ISAIA 40:2 - ASII LAKDAP Bible (BSI)

² Jerusalemti ma tsaiji dokuq ronglaq. Tsangshiq ma chonglaq, tsangshiq luhea she chamchaoto, kiimaq tsangshiq ngarai thun ka ümchaü diibaiqto she. Ngi raq tsangshiq ngarai homa kra khan khan hongli mo tiihokang she.”

Hawa Naga Bible 2001

² Yerusalem ghaq jix muex hungc vlaungc kuq shuinz. Tsuingshiq kuex loayc hvlc kuilc daz wvnc tueq ningkhvnc nuex tsuingshiq mvrax htenc majuiuc dawc kuq gay tauk lvmx tsuingshiq muex jungx shuiuz. Ngaz rueq tsuingshiq kuex tsuingshiq mvrax lotlaz tvkoc nuex mvrc laq murx tvgurc tauk,” ngoz tueq jungx tueq.

ISAIA 40:2 Referencias Cruzadas

RAPHA HIQWA LAK 34:3

Shatmaq apaiq raq kra jechakse ka shamheawiq chhi raüta apaiq raq no ka lungwiito. Kiimaq jechakse raq apaiq lungwii raüjaq nguta Dina ka tiijom nato.

2 KAÜWA WERAÜ 30:22

Hejekia raq Lewinok ka tsangshiq raq mungmaiqse ka Tatiwe shomnoq na athuk atsomwiq maq shun shea wan kha na kai shomra siqto. Tsangshiq raq tsangtitiim Tatiwe Shiikeawe ma tiitsamkam honglu ka ramiishi na saüli kuqto.

Tvtsvmc 32:1

Peohea she ngarai thun diikejeti ma, ashut mra thun diikejeti ma.

Tvtsvmc 85:3

Ümniika tsangshiq ma khiq maüshe tsaqlaü laüta tsangshiq khuthaq na ümtsankhiq sru ka atiitsaq riibaiqlaü.

THARC TVLUINGC 3:4

Apaiq raq tsanbihosi akhing min tiihongje, Achochi akhing min tiihongje. Mahomaanyi akhing min tiihongje Wiinumsea akhing min tiihongje.

ISAIA 12:1

Ranaiqshi akhing saü raüjaq nokwe raq akha mishinge, “Tatiwe lei, ngi raq ümnaq tiitsam tiikang! Ümniika ngi ma akhiq riilaü, shatmaq ümchaü ka ngi boqpumtlaü, kiimaq ngi rai tsan riikhiq maüshe.

ISAIA 14:3

Tatiwe raq Israilnok ka chamchao litkot walü mong wa kiimaq tsangshiq ka di ma tiija raüta ningkun maq jaq tiisham shiinüm shatlaq kriiwa mitiichhiikuq wan.

ISAIA 27:9

Shatmaq ümtiikiiwa thatsang maiqse raq phra thun shomnoq chang berong-wacha longkaü thun kra wiita hiqrai shottlii maq tiithenbaiq jüq, kiimaq homseng honglu chaq chang berongwacha thun nai Ashera phra nyung shomnoq chang berong thun kra apun tiichong mak tiithenbaiq jiiq, kra raüta Israilnok ngarai thun ka midiikuq.

ISAIA 33:24

Namung na siti maiqse phong wa jurmin atsi chamchao tiikang nguta shakshaq mak she miraq. Kiimaq ngarai thun ka siirai she midiikuq wan.

ISAIA 35:4

Tsaiji aranti loweatek ma akha chonglaq, “Ningkun shoq ronglaq, naqhai rongkiq! Shiikeawe ka namshiq tiichhiikai kitlo, namshiq jaqtinok ma mo tiihokai kitlo.”

ISAIA 43:25

Kiitinkhan taü maq dongdii min, Ngi ka Shiikeawe, ümngarai thun diiketi, kiimaq Ngi raq arthun klotiikang arka Ngi ka Ngi dongdiiwe ngokha maq shamkuqtiikang. Ngi raq ümngarai thun ka ümniima tiihoruq tiiho mang she.

ISAIA 44:22

Ngi raq ümngaraibu ka phumda ikha tsuqbaiqkang she. Ngi phana jang wa nongkiq; Ngi ka ümnaq chhiiti.”

ISAIA 49:25

Tatiwe raq tretlo, “Kra mihongtha wan ngutiikang ahata. Phenlawe jaqkhon wa shumwikong ka minyea wan, kiimaq abi pinthum tuwe jaqkhon wa, sepat lopi kra wiita minyea wan. Ümnaq khatti ka Ngi raq mikhat wanha; lata ümsetiim ka Ngi raq mitiichhii wanha.

ISAIA 51:17

Jerusalem lei, samtlo laq! Maiqmii tiidolaq laüta chaplaq! Ümniiraq moho chekhap ka baknyang laüshe kata! kriika Tatiwe raq atsankhiqtsi ma nyanglaq nguta akuq kata; ümniiraq baknyang laü, kriiraq tropkhop tlaü.

ISAIA 53:5

Shatmaq nashiq ngarai kha na apaiq raq mopung hoto, nashiq raq abi klo kha na apaiq ka bunlak tsatto. Nashiq thatsi ka apaiq raq moho wantaq kriimaq tiiheato, apaiq raq maiqmo howantaq kriimaq nashiq ka phintsaq tsaqhea tiijato.

ISAIA 53:6

Nashiq tarü ka skuse amo arki ikha siwankai, nashiq loweatek maiqmii lampu rit siwankai. Shatmaq Tatiwe raq nashiq mo ka apaiq ma tiiho wanto, nashiq tarü raq kra mo ka howan chang wa.

ISAIA 54:15

Maiq ashi ra raq ümniika khat raüla, kriika Ngi rai riiwaihü maq klotlo; jurwa ümnaq khattlaq kriiti ka adea mirwan.

ISAIA 54:17

Shatmaq jamlai chuntsi nyiimwin riimin ümdü na tiimitsi mak miraq; ümnaq shrati tlotli loweatek ma ümkiq khiichang bom asi miraq. Ngi raq ijaqshisetiim ka mitiichhii wanha, lata tsangshiq ma rekhat ka mitiitangha.” Arka Tatiwe raq ngutlo.

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

ISAIA 6:7

Raüta apaiq raq kra wachan nyairaitlaq kiimaq inübii na thanto. Raüta akha nguto, “Liilaq, armaq ümnübii ka thantoshe. Kraimren ümchaü sanha ümshutphit thun ka siikitoshe. Kiimaq ümngarai thun kiimin diibaiqtoshe.”

ISAIA 61:7

Namshiq raq jea ngaü lan nai namshiq khushü jamtaq kriika thumto she. Namshiq ka nammung niishe mishong nga han, Kiimaq nam tsiiq tum ka thepliip mipa wan; Namshiq chochi ka pattup pat-sa misi wan.

ISAIA 66:13

Ngi raq ümniika Jerusalem na anyung raq ase noshiise chuntlaq ikhiishe michhunha.

JEREMIA 16:18

Ngi raq tsangshiq ka tsangshiq ngarai ümchuwa klo wantaq kra thaq na thep tliip lata tsangshiq ma mithamkuqha. Tsangshiq raq thep liip raüta imo ka miho. Jamkhano ngukla tsangshiq raq ngi raq akuqha mungtan ka tsitsü ahü sumla phra phong kra noq wan raüta wiita tiisheshi baiq wanto. Kiimaq tsangshiq raq arot akiq phra phong kra hiqma rama phong wan raüta ihiq shong ka tiisheshi wanto.”

JEREMIA 17:18

Ngi tiichamchaoti miili jea tiingaülaq. Shatmaq ngi tiiwongkuq laq, Tatiwe lei. Tsangshiq ka tiiphiipjiip laq. Shatmaq ngi ka naq tiikiinyiikiq. Tsangshiq khuthaq na chamchao rathaiq tiisaülaq. Laüta bunlak buncha ma tiija baiqlaq.

JEREMIA 29:11

Ngi raq namshiq tiijonglu wan miitu ahang sürii lata thütiikang kriika Ngi riili saptiikang. Kra ahang thun ka namshiq ka chiithe ma tiija wan miitu, atiithen jen miitu riimak. Namshiq raq rawiichii miitu ran tsantsii rümtlan thun kra tiikupi wan miitu thütiikang.

JEREMIA 51:10

Tatiwe raq ngutlo, “Isenginok lei, akha gitrang ronglaq, ‘Tatiwe raq tiichhikuqto. Nashiq ka maiqsang dea. Jam jiq mai. Jerusalem na warong i. Laita kiijaq siti ma nashiq Tati Shiikeawe raq jamlai jaq wa sham kuqtaq kra chong wa rong i.’”

AJONJÜ 4:22

Jajon chela raq apaiq ngarai tham ka, athii tsinhea maq dokda wanto, Tatiwe raq nashiq ka pongmung na, shumwi ma rahiq luhea tiisimak she. Shatmaq Edom mungti lei, Tatiwe raq namshiq ka mitiichamchao. Apaiq raq ümngarai bu ka, wiita mitiichhikuq wan. Raüta mitiichamchao wan.

EJEKIEL 16:42

Kra riihatiq itsankhiq ka mitsaq. Kiimaq itsan ka asang she miraq. Ngi ka khiqriq mang she mirha. Riimakla imakshu chang ka ahü she miraq.

DANIEL 11:35

Kra welabi phong wa anyan phaqchi sapti maiq wiijam ka re raq mitsatbaiq. Shatmaq kra ningkhan, Shiikeawe sengi ka asii maiqsetiim miishe mija wan. Riita arka Shiikeawe raq atiithum akhing tiihongtaq kra misaü shaq wiiwii re ka dong wan ruqli miraq.

DANIEL 12:4

Apaiq raq ngi ma nguto, “Riita, Daniel lei, kra lakdamkom ka, ümchaü akom laüta shaq thülaq. Laüta phangthum akhing misaüho shaq wiiwii, sil maq trap laüta phan thü laq. Kiimaq kra liipan na maiqse pahea raq, jamlai mra wa pin tlaq kra, sap wan haijaq nguta atu na phaqchi rit, kai mihun niiwan.”

DANIEL 12:9

Apaiq raq treto, “Daniel lei, ümniika ümchaü awa wan chang she. Jamkhano ngukla ara bomtsi thun arka phangthum akhing misaü shaq wiiwii maiq ahinti ma tiisap raamak, ahukse maq apaü raütli thüchang.

DANIEL 9:12

Ümniiraq naishiq ma nai naimung pengti ma mo mitiihoha ngulaü kra tiiho wan laü dea. Ümniiraq Jerusalem ka mangjong tlotli na siti chela ahinti thaq na, pinthum heanghea tiichamchao wan laü.

DANIEL 9:2

Apaiq raq mung peng wanli maq wiishi she angu na, ngi raq asii lakdap thun kra sidi phat kang. Lata Tatiwe raq shammiwe Jeremia lümaq, Jerusalem thenkitaq kriika wiiroqmiishi na saüli kiikhiili misi wan nguta chongtaq, kra bomtsi ka shiwea wan kang.

Hosea 2:14

Arkha na ngi raq apaiq ka, rumnyangkhi kumtsaiphii na hali misheaho nongha. Lata kiijaq ngi raq apaiq ma, tlung tiiwii bomtsi chongkuq lata, ngi rai siwan nong miitu mitlin wanha.

Hosea 2:16

Kra akhing na ümniiraq ngi ka, “Iwese loi” ngutiishe mihea haü. Kra akhing na ümniiraq ngi ka, “Itawe Baal Phra,” ngutiika hea maü she miraq, nguta Tatiwe raq nguto.

HABAKUK 2:3

Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.

JEPHANIA 3:15

Tatiwe raq ümmo tiiho ka, tiithumto she. Apaiq raq ümjaqti thun wiita tiisiirai, lambaiqto she. Tatiwe Israilnok hokhamwe ka, ümniirai asi. Ümchaü ka ümnaq haisong chang, lamlu jam min ahü she.

JEKERIA 1:13

Tatiwe raq rase ma tsaido jido bom maq ahea nguta treto.

JEKERIA 1:15

Kiimaq ngi ka maiq mung thun polokhiq sitlaqti miitu, itsankhiq maimai riimak sitlo. Jamkhano ngukla, ngi raq isenginok ma itsankhiq ka ashkhing lata ninwan kangla, tsangshiq raq isenginok ka pinthum tiichamchao wantlo.

JEKERIA 9:12

Munglu shumwikong lei, ümchaü san, namshiq ma akamsea chang asi she, jangwa rongkiq. Nam tiiwong chang niishe jang wa rongkiq, Ngi raq namshiq ma shiiman kechu, thep tliip lata mipai kuq kang. Namshiq ümtinkhan wa chamchao wan lan, Kra tiijang thamke miitu,

Acts 1:7

Kiijiishe, Jesuq raq tsangshiq bom ka akha treto, “Israilnok ma munglang wan mungtu jaqsham kewan kriika, ümtincho na kewan chang wa, kra akhing rahiq jipi ka, i We apaiq riili saptlo. Kriika namshiq raq brorii kai chang ka riimak. Kriika, apaiq raq thapthi chang li.

Galatians 4:4

Shatmaq, riikhaqli akhing aten she saü wan kiita, Shiikeawe raq, apaiq ma Ase shaq kriishe tiikito. Apaiq ka mangjong han-ngam na, maiq nyung ashi wok na, maiqse ma pokito. Kiimaq Jehudinok Thungtri wokhong na si raüta, jonglu wanto.

Revelation 18:6

Apaiq raq namshiq haihii wantaq, kiikha apaiq haihü ronglaq. Apaiq raq ümchuwa ngarai tang wantaq, thepliip maq apaiq khap na tsümkuq rong laq!