ISAIA 27:3 - ASII LAKDAP Bible (BSI)

³ “Ngi raq ara chhintsii wankang. Lata kham maq aheawiq nyukruq nyuk kang. Lata maiq raq tiibiti mak chang miitu Ngi raq ranaiq rawa kheshat maq liiwan kang.

Hawa Naga Bible 2001

³ “Ngaz rueq sunc kuex tvkhvlc mauk maq bvmc lawc vtueq yuix shvy kuq vshaungx. Ngaz rueq raungnuiyq raungwvrx bvmc lawc vshaungx, kvkhoc rvtueq uraq muinz kvruex tvbac lot shuex rvmuq.

ISAIA 27:3 Referencias Cruzadas

RAPHA HIQWA LAK 6:17

Ngi raq mangjong hiq na rathup jüjang mitii saüha. Lata atra wiitsitsü phan wiita mishthen baiqha. Hiqraikhü na ümchuwa sitlaq kra wiita mijiim.

RAPHA HIQWA LAK 9:9

“Ümchaü Ngi raq ümniirai kiimaq ümsetiim rai tongshong tiikang.

1 HOKHVMX 8:59

Riita Tatiwe nashiq Shiikeawe raq ümchaü ngi raq apaiq man na arthun achu jaütiikang ara kiimaq tiipaiqnea wan tiikang bomtsi thun ara pattup apaiq tsan mong na tiitsangdada mithü wan laq. Kiimaq apaiq ka Israilnok ma nai tsangshiq hokhamwe ma, tsangshiq ma ranaiqtek miitu jamlai wa rongraa wan tlaq kra phan phan tiihang wan mangchan mitiichhi kuq wan laq.

Tvtsvmc 46:11

Tati Ajong Pinthumwe ka nashiq rai asi; Jakob Shiikeawe ka nashiq tiiwongketi.

Tvtsvmc 46:5

Shiikeawe ka kra chela na sitlo, kiimaq kra chela ka ümtiikiimin shiithenbaiq mak; ranap chumaq apaiq kiraüta mikhrum kuqki.

ISAIA 31:5

Wushikaü raq achu mong wa asetiim ka awokhong na pangho raüta tiiwongtlaq ikha, Ngi Ajong Pinthum Tatiwe riimin Jerusalem ka mikhup wongkuqha. Kiimaq mitiichhiikuqha.”

ISAIA 42:6

“Ngi, Tatiwe raq ümniika heawan kang lata ningkun kuqkang, hiqraikhü na mung ka tingting kappe maq peng wan miitu. Ümnaq lümaq ngi raq maiq phan tlotli rai tong mishongha; ümnaq lümaq Ngi raq maiq mung thun na rawüli mitiichhikuqha.

ISAIA 44:3

“Ngi raq khamnyang tsitlaq mung na kham mikuqha, kiimaq shinriiqriiq hiqraikhü na jüseraisetiim mitiikiha. Ngi raq iwenyi ümsetiim khum na miraükuqha, kiimaq ümsaütiim ma ram miramkuqha.

ISAIA 46:4

Ngi ka üm Shiikeawe kiimaq Ngi raq ümniika mishkumpan kang, ümniika nyungwe tiijali kiimaq ümkhu tiipüli miliikang. Ngi raq ümnaq phansang kang; Ngi raq ümnaq mikhrumkang kiimaq mitiichhiikang.

ISAIA 46:9

Tiitsang ronglaq rathup na jamlai mra wa pinta; Ngi ara lamlamli Shiikeawe nguta kholam kholiiq sironglaq, kiimaq Ngi rai thapthi chang ka jumin ahü she.

ISAIA 49:8

Tatiwe raq asenginok ma ngutlo, “Namshiq tiichhiike wan akhing saü raüla, Ngi raq namshiq ka mikhrumkang, kiimaq namshiq raq khrum jaü hoqtrangtlan kra mitreha. Ngi raq namshiq ka mikheha lata mitiiwongkuqha, kiimaq ümnaq lümaq maiqphan thun tlotli rai tong mishong wanha. Ngi raq namshiq ka nammung na hali mitiishong nga wan nongha, ümchaü hiqmiq changkhü ikha sitlaq kiijaq.

ISAIA 5:6

Ngi raq sonruk ka sang miishe mitiikaqbaiqha. Ngi raq spiq raü dong ka ton mang she mirha. Kiimaq hiq kiimin kochak maq thu mang she mirha. Kra thaq na shukcham thun nai shuktamro kriima mitlambaiqha. Ngi raq phumda ma ra kiimin tiijunkuq mang she mirha.”

ISAIA 58:11

Kiimaq Ngi riimin namshiq ka wranaiqshe mishun sheakang. Kiimaq namshiq ma ahea awa phan thun kra kuqlata mitsi mitsaq mitiipeo kang. Ngi raq namshiq ka kuilang kuilabi namhü namhan phintsaqtsaq mirüm wankang. Namshiq ka sonruk ashi na kham chamtraq sitlaq ikha, kiimaq tsiimseraise ümtiikiimin rüki mak phan ikha mirhan.

ISAIA 60:16

Maiq mung thun nai hokhambi raq ümniika mishli, Anyung raq ase noshiise shiilitlaq ikha. Ümniiraq misap haü, Ngi, Tatiwe riidea ümniika tiichhiikuq kang nguta misap haü, Ajong pinthum Israilnok Shiikeawe raq ümniika wase ma tiijato nguta misap haü.

EJEKIEL 34:11

“Ngi, Tati Rakaü Hiqwe raq namshiq ma chongtiikang, Ngi raq i skusekong ka miliiha kiimaq mirümha.

EJEKIEL 34:24

Ngi, Tatiwe ka tsangshiq Shiikeawe ma mijaha. Kiimaq ijaqshise Dawit ikha hokham weshi raq tsangshiq ka mipeng wan. Arka, Ngi raq ngutiikang.

EJEKIEL 37:14

Ngi raq itsi tsü ka tsangshiq miishe mithii kuqha. Lata tsangshiq ka atra miishe mitiija wanha. Kiimaq tsangshiq ka tsang mung niishe mitiishong nga wanha. Kiijiishetiq tsangshiq raq Ngi ardea Tatiwe nguta misap wan. Ngi raq ara tsangshiq ma miklo kuqha nguta kiqkham kuq tiikang. Krai mren, Ngi raq ara misham kuqha dongdii. Arka Ngi, Tatiwe raq chong tiikang.”

EJEKIEL 37:28

Ümtiikiiwa Ngi raq I Shomjam ka tsangshiq rai adam niishe pattup pat-sa miitushe tei wan tiikang, kiijiishetiq, mangjong hiq na maiq mung thun raq, Ngi, Tatiwe riidea Israilnok ka isenginok miitu tsea wan kang ngutiishe misap wan.”

1 SAMUEL 2:9

“Apaiq awokhong na siti, asengi khup wong kuqtlo, shatmaq abi maiqsetiim ka ranyaq mong na mowantlo; maiqse raq aningkun maq rekhat tang wan lot mak.