ISAIA 4:6 - ASII LAKDAP Bible (BSI)

⁶ Apaiq khushü ngao jonglu raq chela ka nyamshat she raüta ranaiq rashekiitsi wa mikhup wongkuq. Raüta ranaiq na rashekiitsi heng tlaq kriiwa chela ka atiinyam mirkuq wan. Raüta maiqsi maiqnga ma hansang rakhang miraq. Raüta maiqse ka rajun nai rathaiq rahai saü tlaq kiiwa mitii wongkuq wan.

Hawa Naga Bible 2001

⁶ Vpiq ngauz vngax rueq ghaqyungx kuex raungnuiyq shalx kawc thuiuz kuex tvwungx kuq ruiux, raunghtiq raungguil raungyunx ruiux yuq kvtuing tvwungx juing tvyaungc kuq shuex.

ISAIA 4:6 Referencias Cruzadas

Tvtsvmc 27:5

Chamchao ranaiq na apaiq raq ngi mitiiwongkuq; apaiq raq ngi ka apaiq Shomjam na tiiwongkuqshat miraq, kiimaq longkaü diiluwiq thaq na tiiwongshat mitiinga.

Tvtsvmc 55:8

Ngi da chang phanshi ra humsaq li mirha wa rahai henghea kiimaq rathaiq henghea saü wantlaq kiiwa tiiwong ma.

Tvtsvmc 91:1

Juwa Tatiwe tiiwong na watlaq, juwa Ajong Pinthum wokhong na sitlaq,

TAKSU LAK 18:10

Tatiwe ka, nganghea kongmong chong ikha; kechu maiqse tiiwong juchang, haihü songhü angasea ma.

ISAIA 14:32

Riita nashiq phana Philistain mung wa tsasoqti kiimwebi saü wantlaq kriiti ma nashiq raq jamlai bom wa michong rong i? Nashiq raq tsangshiq ma Tatiwe raq Jajon chela ka phataqtaq hea she shongto. Kiimaq asenginok ümtinkhan wa chamchao litkot mong maq lea wantaq kra ümchaü sanha kiijaq mungtsing mungngang miishe mishong wan nguta michong rong i.

ISAIA 25:4

Miitsan maiqse thun nai ümkhii ijasiqtibi ka ümwokhong na tiipaü jutrangto, krai mren tsangshiq ka chamchao akhing na tiichhii wanto. Ümniiraq tsangshiq ka rathaiq wa tiiwongkuq laü kiimaq rashekii tsihea wa ra tiinyam kuq laü. Abi pinthumti maiq raq tsangshiq ka diwin rathaiq ikha longliiqto.

ISAIA 30:30

Tatiwe raq maiqse loweatek ma apaiq bomtsi henghea maiqphiip maiqjiip chang kra mitiitaikuq kiimaq apaiq tsankhiq walü heng kra mitiisapkuq. Kiijaq walü watrang la miraq, phumda mong na aphok watrangla miraq; rathaiq nai tsakhiiq rok wa trangla miraq. Kiimaq rajun düthaü diilii piikhaü kham raü ikha miraq.

ISAIA 32:1

Akhing ashi misaü wan, raüla hokham weshi midong. Apaiq raq mung ka tingting tri raütu sham raüta mipeng. Kiimaq mungtubi raq mung ka riikhaq tri raütu sham raüta mirüm wan.

ISAIA 32:2

Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.

ISAIA 8:14

Jamkhano ngukla, Ngi ka pinthum kiinyii chang asii khamaq, Ngi ka longkaü ikha maiq tiithaü raüta küraitlo. Kiimaq Ngi ka chhü atsan ikha Juda mungti nai Israil mungti kiimaq Jerusalemti pat rai chang tsanje sitiikang.

EJEKIEL 11:16

“Riita ümchaü ümniiraq ümnok ümta munglu shumwi sitlaqti kiima Ngi raq jamlai wa chongtiikang ara chongkuqlaq. Ngi ahata tsangshiq ka pongmung thun luhea na siwa rongkiq nguta tiiwabaiqtiwe. Kiimaq maiq mung ahin thun na nyinbaiq wanti. Li jiimin Ngi ka jaqlo miitu tsangshiq rai adam kra mung thun na sitiikang.

Hebrews 11:7

Nowaq raq Shiikeawe ma kamtsantsii thü kha maq, Shiikeawe raq apaiq ma mak maq michhi shaqli, jai na saüho chang rathup jüjang tsütsa chongkuq taq kra taito. Raüta, apaiq raq Shiikeawe aming maq, laikaü ashi tato. Kra laikaü na ngawa raüta, apaiq nai achak ase tiim ka rathup jüjang mong wa tiichhiito. Krai mren, apaiq rilung na jaqsham wantaq kra lümaq, phiijawa ka shutto dea nguta, shra baiqto. Kiimaq Shiikeawe raq Nowaq dea kechu maiqse nguta pong na, rairiito. Arka apaiq kamtsantsii thütaq kha maq, Shiikeawe raq raikuqto.

Hebrews 6:18

Riita, arjaq chongtlaq, bomtsi ka anai. Shiikeawe raq mikuq ha nguta kiqkhamtaq kra nai apaiq raq sinkhamtaq bomtsi anai kra riito. Shiikeawe bomkham ngutlaq kriika, ümtiikiimin poiki mak phan. Krai mren, nashiq apaiq wokhong tiiwong na sitiikaitibi miika, tsailam jilam she sitiikai. Kiimaq nashiq raq alap chang sitlaq kriika, milap rong i dongdii nguta, ran tiikai. Laita kamto maq khe tiikai.

Revelation 7:16

Tsangshiq ma songtsi ramtsi min ahü she, khamnyang wiikii tsi min ahü she. Chumtsi shekii min ahü she, rakii tsi riimin chaq mak she.