim raq tsaimiq khusiq mra riihum mak she miraq. Ngi raq tsangshiq ka mishman kuqha. Kiimaq tsangsaü tsangsetiim ka pattup pat-sa miitu achu mishman kuqha.

EJEKIEL 34:26

“Ngi raq tsangshiq ka mishman kuqha. Lata tsangshiq ka Ngi raq asii hiqlam kra tro na mitiisiha. Kiijaq Ngi raq tsangshiq ma rong raa tlaq kra phan phan ra tiijun lata mishman kuqha.

EJEKIEL 36:27

Ngi raq iwenyi ka namtsan mong niishe mithii kuqha. Kiimaq namshiq raq Ngi raq akuqha tri raütu thun kra nai aming thun kra langwan lanta siwan miitu she milii kuqha.

EJEKIEL 39:29

Ngi raq i wenyi ka Israilnok khuthaq na minyuk kuq wanha. Kiimaq Ngi raq imaklii ka tsangshiq phanü wa jainong ka ümtiikiimin shung thü mang she mirha. Arka Ngi, Tati Rakaü Hiqwe raq chong tiikang.”

EJEKIEL 47:8

Apaiq raq ngi ma nguto, “Ara jürai arka armung maq kiho raüta shedong nü nü kiina kihotlo. Raüta Jordan rai tan kiimaq kiho raüta khamjong Amaa chum kiiniishe kihotlo. Riita ara kham rai arka khamjong Amaa chum kiijiishe la saüho raüla, kra khamjong chum kham shumtai kriika, khamhea khangriri hea chum miishe tiijabaiqtlo.

Hosea 10:12

‘Wakdam anyeshe sham ronglaq. Kechu jaqsham tsamlai wan ronglaq. Tsapkapkap mangchan tsam jut ronglaq. Ngi ma kamwan shiiman tsam jut ronglaq. Ngi namshiq Tatiwe wokhong na nyap ronglaq, ngi raq namshiq ma achu shiiman mikuq kang,’ nguta ngi raq tsangshiq ma chongkang.

Yoel 2:27

Kra akhing niishe, Israilnok lei, namshiq raq, ngi ka namshiq rai adam miidea sitiikang nguta misap han. Kiimaq namshiq raq, ngi namshiq Tati Shiikeawe ka ardea, Kiimaq ngi tea raüta, ahin shiikea ahü nguta misap han. Israilnok ka maiqmung ahinti raq, saisi mak she miraq.

Yoel 2:28

Arjai niishe, ngi raq iwenyi ka isenginok khuthaq na miraükuqha. Kra akhing namsetiim maiqwesere, kiimaq jechaksere raq riisham bom maq itsütsa ka, chiiriim raüta michongkuq wan. Namwetiim tikiibi riimin rawa ma maq michhi wan. Kiimaq namsetiim jerobi riimin, riisham mak maq michhi wan.

Yoel 3:1

Tatiwe raq ngutlo, ara akhing na ngi raq Juda mungti nai Jerusalem chelati ma, arong awin maq siwan miitu achu mishman kuqha.

Yoel 3:18

Kra akhing na pum thun ka, spiqro tonglong li she miraq. Kiimaq kin thun ka dut siisaq li miraq. Kiimaq Juda mung wa jükhü thun na, kham ama miraq. Kiimaq Tatiwe jam mong maq, kham miphok. Raüta Wadi Shittim Thung na minyamho.

Mikha 5:7

Kra mungbrak jaimaq aso atiichong, Israilnok ka maiqphan pahea ma Tatiwe raq, waitsi atrok ikha hüphin hanphin miraq. Wak na tsam cham rü na, waitsi bangkham sattlaq ikha, tsamcham miitu ahea miraq. Tsangshiq raq maiq jaq ka liimak miraq. Tatiwe miilishe mikam wan.

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

Matthew 12:43

“Ümtiikiiwa abi winji ka maiq weshi ra khum wa jobaiq tlaq, apaiq ka khuhü khamhü binjü na achap anga chang ritkai nguta kiho tlo. Shatmaq apaiq raq asi anga chang ka hum mak she raüla,

Acts 10:45

Petar rai awadam Jehudinok phungmaiqsetiim Joppa wa awati raq, Shiikeawe raq apaiq kongphiq Asii Wenyi ka Pongnok phan maiqse miimin, asho awo raüke wan kriishe chhi raüta, tsangshiq ka kai amao riito.

Acts 2:17

‘Shiikeawe raq akha chongtlo, Ngi raq phangthum wan akhing na akha mirha: Ngi raq i Wenyi ka pheanyin pheanyi kaütak rishi, maiq loweatek ma asho awo miraü kuq ha. Namsetiim jechak aja maiqwe aja wiitarü raq, rinkinku maq changriim chiiriim, i tsütsa ara michong kuq wan. Namsetiim jerobi ka shammibi ma mija. Kiimaq nyungwere raq ra wa ma ka, machha khaqkhaq mima.

Acts 2:33

Awe Shiikeawe raq, Jesuq ka apaiq ma jaqtsi nü niishe tiinga wanto. Kiimaq Awe raq kongkhuji na, apaiq miika Asii Wenyi mikuq nguta kiq khamtaq kriishe kuq wanto. Riita, ümchaü namshiq raq arjaq jamlai wa chhi tlan arka, Jesuq apaiq raq, Asii Wenyi ka naishiq khum na phong tsoktsok akuq kriishe chhi tlan.

Acts 2:39

Ara jamkhano chong tiikang ngukla, Shiikeawe raq ara kiqkham raüpot khakuq wantaq arka namshiq miitu. Kiimaq, namsaü namsetiim miitu. Kiimaq ara kiqkham arka, maiqse angu alulang na ümchuwa sitlaq kriiti thun ka, nashiq Tati Shiikeawe raq, apaiq rii she nguta hea wantiiti thun kra kunli miitu.”

Revelation 21:6

Kiimaq apaiq raq treto, “Ümchaü phanrap jaqsham ka kunto she! Ngi ka aphati kiimaq atiisupti. Ngi ka apha wan chang kiimaq atiisup wan chang. Juwa khamnyang tsi, kriiti ma rilung khamphokrai se kiiwa phe maq nyang miitu ngi raq arang mikuq ha.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!