ISAIA 4:4 - ASII LAKDAP Bible (BSI)

⁴ Tati raq apaiq ningkun maq armungti kha ka miphokuq wan. Raüta armung ngarai ka achen mirbaiq wan. Raüta Jerusalem raq maiqtsatbaiq wan raüta ümtinkhan wa shut phit wantaq thun ka siirairai heashe mitiisii hekuq wan.

Hawa Naga Bible 2001

⁴ Taungjix rueq vpiq luimc vkawc maq khac phox kuq ruiux, miqphvnx htenc kuex tvsawc nawc vtueq Yerusalem mvrax nuiyc kvyuq ruiuc tueq tvguiy kuex tvsawc hoal kuq gay shuex.

ISAIA 4:4 Referencias Cruzadas

Tvtsvmc 51:2

Ikhum wa abi thun ka hebaiqlaq kiimaq ngi ka ngarai mong wa tiisiirai helaq!

ASHICHONG 3:11

Jajon sheare lei, dong rong laq. Hokham Solomon ka liirong laq. Anyung raq atiiphop khuphop phop raü watlo. Apaiq junlam rohun miirii, apaiq ma khoqriiq shishiiq ranaiq.

ISAIA 1:15

“Ümtiikiiwa ümniiraq ümjaq ka ra na dolaüta achu mijaühaü, Ngi raq ümniika alü min liimang she mirha. Ümniiraq ümtinkhan li achu jaü raümin, Ngi raq tre mangshe. Jamkhano ngukla ümjaq ka maiq tiijai na atsam reawi she.

ISAIA 1:25

Ngi raq namshiq khuthaq na kha ka atsin miishe mipho wanha. Jin ka khitiip na wa maq shu raüta jamkho jindaiq tiisiibaiqtlaq, kiikha namshiq khum kriimin wa maq shulata mitiisiibaiqha. Lata namshiq khum wa ashe ashi thun kra wiita mitiisiibaiqha.

ISAIA 1:31

Tsamkü shin phong ka wapüse tiidea raüli, amok riidungli lüwan tlaq ikha, maiq ümtin khan ajong alabi nguta tiitsakitlaqti thun kriimin tsangshiq raq ajiq nai abi jaqsham wantaq kriiriili, tsangshiq ka miqchup mitiithenbaiq wan. Kriishe ngu raüla, tsangshiq then wan tlaq kiiwa jurmin tiikhup wongkuqlot mak she miraq.

ISAIA 27:9

Shatmaq ümtiikiiwa thatsang maiqse raq phra thun shomnoq chang berong-wacha longkaü thun kra wiita hiqrai shottlii maq tiithenbaiq jüq, kiimaq homseng honglu chaq chang berongwacha thun nai Ashera phra nyung shomnoq chang berong thun kra apun tiichong mak tiithenbaiq jiiq, kra raüta Israilnok ngarai thun ka midiikuq.

ISAIA 28:6

Apaiq raq phowebi ma kha ka tingting tri raütu sham raüta phoke miitu phaqchi mikuq. Kiimaq chela tro ruk kilamchong thun ka re jaq wa tiiwongti phenlabi ma nola ningkun mishoqkuq.

ISAIA 9:19

Jamkhano ngukla Ajong Pinthum Tatiwe ka atsan khiqhea, arningkhan tiina apaiq raq tsangshiq ma mo tiihotlaq wa ka tsang mung tlotli na wakchaq walü wa ikha tiinyai chaq wantlo. Raüta mungmaiqse ka wiita thumpak tsatbaiq wantlo. Kiimaq maiq pumsii loweatek ka apaiq miituli she sitlo.

ISAIA 9:5

Rewe phenlabi hokpa thun ka kiimaq tiijai da tamtili tsangshiq miirii thun ka, wa miishe chaq raüta mitiithenbaiq.

AJONJÜ 1:9

Apaiq raq ngarai tangtaq kriika, ra na tiichhi ra-shra. Apaiq dea wan chang ngarai kho, apaiq raq chhimak riito. Kriikha na tsailam riihumto, Ajaqtinok raq khat raüta tangto, apaiq ümchaü Tatiwe man na, tiipaiqnea hoq tlo.

EJEKIEL 22:15

Ngi raq ümsenginok ka maiq mung thun tiikham lata miwan baiqha kiimaq pongnok phan mung na minyin baiqha. Lata ümniiraq abi klotlaü thun kra mitiithum baiqha.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

EJEKIEL 36:29

Ngi raq namshiq ka namkhum tiisheshi chang phanrap sitlaq kriiwa mitiichhii kuq wanha. Ngi raq püwong kham ra tü atsam ka heahea tiidong man wan miitu aming mikuqha. Lata namshiq ka rongboq she mitiijaha. Krai mren, namshiq ma ram ka dong mak she miraq.

JEPHANIA 3:1

Jerusalem chela ka thento she, mungrüm kappe sham tsin mak, Shiikeawe bom taimak chelati, senaino mungmaiqse shaphaqti.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!