ISAIA 39:3 - ASII LAKDAP Bible (BSI)

³ Kiijiishe shammiwe Isaia ka Hokhamwe Hejekia phana wato. Raüta waito, “Arwetiim arka ümba maq aki wa kiimaq tsangshiq raq ümniima jamlai bom asa wa chongta?” Kiijiishe Hejekia raq treto, “Tsangshiq ka maiq mung luhea wa aki. Bebilon mung wa.”

Hawa Naga Bible 2001

³ Kvruex yimaq shvmmax Esaia kuex Hokhvmx Hezekia kox nuex kaz vtueq, “Tsuinghez kuex mmaq kaz vtueq lac tsuinghez rueq mnoz muex yvmx lac jungphvnx phvnx?” ngoz tueq wiz tueq. Hezekia rueq, “Tsuinghez kuex yalc hvlc Babelon mungx maq vkaz rvtueq,” ngoz tueq tvralc tueq.

ISAIA 39:3 Referencias Cruzadas

2 SAMUEL 12:1

Tatiwe raq shammiwe Nathan ka Dawit phana tiikito. Krai mren Nathan ka apaiq phana kito, raüta akha nguto, “Maiq wenai chela ashi na sito. Weshi ka chiithe kiimaq weshi ka miitsan.

2 KAÜWA WERAÜ 16:7

Kra akhing na Shammiwe Hanani ka Hokhamwe Asa phana kito. Raüta akha nguto, “Ümniiraq Tatiwe üm Shiikeawe dü na tiinin rii na Siria mung hokhamwe dü na tiinin tlaü kriikha na, Israil mung hokhamwe phenlabi ka ümjaq khon mong wa lun wanto.

2 KAÜWA WERAÜ 19:2

Shammiwe ashi, Hanani se Jehu ka hokhamwe phana kito. Raüta apaiq ma akha nguto, “Ümniiriika ajiq kiimungti ka akhrumke thektlo kiimaq Tatiwe ngengti krai pongdam thek tlo ngutiisha tiima tlaü? Ümniiraq jamlai wa klo laü kra lümaq ümkhu thaq na Tatiwe tsankhiq she tiisaü laü.

2 KAÜWA WERAÜ 25:15

Arkha na Tatiwe tsan kai khiqto. Kra ningkhan apaiq raq shammi weshi Amajia phana tiikito. Shammiwe raq apaiq ma akha shiitep waito, “Ümniiraq pongmungti phra thun ka tsangshiq noqti tsangsenginok santla ümjaq khon mong wa tiichhiikuq lot mak riitaq, kriithun ka jam nguto shomnoq tlaü?”

ISAIA 38:1

Ara akhing tinkhan na Hokhamwe Hejekia ka atsi riikito. Raüta tsai nam nam tsito. Shammiwe Isaia, Amoj se ka apaiq liikai kito. Raüta apaiq ma akha nguto, “Tatiwe raq ümniima phanrap ka athuk atsomwiq tiihong laüta thülaq nguta chongtlo. Jamkhano ngukla ümtsi ka healot mak. Atsai ma khekham silaq.”

ISAIA 38:5

ma Hejekia pha na jangki nongkiq nguta aming kuq nongto. Raüta apaiq ma akha ngulaq nguta thaüto, “Ngi ka, Tatiwe, ümti Dawit Shiikeawe, raq ümnaq achujaü ka taikang kiimaq ümmakphai roktaq kriimin chhikang. Ngi raq ümrilung ka wiiroqshi ri wiibiingi hali mitlu kuq nongha.

ISAIA 39:4

“Tsangshiq raq ümjam hokham jam wa jamlai phan wa liita?” “Tsangshiq raq wiita kunkun chhito. Tsamtiip mong wa ngi raq tsangshiq ma tiichhikuq mang hupsam ka jam min ahü. Wiita tiichhikuq kang.”

JEREMIA 4:16

Tsangshiq ka maiq mung thun kiimaq Jerusalem ma re kong thun ka maiq mung luhea wa aki saühotlo nguta honkam tsasoqkai saükito. Arthun re kong saühotlaq ariiraq Juda mung na chela thun kra bokwan miitu migitrang wan.

JEREMIA 5:15

Israilnok lei, Tatiwe raq namshiq tiikhatkai miitu maiq mung ashi luhea wa sheahotlo. Kriika ningkun henghea riimtinok kiimaq man niiphü ajong alu mungti dongdii. Tsangmungti bom ka namshiq raq taiman.

JEREMIA 8:19

Taironglaq! mung tlot li raq, Ngi raq inok ita aho anyi trang taitiikang; “Riita Jajon chela na Tatiwe ka ahü shea? Jajon riimti hokhamwe ka kiijaq ahü she shea?” Kiijiishe tsangshiq, Tatiwe, tsangshiq hokhamwe raq tretlo, “Namshiq ngi ka sumla phra thun noq lantea, itsan ka jaram wa tiikhiq lan? Kiimaq athü ahü pongmungti sumla phra thun noq lantea, itsan jaram wa tiikhiq lan?”

TRI CHONGKE 28:49

Tatiwe raq üm khuthaq na pong mungti rathup rapha mungti kra mishea wan. Kra mungti bom ka ümniiraq taimaü mirhaü. Tsangshiq ka wa raüta liihawe raq wu phiimtlaq ikhiishe ümniika miphiim wan.

JOSHUA 9:6

Raütiishe tsangshiq ka Israilnok sichang piitiip Gilgal chela kiina wato. Raüta tsangshiq raq Joshua nai Israilnok ma, “Naishiq ka naimung luhea maq akihai. Naishiq ümpha na saüwa kai arka, ümpuk na nyap wa, tongshong wa nguta wakai,” nguta chongto.

JOSHUA 9:9

Kiijiishe, tsangshiq raq akhiishe phankuqto: “Shiilangwe lei, naishiq ka mung luhea maq akihai. Jamkhano ngukla, naishiq raq, Tatiwe üm Shiikeawe tsütsa ka taikai. Apaiq raq Ejip mung na jamlai wa shamtaq kra wiita taikai.