ISAIA 24:1 - ASII LAKDAP Bible (BSI)

¹ Tatiwe raq mangjong hiq ka atiithen mirbaiq. Raüta hiqmiq changkhü ma mitiija. Apaiq raq hiq raikhü ka akap atsea miphebaiq. Raüta maiqse ka wiita barapse na minyinbaiq.

Hawa Naga Bible 2001

¹ Yehowa rueq ghaq kuex rop gay ruiux, kuiyqshuik kuiyqkhvmx muex tvyaungc gay shuex. Vpiq rueq ghaq htvlx kuex phel kuip gay ruiux, kvyuq httax yaq miq htenc kuex tvpanc gay tueq.

ISAIA 24:1 Referencias Cruzadas

2 HOKHVMX 21:13

Ngi raq Samaria chela ma jamkho imo jonghea tiihokang, kiikhiisii hali Jerusalemti miimin imo laihea mitiihoha. Ngi raq Israil mung Hokhamwe Ahab nai asaü asetiim ma imo tiihokang, kiikha mitiihoha. Ngi raq Jerusalem chela na siti mungmaiqse ka miqchup tiisiirai wiichhiite maq achhii ikha michhii baiqha. Winpin ka siirai rai jamkhiiwa tiiwe tatbaiq tlaq, raüta angan nü na kapsaq thütlaq ikha mikap baiqha.

NEHEMIA 1:8

Riita ümchaü min, ümniiraq man na Mosheq ma jamlai kiqkham bomtsi wa khakuq laü, kra bomtsi ka ümtsan na tiitsang laq. Ümniiraq Mosheq ma akha chongkuq laü: ‘Namshiq Israilnok raq ibom tai man maq, ikiq khii lanta, tongshong tri wokhong na siwan man riihan jiila, ngi raq namshiq ka tiipin miijin mijobaiqha. Lata pongmung maiqse wokhong na mitiichamchao pha.

Tvtsvmc 146:9

Apaiq raq namung na siti wanshabi ka tiiwongkuqtlo; apaiq raq manti-nyungre nai jechise kong khrumtlo, shatmaq abi klotibi ka tsangshiq then wan lam na sheahotlo.

ISAIA 13:13

Ngi, Ajong Pinthum Tatiwe raq, itsankhiq tiichhi tiikang ranaiq na, Ngi raq ra thun ka naüshaü shaü mibaiha. Kiimaq mangjong hiq ka apaiq bum chang ba kiiwa naüshaü shaü mibaiha.

ISAIA 13:5

Tsangshiq ka ratsüko mung thun wa, hiqraikhü tiisup mung thun wa saü wantlo. Atsankhiqtsi ma Tatiwe ka kra mung ka hiq maq hutse tiithenbaiq miitu saü wantlo.

ISAIA 2:19

Apaiq ka ümtiikiiwa mangjong hiqraikhü ka naübaiqkai kitlaq, kra akhing na, Tati tsankhiq walü wa nai apaiq ningkun jonghea kiimaq apaiq khushü ngao chhainyii liliim wantlaq kriiwa tiichhii miitu, maiqse angu thun ka longraq khu na longkhong mong thun kiijaq mitiipaü. Riimakla hiq na khobok thun thu raüta tiipaü lai nguta midan.

ISAIA 24:19

Mangjong hiqraikhü ka wiita abok kaütiim mikhoki. Raüta abun mirki. Raüta kholam kholiiq mikhoki.

ISAIA 24:20

Hiq arka maiq cheropwe tropkhop raitlaq ikha trop miikhop mitiime wan. Kiimaq wak wa baülitiipse rathaiq wan raüjaq tiibaitlaq ikhiishe mitiibai. Mangjong hiq ka apaiq ngarai homa riishe pat wanto. Arka athen she mirki kiimaq ümtiikiimin dong wan lot mak she miraq.

ISAIA 27:10

Trotam maq kiitelong maq ruk raüta, peruk weshaü mong na siti chela ka thento she. Arka hiqmiq changkhü ikhiishe sitlo. Rumnyangkhi hiqmiq changkhü she. Nyamse rüm chang nyiim lung rii li she. Kra nyamsekong haisea chang kiimaq nyamsekong bumsea changli she.

ISAIA 29:16

Tsangshiq raq phanrap phanrii ka akap atsea wiita phebaiqtlo. Riita ikhla, ümriiti wa akhek? Hamliitak lotiwe kriisha akhek? Shea tak kriiwa akhek? Riita maiqse raq ajaq ma aklo kriiraq apaiq tiiqtiwe kiima, “Ümniika ngi lotiwe ri riimak?” Riimak la, kra takkapo raq alotiwe ma, “Ümniiraq jamlai wa klo tlaü kriika sapmaü?” nguta mingu lot shea?

ISAIA 29:2

Kra raütiitiq Shiikeawe raq “Shiikeawe berong-wacha” ngutlaq kriishe laimiq mitiithen baiq. Kiijaq maiq ka agi asii aho anyi watrangli she miraq. Kiimaq chela tlotli ka berong-wacha ikha maiq tiijai phongli she miraq.

ISAIA 30:32

Tatiwe raq tsangshiq ka tiithongkiki apaiq chong wai maq buktlaq shon ka, asenginok riikaq kra akhing na hünong buk raüta kiimaq phaqlamtoro tsü raüta miwiinum nea. Shiikeawe apaiq raq Asirianok ka mikhat.

ISAIA 32:12

Tsanbi hositsi ma namkhuk na jaq tham maq tiitap lantiishe hoqsii trang ronglaq. Jamkhano ngukla wak thung jandam ahea awa thun kra nai spiqro bagan thun kra wiitashe tiithen baiqto.

ISAIA 33:9

Armung ka hiqmii she. Jaqshamseati maiq min ahü she. Lebanon wang wa rum thun ka wiitashe jungkito. Hiqpo hiqwin Sharon tan kiimin kumtsaiphii ikhli she jakito. Kiimaq Bashan wang nai Karmel Pum wa pejaq thun ka achong wa wiita rok wanto.

ISAIA 34:10

Kriika ranaiq rawa nyai wan ruqli she minyai wan. Kiiwa wakhuk mong wan ka pattup mong wanruqli she miraq. Kra mung hiqraikhü ka maiqpat patshi maq riita patshi na athen she mirki. Kra lam maq wanwe ka jumin khumki mak she miraq.

ISAIA 34:2

Tatiwe ka maiq mung kunli ma kiimaq tsangshiq phenlabi thun tlotli ma atsankhiq. Apaiq raq tsangshiq ka tiishaübaiqto she. Raüta chongthum tiijabaiq miitu kha tanto she.

ISAIA 42:15

Ngi raq kin thun nai pum thun ka mitiithen baiqha, lata sangphii rü nai pero thun ka atiishin mirbaiqha. Ngi raq jüwiitan thun ka kumtsaiphii ma mitiijabaiqha, kiimaq thamchum thun ka atrü mirbaiqha.

ISAIA 5:6

Ngi raq sonruk ka sang miishe mitiikaqbaiqha. Ngi raq spiq raü dong ka ton mang she mirha. Kiimaq hiq kiimin kochak maq thu mang she mirha. Kra thaq na shukcham thun nai shuktamro kriima mitlambaiqha. Ngi raq phumda ma ra kiimin tiijunkuq mang she mirha.”

JEREMIA 4:7

Hangsikaü rum na bomhai raüta akhe dongkitlaq ikha, maiq mung thun tiithenkaitiwe kitlo she. Apaiq ka Juda mung tiithenkai kitlo. Juda mung wa chela thun ka botkhulai rai mishotbaiq, kiimaq kriithun na maiq jumin simak she miraq.

JEREMIA 40:15

Kiijiishe Johanan raq apaiq ma, apaiq honhon se na chongto, “Ngi kilata Ishmael ka tsatki pha. Kra ngu raüla jurwa tsattaq kra jurmin sap mak miraq. Apaiq ma ümniika jaram tiitsea wa? Kriishe nguraü ka ümwokhong na siti Jehudinok thun kra wiita pongpin riipin she khata mipinki? Krai mren, Juda mung na aso atiichongki thun mungmaiqse miitu ka athen wan changli she khata miraq.”

JEREMIA 50:17

Tatiwe raq ngutlo, “Israilnok ka skusekong hangsi kong raq jo raüta atiipinbaiq ikha. Apha na tsangshiq ka Asiria mung hokhamwe ajongwe raq khatto. Kiimaq kra jai maq Bebilon mung hokhamwe Nebukadnejar raq tsang rii thun ka bunlaklak kaqphaqto.

JEREMIA 51:34

Bebilon hokhamwe raq Jerusalem ka tiibunbaiqto, raüta wiita phaq baiqto. Apaiq raq chela ka hamlii tsabum wa hupsam tiidongbaiqtlaq ikha tiidongbaiqto; ngorokaü raq ikha apaiq raq jokbaiqto, Apaiq raq aroro tiithumpak runto, kiimaq kriiwa chantlaq ka wiita wanbaiqto.

JEREMIA 9:16

Ngi raq tsangshiq ka maiq pong mungti thun mung luhea na, tsangshiq riimin sapmak kiimaq tsangtitiim riimin sap mak, mangtang ramangnok mung niishe munglu shumwikong ma mitiitsuq wanha. Lata ngi raq tsangshiq ka tiithumpak mitiithen baiqha shaq wiiwii, chiqse rewe pahea tiiki lata tsangshiq ka mitiikhat wanha.”

EJEKIEL 12:20

Chela thun na ümchaü maiq raq ama sitlaq kra wiita mishthen baiq. Kiimaq hiqshong thun ka kumtsaiphii ma mitiijabaiq. Kiijiishe tsangshiq raq Ngi ardea Tatiwe nguta misap wan.”

EJEKIEL 24:11

Riita ümchaü ka kra miiki tak shaqmii ka wachan henghea nyaitlaq kra thaq na tiidalaq. Lanta mokhii ka wa na henghea shiiroro tiipüli tiike chaq ronglaq. Kra chhii raq aphaq rat tak mong thun khothap khotha kra wa maq tiikhiim chaqbaiq jai ka apii ashan chang ka ahü she. Siirairai she miraq.

EJEKIEL 35:14

Tati Rakaü Hiqwe raq ngutlo, “Ngi raq ümniika tiinamtok hiqmiq changkhü ma mitiijabaiqha. Krai mren mangjong tlotli raq ümnaq dea wan laü kra chhi raüta pinthum michochi.

EJEKIEL 5:14

Ümtro na maiq mung thun sitlaq kriiwa maiq loweatek alea wan lam maq ümniika chhi raüta thophi riiqphi mishummii. Kiimaq apaiq ümtho na wamak, alu miilishe milii.

EJEKIEL 5:2

Mantsam kiiwa manshi ka chela ka re raq khat-lotto she angu na chela mong na wa maq chaqbaiqlaq. Kiimaq mantsam wa mannai ngoja kra hali lam laüta, ümjaq na shamshat maq chela tro kiijaq kinphai na tro khum laüta tap chum baiqlaq. Kriimaq atiisup mantsam ngojati kriika rahai na tiipan wanbaiqlaq. Kiimaq kriika, Ngi raq inepja maq joshjo she mijo wanha.

EJEKIEL 6:14

Tengteng, Ngi raq ijaq ka tiipii lata tsangmung ka mitiithenbaiqha. Ngi raq shemai nü kumtsaiphii wang kiimaq pha wan lata, Ribla chela kiina saüli botkhulai rai mishotbaiqha. Israilnok shongtlaq maiqhiq aweatek ka hiqshi tammang maq mitiithenbaiqha. Kra riiha jiitiq maiq loweatek raq Ngi ardea Tatiwe nguta misap wan.”

EJEKIEL 6:6

Israil mung na chela thun sitlaq kra tlotli mitiithenbaiq. Krai mren, tsangshiq berong-wacha thun nai tsangshiq phra sumla thun kriimin wiita bunlak buncha she mitiibunbaiq. Kiimaq tsangshiq homseng berong-wacha thun kriimin tiihihut mitiibunbaiq. Kiimaq tsangshiq raq jamlai phan wa haihuntaq thun kra wiita amoshe mirki.

EJEKIEL 7:12

Akhing ka saü wantlo she. Ari athii asha ata piikii ka jam achu min ahü she miraq. Jamkhano ngukla Shiikeawe sintsang moho wan ka tarü ma pili chhaq maq misaü wan.

EJEKIEL 7:14

Rekhat ho ma boli ka tsütlo she. Maiq loweatek ka tiijeje siisaq she. Shatmaq rekhat kaiti maiq ka ahü miraq. Jamkhano ngukla Shiikeawe tsankhiq ka tarü ma pili chhaq misaü wan.

NAHUM 1:5

Tatiwe man na pum thun ka, tiikhai banban she riitlo, Ku-akin thun ka, ajam riiwan tlo. Tatiwe chhi raüta, mangjong hiqdiim tiikhai tlo, kriithaq na siti maiqse kunli hanghun wanto.

NAHUM 2:10

Ninewi ka botkhulai rai shotto! maiq thun wiita pinto! Hiqmiq changkhü miishe jato! Tsaihü jihü phiipjiip wanto. Tsanghok tsangjaq tiikhai rokrok; rok-hü riihü tiimelot mak. Tsang theaphi na tapkhu da, munjuk mijuk!

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

Acts 17:6

Shatmaq, tsangshiq raq tsangnai ka hum mak dea riito. Kriikha miishe, jamchongti we Jason nai phunainotiim wiijamti ka krun krun she hit-ho raüta, kra chela hupkhang wanti welabi man na hithoto. Raüta, “Arwetiim raq barap binrii na mung wiita brak shaq baiq wanto! Raüta ümchaü ka nashiq chela niishe saü wato.

TRI CHONGKE 28:64

“Tatiwe raq ümniika mangjong hiq raikhü na, maiq mung thun kiijaq wiita na miwan baiq wan. Mangjong hiq raikhü na siimko maq riita siimko na saüli miwan baiq wan. Kiimaq kiijaq ümniiraq pe maq ahai nai long maq ahai sumla phra thun kra, ümniiraq maiqmii riimin sap maü kiimaq ümtitiim riimin sap mak sumla phra kong kriishe mishomnoq wan haü.

TRI CHONGKE 32:26

Ngi raq tsangshiq ka miqchup tiithenbaiqha chang wa, jurmin tsangshiq ka tsan na tiitsang mak she mirwa.

TRI CHONGKE 4:27

Tatiwe raq namshiq ka pong mung thun na wiita miwan baiq. Kra mung thun na namshiq ka maiq atsapko li she mitiichong han.

James 1:1

Ngi, Jakob, Shiikeawe kiimaq Tati Jesuq Khristo jaqshise raq: Shiikeawe sengi mangjong tlotli na riinyinshin siti tarü ma salam tiitai tiikang.