ISAIA 26:7 - ASII LAKDAP Bible (BSI)

⁷ Tatiwe lei, ümniiriika maiqshaqti khum ma lam aheawiq tantlaü; tsangshiq khum chang lam ka lampii.

Hawa Naga Bible 2001

⁷ Yehowa lex, mnoz rueq miq hvlx jix tvkoc lvmx kuex tvhvlc kuq toq; tsuingshiq kay juing lvmx muinz raz ruik rvtueq.

ISAIA 26:7 Referencias Cruzadas

1 KAÜWA WERAÜ 29:17

Ngi raq asapha ümniiriika maiqse angu kunli tsantsii ka maitai tlaü, kiimaq jurwa tsantsii khangriri hea riimtlaq kriiti rai ka chochi khiq sitlaü. Tsantsii khangriri hea maq kiimaq tingting tsantsii maq, ngi raq arthun ara khoqriiq shishiiq maq ümniima kiinong kuq tiikang. Kiimaq ngi raq chhi wan kang she, ümsenginok ümchaü arjaq thungtii wantaqti raq khoqriiq shishiiq maq ümniima honglu thun ka kuq wanto.

YOBA 31:6

Shiikeawe raq ngi ka tingting kappe na mishin laq, raüka apaiq raq ngi ka chiisan maiqse dea milii.

Tvtsvmc 1:6

Kechu maiqsetiim ka Tatiwe raq shunsheatlo kiimaq khebomshat, shatmaq abi kloti ka tsangshiq thum chang lam na kihotlo.

Tvtsvmc 11:4

Tatiwe ka apaiq asii shomjam na; apaiq hokham ngacho ka ramungtan na. Apaiq raq maiqse ka barap binrii wa liitlo kiimaq tsangshiq raq jamlai wa klotlaq kra wiita asap.

Tvtsvmc 11:7

Tatiwe ka kechu kiimaq shamhea kaiwa thun ka lungwiitlo; jurwa kriithun ka sham lam tlaq tsangshiq ka apaiq rai mantut na misi wan.

Tvtsvmc 25:4

Ngi maq ümlam phan shrin kuqlaq, O Tatiwe lei; kriithun ka ngi ma tiisap kuqlaq.

Tvtsvmc 25:5

Ümbomtsi tengteng na chongtlaq kra phan phan ngi shong nga miitu shrinkuq laq, jamkhano ngukla ümniika i Shiikeawe, ngi tiichhiiti. Ngi ka wranaiqshe ümniima kamtiikang.

Tvtsvmc 27:11

Ngi ma shrinkuq laq, Tatiwe lei, ümniiraq ngi ma jamlai jaq tiisham rowa, laüta ngi tingting lamphan na shunshealaq, jamkhano ngukla ngi ma rewe pahea asi.

Tvtsvmc 5:9

Ngi ngengsengtibi raq chongtlaq kriika akamsea chang riimak; tsangshiq riika ashthenbaiq kiimungli. Tsangshiq bom chong ka asomrasea nai atiishinyea seali, shatmaq among niika laopha thiikho.

TAKSU LAK 11:5

Tingting jaqsham riika, mitting maiqse rilung tiiwongtlo. Ashutwe ka apaiq shut thiikho na dea watlo.

TAKSU LAK 20:7

Kechu maiqse rilung ka tingting; ajaiphanti asetiim ma, kechu jonghea.

TAKSU LAK 21:8

Ashut kiimungti ashut lam na khumtlo; kechu maiqse riika riikhaqli klotlo.

TAKSU LAK 3:6

Phanrap sham akaitek na, Tatiwe rai riiwai laüta sham laq. Kra riihaü la apaiq raq, ümnii ma riikhaqli lam mitiichhikuq.

TAKSU LAK 4:18

Shatmaq kechu maiqse rilung lam ka, ranap na rashe dong wan tlaq ikha, ranaiq hoho rashekii ka, henghea riiwan tlaq ikha, liliim wantlo.

ISAIA 30:18

Li jiimin, Tatiwe riika namshiq ma tiihangkuq wan ruq roli miraq. Apaiq riika namshiq ma mangchan tiichhikeli sitlo. Jamkhano ngukla apaiq riika wranaiqtek tingting kli klotlo. Kechu jonghea jurwa Tatiwe miili kamtsantsii thütlaq.

ISAIA 35:8

Kiijaq munglam jong kaü jonghea she mitan wan, kra mang ka, “Asii Lamjong” nguta mingu. Ngarai maiqse ka kra lam maq ümtiikiimin khum mak miraq; kra lam phan phan khumti ka maiqjiqti thun raq tiishonlot mak she miraq.

ISAIA 42:16

“Ngi raq isengi makchukti thun mishun sheaha, tsangshiq raq jangshi min khum mak lam thun maq. Ngi raq tsangshiq ranyaq ka rawü ma mitiijaha, kiimaq tsangshiq khaki na rumtang lam thun ka, nyeadang danghea mitan kuqha. Arthun ara ikiqkham raüpot, kiimaq bom poshi min tiikhoi mang maq mitiiku wanha.

ISAIA 52:12

Ümchaü lak namshiq ka taülaükhiq ka laü wan man mirhan; namshiq ka chiimjin wan ajurai ngomin rarai mak. Namshiq Tatiwe, nam Shiikeawe raq namshiq ka mishun shea wan, kiimaq apaiq raq namshiq ka trotam maq khebom kuqshat miraq.

ISAIA 57:2

Jurwa riikhaqli rilung siraüta tsai wan tlaq, kriiti ka sanglili hea tsai wantlo kiimaq maakho na niitiitsak raüta sitlo.

JEREMIA 10:23

Tatiwe, ngi raq asapha jurmin maiqmii ningthoi ka sap mak; jurmin maiqmii rilung ka riimlot mak.

Hosea 14:9

Taksuti raq tak wan ronglaq. Ara bomchong ara. Tatiwe tri lam phan ka tingting. Tingting maiq raq arlam miphan wan. Raüta mishongnga wan. Shatmaq ngarai maiqse arjaq mithap wan. Tsangshiq raq tri raütu shipoq wanto.

JEPHANIA 3:5

Shatmaq Tatiwe ka chela na asi; apaiq raq tingting jaq shamtlo. Ajiq ka ümtiikiimin klomak phan. Apaiq raq ranaptek tiikhea mak maq, asengi ma kha ka tingting phokuqtlo. Shatmaq ashut kloti ka jeasi sapmak, ashut kiimung kli klotlo.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

Ephesians 2:10

Shiikeawe raq, nashiq ara ümchaü sanha, awongsii maiqsetiim miishe tiija wanto. Ara nashiq rilung arka, ümchaü sanha, Khristo Jesuq rai pumshi maq silaita, Shiikeawe raq nashiq raq sham miitu, jaqsham ahea awa phan ümchuwa tiihong tha thü wantaq, kra thun ka sham laita, sichang li she.

1 John 3:10

Ara chongtiikai arhata, Shiikeawe setiim nai Thawe setiim liipan na atrai chang trai longshong kaü ikha tiishong shat sitlaq ara. Jurwa athuk atsom jaqsham chang kra sham mak riitlaq, lo aphu ano ka lungwii mak sitlaq, kriiti ka Shiikeawe se ka riimak.

1 John 3:7

I setiim lei, namshiq ka jumiimin naq tlao rongkiq! Khristo ka asii kechu maiqse. Krai mren, jurwa tingting jaqsham tlaq, kriiti ka kechu maiqse.