ISAIA 42:3 - ASII LAKDAP Bible (BSI)

³ Apaiq raq atiingun arki tingjangkii ka ngoqbaiq mak miraq, riimakla lem amat wan miiqmiiq ka tiimatbaiq mak miraq. Apaiq raq wiitarü ma atsing angang miphokuq wan.

Hawa Naga Bible 2001

³ Vpiq rueq vkoarx may-o kawz kuex tv-ngawk gay muq vthuik kay raung wvr muinz tvmut gay muq. Vpiq rueq phaungx ngaungx yaq tvrac vlvmz kuex lotlaz mvnz nuex tvdung shuex.

ISAIA 42:3 Referencias Cruzadas

Tvtsvmc 147:3

Apaiq raq tsantsi mongtsiti thun ka, tiiheakuq wantlo, kiimaq tsangkhum wa ami atsi thun ka phum raüta job kuqto.

Tvtsvmc 54:5

Shiikeawe raq ijaqtinok ka tsangshiq raq abi klotlaq kriimiili tsangshiq ma mo mitiiholaq. Apaiq raq tsangshiq ka mishthenbaiq jamkhano ngukla apaiq ka tsapkapkap.

Tvtsvmc 94:15

Rung thun na kha ka tingting miphokuq wan nong, kiimaq kechu maiqse kunli raq mipong wan dam.

Tvtsvmc 96:13

ümtiikiiwa Tatiwe ka mungkang hiq pengkai saühotlaq akhing na. Apaiq raq mangjong hiq maiq phan thun ka tingting tri maq kiimaq riikhaqli tri maq shin raüta mipeng wan.

Tvtsvmc 98:9

jamto ngukla apaiq ka mangjonghiq pengkai kitlo. Apaiq raq mangjong maiqse ka tingting tri lang raüta riikhaqli maq kha mipho.

ISAIA 2:4

Apaiq raq maiq mung jonghea hea liipan na kha dongtlaq kra miphokuq wan. Tsangshiq raq tsang nep jasai thun ka thaiwi pen thun miishe mitiiq wan, kiimaq tsang piq thun ka adongton chang saikiip thun miishe mitiiq wan. Maiq mung thun liipan na re dongmak she miraq, chiq chap rechap ka ümtiikiimin sürii mak she miraq.

ISAIA 40:11

Apaiq raq askukong ka sku riimti raq rümtlaq ikha miriim wan; apaiq raq sku ransetiim ka adam na mitriichum wan, raüta tsangshiq ka ajaq na mido wan; apaiq raq akaütiim ka chaosusu maq mishea wan.

ISAIA 42:2

Apaiq ka mogisii gisiimak miraq, riimakla bom ajong maq bom mak miraq, riimakla lamkampii na agilülü traho mak miraq.

ISAIA 50:10

Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.

ISAIA 50:4

Ajong Thaq Na Ajong Pinthum Tatiwe raq jamlai chong chang wa kra ngi ma shrin kuqto, kra ningkhan ngi raq ahun aniiti ma ningkun shoqkuqlot tiikang. Wranaptek apaiq raq itsan tiichhiitlo; apaiq raq ngi ma jamlai phan shrinkero wa kra tai miitu.

ISAIA 63:1

“Edom mung wa Bojra chela maq waraitlaq ka juwa? Ara kheashii miirii sam raü arang ajong kiimaq ningkun ajong ho raüta warai tlaq ka juwa?” “Arka Tatiwe, ningkun jonghea hoti tiichhiiketi, apaiq raq rekhat tang kangshe nguta tsütsa tiitaikai kitlo.”

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 31:25

Ngi raq ahun aniitsiti maiqse thun kiima nii mitiitsak kuqha. Lata songtsi ramtsiti ka wok phetaktak she midunghiq wanha.

EJEKIEL 34:16

“Rum na miikitaq thun skusetiim ka arit mirkiha. Lata jam na misheawan nongha. Ami atsi tiibuktaq thun kra tsiq maq aphum mirkuqha. Lata ami ba ka khea maq ajop mirkuqha. Kiimaq atsi asiti thun ka atiihea mirkuqha. Shatmaq piitatati thun kra kiimaq ahong alati thun ka atsea mirbaiqha. Jamkhano ngukla Ngi ka riikhaqli tri maq skusekong rümtiwe.

Mikha 7:9

Nashiq ka shut kai dea, Tatiwe man na shutkai. Kriikha na heashise miitu, apaiq tsankhiq ka nin chang she. Shatmaq atiisup niika, apaiq raq nashiq mitiiwongkuq, Raüta nashiq ma ashut klo wantaq, kra atru she mirkuq wan. Apaiq raq nashiq ka rawü niishe mishea wan. Apaiq raq nashiq tiichhiike wan kra, namak ma michhi rong i.

Matthew 11:28

“Namshiq homa lai raq patrai lanta hunnii rai tlanti thun tarü, ana i phana warong ra. Ngi raq namshiq niitsi kra mitiitsak kuq kang.

Matthew 12:20

Apaiq raq wepuq weseti ka tiihai miichhai siakaq mak miraq, Kiimaq jehin noreti ka nanshan mak miraq. Apaiq raq tengteng Shiikeawe tri lam phan na mangjong maiqse kra mishpuq lot shaq wiiwii shiichaq wan ruq miraq.

John 20:27

Tsangshiq rai kra bom raütiishe, Jesuq raq Thomas ma nguto, “Riita, ümchaü min, ümjaq shi maq arjaq chhum liina. Kiimaq, i jaq phi miphan ara lii liina. Laüta, ümjaq shi maq, i siimpii na amiphan sitlaq arjaq ümjaq maq sham liina. Ümchaü min kam maü li riishatshat ka naq si kiq she. Ümchaü sanha kam liishe!”

John 5:30

“Ngi raq i tsiitsii maq tri raü ka sham mang. I We raq chongkuq tlaq kra phanphan li shin tiikang. Kriikha maq, ngi raq jamlai wa shin tiikang, kriika khaqkhaq shin tiikang. Ara jamkhano chongtiikang ngukla, ngi riika i mang jong miitu sham mang. Shatmaq, ngi tiikaiti we raq ahea nguta jamlai wa thimi tlaq, kriili sham tiikang.

Revelation 19:11

Kiijiishe, ngi raq ramungtan ka atiidi raü chhikang. Kiimaq kiijaq kumrang alü kaü ashi chap raü chhikang. Kriithaq na chaoti we mang ka Tsapkapkap nai Riikhaqli nguta ngutlo. Apaiq riika tingting maq kha pho tlo. Raüta re ka khattlo.